ತಡಿಯಂಡ ಮೋಳ್ ಬೆಟ್ಟದ ಚಾರಣಕ್ಕೆ ಹೋಗಿ ಅಲ್ಲೇ ನಾಲ್ಕು ದಿನ ಕಳೆದು ಹೊರ ಬಂದ ಶರಣ್ಯಳ ಬಗ್ಗೆ ಅನೇಕ ಸಂಶಯಗಳು ಜನರ ಮನದಲ್ಲಿದೆ. ಶರಣ್ಯಳ ಪ್ರಕರಣವು ಮೊದಲ ನೋಟಕ್ಕೆ ಆಶ್ಚರ್ಯಕರವಾಗಿ ಕಂಡರೂ, ವೈದ್ಯಕೀಯ ಮತ್ತು ಶಾರೀರಿಕ ದೃಷ್ಟಿಕೋನದಿಂದ ಇದನ್ನು ನಿಗೂಢತೆಗಳಿಲ್ಲದೆ ವಿವರಿಸುವ ಸಾಧ್ಯತೆಗಳಿದೆ.

ಅದರ ವಿಶ್ಲೇಷಣೆ ಇಲ್ಲಿದೆ

* ಕೇವಲ ನೀರಿನ ಸೇವನೆಯೊಂದಿಗೆ 3-4 ದಿನಗಳ ಬದುಕುಳಿಯುವಿಕೆ...

ಎಲ್ಲರೂ ಅರ್ಧ ಲೀಟರ್ ನೀರಿನೊಂದಿಗೆ ಹೋಗಿದ್ದಾಳೆ ಎಂದು ಮಾತ್ರ ತಿಳಿದಿದ್ದಾರೆ. ಆದರೆ ಅಲ್ಲಿ ಹರಿಯುವ ನೀರಿನ ತೊರೆಯಲ್ಲಿ ನೀರು ಇದೆ. 36 ವರ್ಷದ ಆರೋಗ್ಯವಂತ ವ್ಯಕ್ತಿಯು ಸಾಕಷ್ಟು ನೀರು ಲಭ್ಯವಿದ್ದಲ್ಲಿ, ಆಹಾರವಿಲ್ಲದೆ 3 ರಿಂದ 4 ದಿನಗಳ ಕಾಲ ಸುಲಭವಾಗಿ ಬದುಕಬಲ್ಲರು. ಈ ಸಮಯದಲ್ಲಿ ದೇಹವು ಈ ಕೆಳಗಿನ ಬದಲಾವಣೆಗಳನ್ನು ಮಾಡಿಕೊಳ್ಳುತ್ತದೆ:

* ಗ್ಲೈಕೋಜೆನ್ ಬಳಕೆ: ಮೊದಲ 24 ಗಂಟೆಗಳಲ್ಲಿ ದೇಹವು ತನ್ನಲ್ಲಿ ಶೇಖರವಾಗಿರುವ ಗ್ಲೈಕೋಜೆನ್ ಅನ್ನು ಬಳಸುತ್ತದೆ.

* ನಂತರ ದೇಹವು ಕಿಟೋಸಿಸ್ (ಏeಣosis) ಎಂಬ ವಿಧಾನದಿಂದ ಕೊಬ್ಬನ್ನು ಕರಗಿಸಿ ಶಕ್ತಿಯನ್ನು ಪಡೆಯಲು ಆರಂಭಿಸುತ್ತದೆ. ಇದು ಮಾಂಸಖಂಡಗಳು ಬೇಗನೆ ಕ್ಷೀಣಿಸದಂತೆ ತಡೆಯುತ್ತದೆ ಮತ್ತು ಅಲ್ಪಾವಧಿಗೆ ಶಕ್ತಿಯ ಮಟ್ಟವನ್ನು ಸ್ಥಿರವಾಗಿಡುತ್ತದೆ.

