ಮಡಿಕೇರಿ, ಡಿ. ೨: ಕೆ.ಎಂ.ಎಫ್. ಫ್ರೆಂಡ್ಸ್ ವತಿಯಿಂದ ಜಿಲ್ಲೆಯಲ್ಲಿ ಪ್ರಪ್ರಥಮ ಬಾರಿಗೆ ಮೊಗೇರ ಫುಟ್ಬಾಲ್ ಪ್ರೀಮಿಯರ್ ಲೀಗ್ ಪಂದ್ಯವು ತಾ. ೯ ಹಾಗೂ ೧೦ ರಂದು ಮಡಿಕೇರಿಯ ಜ.ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಇಶಾನಿ ಎಫ್.ಸಿ. ಗೋಣಿಕೊಪ್ಪ, ಜನನಿ ಎಫ್.ಸಿ. ಮಡಿಕೇರಿ, ಮಾನ್ವಿಕ್ ಎಫ್.ಸಿ. ಅಮ್ಮತ್ತಿ, ಟೀಮ್ ಹಂಟರ್ಸ್ ಮರಗೋಡು, ಮೊಗೇರ ಎಫ್.ಸಿ. ಪಾಲಿಬೆಟ್ಟ, ಫಿಯೋನೆಕ್ಸ್ ಎಫ್.ಸಿ. ಸೋಮವಾರಪೇಟೆ, ಎ.ಎಂ.ಎಫ್. ಸಿದ್ದಾಪುರ ಹಾಗೂ ಭಗವತಿ, ಎಫ್.ಸಿ. ಹಾಲುಗುಂದ ತಂಡಗಳ ನಡುವೆ ಪಂದ್ಯಗಳು ನಡೆಯಲಿವೆ. ವಿಜೇತ ತಂಡಕ್ಕೆ ರೂ. ೨೫ ಸಾವಿರ ನಗದು ಹಾಗೂ ಆಕರ್ಷಕ ಟ್ರೋಫಿ, ರನ್ನರ್ಸ್ ತಂಡಕ್ಕೆ ೧೫ ಸಾವಿರ ನಗದು ಹಾಗೂ ಆಕರ್ಷಕ ಟ್ರೋಫಿ ನೀಡಲಾಗುವುದು.

ಕ್ರೀಡಾಕೂಟದ ಉದ್ಘಾಟನೆಯನ್ನು ಕೊಡಗು ಜಿಲ್ಲಾ ಮೊಗೇರ ಸೇವಾ ಸಮಾಜದ ಅಧ್ಯಕ್ಷ ಜನಾರ್ಧನ್ ಮರಗೋಡು ಮಾಡಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ಸಮಾಜದ ಮಾಜಿ ಅಧ್ಯಕ್ಷ ಹಾಗೂ ತುಳು ಸಾಹಿತ್ಯ ಅಕಾಡೆಮಿ ಮಾಜಿ ಸದಸ್ಯ ರವಿ ಪಿ.ಎಂ. ಹಾಗೂ ದಾನಿ ರವಿ, ಶಕ್ತಿ ದಿನಪತ್ರಿಕೆಯ ಉಪಸಂಪಾದಕ ಕುಡೆಕಲ್ ಸಂತೋಷ್ ಪಾಲ್ಗೊಳ್ಳಲಿದ್ದಾರೆ

ಸಮಾಜದ ಮಹಿಳೆಯರ ನಡುವೆ ಹಾಗೂ ಆಯೋಜಕರು ಹಾಗೂ ಕೊಡಗು ಪತ್ರಕರ್ತರ ನಡುವೆ ಪ್ರದರ್ಶನ ಪಂದ್ಯ ನಡೆಯಲಿದೆ ಎಂದು ಆಯೋಜಕರಾಗಿರುವ ರಮೇಶ್ ಪಿ.ಸಿ. ಹೆಬ್ಬೆಟ್ಟಗೇರಿ, ಅಶೋಕ್ ಮಡಿಕೇರಿ, ದಿನೇಶ್ ಟಿ., ದರ್ಶಿತ್ ಹೆಬ್ಬೆಟ್ಟಗೇರಿ, ವಿವೇಕ್ ಮೊಗೇರ ಕಡಗದಾಳು, ಹಾಗೂ ಗುರುಕುಲ ಕಲಾಮಂಡಳಿಯ ದಿನೇಶ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.