೧೯೯೧ ರ ಜೂನ್ ೨೮ ರಂದು ಈಗಿನ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಅವರು ಮೇಯರ್ ಕಚೇರಿಯ ಬಾಹ್ಯ ಸಂಬAಧಗಳ ಸಮಿತಿಯ ಮುಖ್ಯಸ್ಥರಾದರು, ಅಂತರರಾಷ್ಟಿçÃಯ ಸಂಬAಧಗಳು ಮತ್ತು ವಿದೇಶಿ ಹೂಡಿಕೆಗಳನ್ನು ಉತ್ತೇಜಿಸುವ ಜವಾಬ್ದಾರಿಯನ್ನು ಮತ್ತು ವ್ಯಾಪಾರ ಉದ್ಯಮಗಳನ್ನು ನೋಂದಾಯಿಸುವ ಜವಾಬ್ದಾರಿಯನ್ನು ಹೊಂದಿದ್ದರು. ಒಂದು ವರ್ಷದೊಳಗೆ, ಪುಟಿನ್ ಅವರನ್ನು ಮರೀನಾ ಸಾಲ್ಯೆ ನೇತೃತ್ವದ ನಗರ ಶಾಸಕಾಂಗ ಮಂಡಳಿಯು ತನಿಖೆ ಮಾಡಿತು. ಅವರು ಎಂದಿಗೂ ಬರದ ವಿದೇಶಿ ಆಹಾರದ ಸಹಾಯಕ್ಕೆ ಬದಲಾಗಿ $೯೩ ಮಿಲಿಯನ್ ಮೌಲ್ಯದ ಲೋಹಗಳ ರಫ್ತಿಗೆ ಬೆಲೆಗಳನ್ನು ಕಡಿಮೆ ಮಾಡಿದ್ದಾರೆ ಎಂದು ತೀರ್ಮಾನಿಸಲಾಯಿತು. ಪುಟಿನ್ ಅವರನ್ನು ವಜಾಗೊಳಿಸಬೇಕೆಂದು ತನಿಖಾಧಿಕಾರಿಗಳ ಶಿಫಾರಸ್ಸಿನ ಹೊರತಾಗಿಯೂ, ಪುಟಿನ್ ಅವರು ೧೯೯೬ ರವರೆಗೆ ಬಾಹ್ಯ ಸಂಬAಧಗಳ ಸಮಿತಿಯ ಮುಖ್ಯಸ್ಥರಾಗಿದ್ದರು. ೧೯೯೪ ರಿಂದ ೧೯೯೬ ರವರೆಗೆ ಅವರು ಸೇಂಟ್ ಪೀಟರ್ಸ್ಬರ್ಗ್ನಲ್ಲಿ ಹಲವಾರು ರಾಜಕೀಯ ಮತ್ತು ಸರ್ಕಾರಿ ಸ್ಥಾನಗಳನ್ನು ಹೊಂದಿದ್ದರು.

೧೯೯೪ ಮಾರ್ಚ್ನÀಲ್ಲಿ, ಪುಟಿನ್ ಅವರನ್ನು ಸೇಂಟ್ ಪೀಟರ್ಸ್ಬರ್ಗ್ ಸರ್ಕಾರದ ಮೊದಲ ಉಪಾಧ್ಯಕ್ಷರಾಗಿ ನೇಮಿಸಲಾಯಿತು . ೧೯೯೫ ರ ಮೇ ತಿಂಗಳಿನಲ್ಲಿ, ಅವರು ಪ್ರಧಾನಮಂತ್ರಿ ವಿಕ್ಟರ್ ಚೆರ್ನೊಮಿರ್ಡಿನ್ ಸ್ಥಾಪಿಸಿದ ಅಧಿಕಾರದ ಉದಾರ ಪಕ್ಷವಾದ ನಮ್ಮ ಮನೆ - ರಷ್ಯಾ ರಾಜಕೀಯ ಪಕ್ಷದ ಪರವಾದ ಸೇಂಟ್ ಪೀಟರ್ಸ್ಬರ್ಗ್ ಶಾಖೆಯನ್ನು ಆಯೋಜಿಸಿದರು . ೧೯೯೫ ರಲ್ಲಿ, ಅವರು ಆ ಪಕ್ಷದ ಶಾಸಕಾಂಗ ಚುನಾವಣಾ ಪ್ರಚಾರವನ್ನು ನಿರ್ವಹಿಸಿದರು ಮತ್ತು ೧೯೯೫ ರಿಂದ ಜೂನ್ ೧೯೯೭ ರವರೆಗೆ ಅವರು ಅದರ ಸೇಂಟ್ ಪೀಟರ್ಸ್ಬರ್ಗ್ ಶಾಖೆಯ ನಾಯಕರಾಗಿದ್ದರು.