ಹಾಗಾಗಿ, ಬೆಟ್ಟದಿಂದ ಹರಿಯುವ ನೀರನ್ನು ಕುಡಿದು ನಾಲ್ಕು ದಿನ ಬದುಕುವುದು ವೈದ್ಯಕೀಯವಾಗಿ ಸಾಧ್ಯ.

ಆಕೆ ಸುಸ್ತಾದಂತೆ ಕಾಣದಿರಲು ಕಾರಣಗಳೇನು?

ಇದು ನಮಗೆ ನಂಬಲು ಅಸಾಧ್ಯವೆನಿಸಿದರೂ, ಇದಕ್ಕೆ ವೈಜ್ಞಾನಿಕ ಕಾರಣಗಳಿವೆ:

ಆಕೆ ತನಗೆ ನಿದ್ರೆಯೇ ಬರಲಿಲ್ಲ ಎಂದು ಹೇಳಿರಬಹುದು, ಆದರೆ ವಾಸ್ತವದಲ್ಲಿ ದೇಹವು ಅರಿವಿಲ್ಲದೆಯೇ ‘ಮೈಕ್ರೋ-ಸ್ಲೀಪ್’ (ಕೆಲವೇ ಸೆಕೆಂಡುಗಳು ಅಥವಾ ನಿಮಿಷಗಳ ನಿದ್ರೆ) ಪಡೆಯುತ್ತದೆ.

* ಕುಳಿತಾಗ ಅಥವಾ ಮಲಗಿದಾಗ ಸಿಗುವ ಅಲ್ಪ ವಿಶ್ರಾಂತಿಯು ಕೇವಲ ಮೂರು ದಿನಗಳ ಮಟ್ಟಿಗೆ ಮುಖದಲ್ಲಿ ತೀವ್ರ ಆಯಾಸ ಕಾಣಿಸಿಕೊಳ್ಳದಂತೆ ತಡೆಯಬಹುದು.

ಶಕ್ತಿಯ ಉಳಿತಾಯ...

ದಾರಿ ತಪ್ಪಿದಾಗ ಸಾಮಾನ್ಯವಾಗಿ ಜನರು ಆರಂಭದಲ್ಲಿ ಗಾಬರಿಯಿಂದ ಓಡಾಡಿದರೂ, ನಂತರ ಶಕ್ತಿಯನ್ನು ಉಳಿಸಲು ಒಂದೇ ಕಡೆ ಇರುತ್ತಾರೆ. ಆಕೆ ಹೊಳೆಯ ಬಳಿಯೇ ಉಳಿದು, ಓಡಾಟವನ್ನು ಕಡಿಮೆ ಮಾಡಿದ್ದರಿಂದ ದೇಹದ ಶಕ್ತಿ ವ್ಯರ್ಥವಾಗಿರಲಾರದು.

ಕಾಡಿನ ತಂಪು ವಾತಾವರಣ ಮತ್ತು ಮಳೆಯಲ್ಲಿ ನೆನೆಯುವುದು ಆಕೆಗೆ ವರದಾನವಾಗಿರಬೇಕು. ಅದು ದೇಹದ ಉಷ್ಣತೆಯನ್ನು ಕಾಪಾಡಿ, ಬೆವರಿನ ಮೂಲಕ ನೀರು ನಷ್ಟವಾಗುವುದನ್ನು (ಆehಥಿಜಡಿಚಿಣioಟಿ) ತಡೆಯಿತು.

ಕಾಡಿನ ಆದ್ರ್ರತೆಯು (ಊumiಜiಣಥಿ) ಚರ್ಮವು ಒಣಗದಂತೆ ಕಾಪಾಡಿ, ಆಕೆ ಲವಲವಿಕೆಯಿಂದ (ಫ್ರೆಶ್) ಕಾಣಿಸಿ ಕೊಂಡಿರಬಹುದು.

ಸಂಕಷ್ಟದ ಸಮಯದಲ್ಲಿ ದೇಹದಲ್ಲಿ ಅಡ್ರಿನಲಿನ್ ಮತ್ತು ಕಾರ್ಟಿಸೋಲ್ ಹಾರ್ಮೋನುಗಳು ಬಿಡುಗಡೆಯಾಗುತ್ತವೆ. ಇವು ವ್ಯಕ್ತಿಯನ್ನು ಸದಾ ಜಾಗೃತವಾಗಿರಿಸಿ, ಆಯಾಸವನ್ನು ತಾತ್ಕಾಲಿಕವಾಗಿ ಮರೆಸುತ್ತವೆ. ಇದು ಕಣ್ಣುಗಳಲ್ಲಿ ಒಂದು ರೀತಿಯ ತೇಜಸ್ಸು ಅಥವಾ ಚುರುಕುತನವನ್ನು ನೀಡುತ್ತವೆ.

ಅವಳ ಬಾಹ್ಯ ನೋಟವು ನಮ್ಮ ಯೋಚನೆಯ ದಾರಿ ತಪ್ಪಿಸಬಹುದು.

ನಾವು ‘ಫ್ರೆಶ್’ ಎಂದು ಕರೆಯುವ ನೋಟವು ಒಳಗಿನ ಆರೋಗ್ಯವನ್ನು ಪೂರ್ಣವಾಗಿ ಪ್ರತಿಬಿಂಬಿಸುವುದಿಲ್ಲ:

ಮೇಕಪ್ ಇಲ್ಲದ ಸ್ವಾಭಾವಿಕ ಮುಖ ಮತ್ತು ನೈಸರ್ಗಿಕ ಬೆಳಕಿನಲ್ಲಿ ಮುಖವು ಸ್ವಚ್ಛವಾಗಿ ಕಾಣುವ ಸಾಧ್ಯತೆಗಳಿವೆ.

ಸ್ವಲ್ಪ ಮಟ್ಟದ ನಿರ್ಜಲೀಕರಣವು (ಆehಥಿಜಡಿಚಿಣioಟಿ) ಮುಖದ ಉಬ್ಬುವಿಕೆಯನ್ನು ಕಡಿಮೆ ಮಾಡಿ, ಮುಖದ ಲಕ್ಷಣಗಳನ್ನು ಹೆಚ್ಚು ತೀಕ್ಷ್ಣವಾಗಿ (Shಚಿಡಿಠಿ) ಕಾಣುವಂತೆ ಮಾಡುತ್ತದೆ.

ವೈದ್ಯಕೀಯ ಪರೀಕ್ಷೆ

ಮುಖ ನೋಡಿ ಆಕೆ ಆರಾಮವಾಗಿದ್ದಾಳೆ ಎಂದು ಅನಿಸಿದರೂ, ವೈದ್ಯಕೀಯ ತಪಾಸಣೆಯಲ್ಲಿ ಈ ಕೆಳಗಿನ ಲಕ್ಷಣಗಳು ಖಂಡಿತಾ ಇರುತ್ತವೆ:

* ಲಘು ಪ್ರಮಾಣದ ನಿರ್ಜಲೀಕರಣ.

* ರಕ್ತದಲ್ಲಿ ಕೀಟೋನ್‍ಗಳ ಉಪಸ್ಥಿತಿ (ಏeಣosis).

* ಎಲೆಕ್ಟ್ರೋಲೈಟ್ ಅಸಮತೋಲನ.

* ತೀವ್ರವಾದ ನಿದ್ರೆಯ ಕೊರತೆಯ ಆಂತರಿಕ ಪರಿಣಾಮಗಳು.

ಇದರ ಬಗ್ಗೆ ಅವಳನ್ನು ಪರೀಕ್ಷಿಸಿದ ವೈದ್ಯರೇ ಹೇಳಬೇಕμÉ್ಟ....

ಆಹಾರವಿಲ್ಲದೆ ಕೇವಲ ನೀರಿನ ಸಹಾಯದಿಂದ ಮಾನವನು ಬದುಕುಳಿಯಬಲ್ಲ ಎಂಬುದಕ್ಕೆ ಕೆಲವು ನಿದರ್ಶನಗಳಿವೆ.

ಜೂಲಿಯನ್ ಕೊಯೆಪ್ಕೆ: ಅಮೆಜಾನ್ ಕಾಡಿನಲ್ಲಿ 4ಐದನೇ ಪುಟಕ್ಕೆ

(ಮೊದಲ ಪುಟದಿಂದ) 11 ದಿನಗಳ ಕಾಲ ಕೇವಲ ನೀರಿನಿಂದ ಬದುಕುಳಿದರು.

ಯೋಸ್ಸಿ ಗಿನ್ಸ್‍ಬರ್ಗ್: ಅಮೆಜಾನ್‍ನಲ್ಲಿ ಮೂರು ವಾರಗಳ ಕಾಲ ಮಾನಸಿಕ ಧೈರ್ಯ ಮತ್ತು ನೀರಿನಿಂದ ಬದುಕುಳಿದರು.

ಮೌರೋ ಪ್ರಾಸ್ಪೆರಿ: ಸಹಾರಾ ಮರುಭೂಮಿಯಲ್ಲಿ ಒಂಬತ್ತು ದಿನಗಳ ಕಾಲ ಜಲಸಂಚಯನದಿಂದ ಜೀವ ಉಳಿಸಿಕೊಂಡರು.

ಸ್ಟೀವನ್ ಕ್ಯಾಲಹನ್: ಸಮುದ್ರದಲ್ಲಿ 76 ದಿನಗಳ ಕಾಲ ಮಳೆನೀರನ್ನು ಅವಲಂಬಿಸಿದ್ದರು. ಇಂತಹ ಸಾಹಸಗಾಥೆಗಳು ‘ಜಂಗಲ್’, ‘127 ಅವರ್ಸ್’, “ಕಾಸ್ಟ್ ಅವೆ” , ಲೈಫ್ ಆಫ್ ಪೈ “ ನಂತಹ ಚಲನಚಿತ್ರಗಳಿಗೆ ಸ್ಫೂರ್ತಿಯಾಗಿವೆ. ಹಾಗಾಗಿ ಶರಣ್ಯಳಂತಹ ಪ್ರಕರಣ ವೈದ್ಯಕೀಯವಾಗಿ ಅಸಾಧ್ಯವಾದುದೇನಲ್ಲಾ. ಅವಳಿಗೆ ನೀರಿನ ಆಸರೆ ಸಿಕ್ಕಿದ್ದು, ತಂಪು ವಾತಾವರಣವಿದ್ದುದು ಮತ್ತು ಅವಳ ದೇಹದೊಳಗಿನ ಹಾರ್ಮೋನುಗಳ ಹೋರಾಟ ಆಕೆಯನ್ನು ಸದೃಢವಾಗಿಟ್ಟಿರಬಹುದು. ಇವೆಲ್ಲದರ ಒಟ್ಟು ಫಲಿತಾಂಶವೇ ಆಕೆ 3-4 ದಿನಗಳ ನಂತರವೂ ಸುರಕ್ಷಿತವಾಗಿ ಮತ್ತು ಸುಸ್ಥಿತಿಯಲ್ಲಿ ಮರಳಿ ಬರಲು ಕಾರಣ ಎಂದು ವೈದ್ಯಕೀಯವಾಗಿ ಊಹಿಸಬಹುದು. ಶರಣ್ಯಳ ಅರಣ್ಯವಾಸ ಹಲವು ಮಿಥ್ಯೆಗಳ ನಡುವಿನ ವೈದ್ಯಕೀಯ ಸತ್ಯ. ಅವಳು ಸುರಕ್ಷಿತವಾಗಿರುವ ಹಿಂದಿನ ರಹಸ್ಯ ವಿಸ್ಮಯವಲ್ಲ, ಮನುಷ್ಯನ ಅದಮ್ಯ ಚೇತನಗಳ ಬದುಕುಳಿಯುವ ಶರೀರವಿಜ್ಞಾನದ ಕ್ರಿಯಾಶೀಲತೆಯμÉ್ಟೀ.