೧೯೯೬-೧೯೯೯: ಮಾಸ್ಕೋ ವೃತ್ತಿಜೀವನ

ಜೂನ್ ೧೯೯೬ ರಲ್ಲಿ, ಸೇಂಟ್ ಪೀಟರ್ಸ್ಬರ್ಗ್ನಲ್ಲಿ ಮರುಚುನಾವಣೆಯಲ್ಲಿ ಸೋಬ್ಚಾಕ್ ಸೋತರು ಮತ್ತು ಅವರ ಚುನಾವಣಾ ಪ್ರಚಾರವನ್ನು ಮುನ್ನಡೆಸಿದ ಪುಟಿನ್ ಅವರು ನಗರ ಆಡಳಿತದಲ್ಲಿ ತಮ್ಮ ಸ್ಥಾನಗಳಿಗೆ ರಾಜೀನಾಮೆ ನೀಡಿದರು. ಅವರು ಮಾಸ್ಕೋಗೆ ತೆರಳಿದರು ಮತ್ತು ಪಾವೆಲ್ ಬೊರೊಡಿನ್ ನೇತೃತ್ವದ ಅಧ್ಯಕ್ಷೀಯ ಆಸ್ತಿ ನಿರ್ವಹಣೆ ವಿಭಾಗದ ಉಪ ಮುಖ್ಯಸ್ಥರಾಗಿ ನೇಮಕಗೊಂಡರು . ಅವರು ಮಾರ್ಚ್ ೧೯೯೭ ರವರೆಗೆ ಈ ಸ್ಥಾನವನ್ನು ಆಕ್ರಮಿಸಿಕೊಂಡರು. ಅವರು ರಾಜ್ಯದ ವಿದೇಶಿ ಆಸ್ತಿಗೆ ಜವಾಬ್ದಾರರಾಗಿದ್ದರು ಮತ್ತು ಸೋವಿಯತ್ ಒಕ್ಕೂಟ ಮತ್ತು “ಸಿಪಿಎಸ್‌ಯೂ” ನ ಹಿಂದಿನ ಆಸ್ತಿಗಳನ್ನು ರಷ್ಯಾದ ಒಕ್ಕೂಟಕ್ಕೆ ವರ್ಗಾಯಿಸಲು ಸಂಘಟಿಸಿದರು.

ಎಫ್‌ಎಸ್‌ಬಿ. ನಿರ್ದೇಶಕರಾಗಿ ಪುಟಿನ್

೧೯೯೭ ಮಾರ್ಚ್ ೨೬ ರಂದು, ಅಧ್ಯಕ್ಷ ಬೋರಿಸ್ ಯೆಲ್ಟಿ÷್ಸನ್ ಅವರು ಅಧ್ಯಕ್ಷೀಯ ಸಿಬ್ಬಂದಿಯ ಉಪ ಮುಖ್ಯಸ್ಥರಾಗಿ ಪುಟಿನ್ ಅವರನ್ನು ನೇಮಿಸಿದರು, ಅವರು ೧೯೯೮ ಮೇ ವರೆಗೆ ಈ ಹುದ್ದೆಯನ್ನು ಉಳಿಸಿ ಕೊಂಡರು. ಅಲ್ಲದೆ, ಅಧ್ಯಕ್ಷೀಯ ಆಸ್ತಿ ನಿರ್ವಹಣೆ ವಿಭಾಗದ ಮುಖ್ಯ ನಿಯಂತ್ರಣ ನಿರ್ದೇಶನಾಲಯದ ಮುಖ್ಯಸ್ಥರಾಗಿ (ಜೂನ್ ೧೯೯೮ ರವರೆಗೆ) ಆಯ್ಕೆಯಾದರು. ಈ ಸ್ಥಾನದಲ್ಲಿ ಅವರ ಹಿಂದಿನವರು ಅಲೆಕ್ಸಿ ಕುಡ್ರಿನ್ ಮತ್ತು ಅವರ ಉತ್ತರಾಧಿಕಾರಿ ನಿಕೊಲಾಯ್ ಪಟ್ರುಶೆವ್ ಅವರು ಭವಿಷ್ಯದ ಪ್ರಮುಖ ರಾಜಕಾರಣಿಗಳು ಮತ್ತು ಪುಟಿನ್ ಅವರ ಸಹವರ್ತಿಗಳಾಗಿದ್ದರು. ೧೯೯೭ ಏಪ್ರಿಲ್ ೩ ರಂದು ಪುಟಿನ್ ರಷ್ಯಾ ಒಕ್ಕೂಟದ ಪ್ರಥಮ ವರ್ಗದ ಸಕ್ರಿಯ ರಾಜ್ಯ ಕೌನ್ಸಿಲರ್ ಆಗಿ ಬಡ್ತಿ ಪಡೆದರು. ೧೯೯೭ ಜೂನ್ ೨೭ ರಂದು, ಅತ್ಯುನ್ನತ ಫೆsೆಡರಲ್ ರಾಜ್ಯ ನಾಗರಿಕ ಸೇವಾ ಶ್ರೇಣಿ ಪಡೆದರು.

ಸೇಂಟ್ ಪೀಟರ್ಸ್ಬರ್ಗ್ ಮೈನಿಂಗ್ ಇನ್ಸಿ÷್ಟಟ್ಯೂಟ್ನಲ್ಲಿ, ರೆಕ್ಟರ್ ವ್ಲಾಡಿಮಿರ್ ಲಿಟ್ವಿನೆಂಕೊ ಅವರ ಮಾರ್ಗದರ್ಶನದಲ್ಲಿ, ಪುಟಿನ್ ಅವರು ಮಾರುಕಟ್ಟೆ ಸಂಬAಧಗಳ ರಚನೆಯ ಅಡಿಯಲ್ಲಿ ಪ್ರಾದೇಶಿಕ ಸಂಪನ್ಮೂಲಗಳ ಕಾರ್ಯತಂತ್ರದ ಯೋಜನೆ ಎಂಬ ಶೀರ್ಷಿಕೆಯಡಿಯಲ್ಲಿ ಅರ್ಥಶಾಸ್ತçದಲ್ಲಿ ವಿಜ್ಞಾನದ ಪ್ರಬಂಧವನ್ನು ಸಮರ್ಥಿಸಿದರು, ಇದು ರಷ್ಯಾದಲ್ಲಿನ ಸಂಪ್ರದಾಯ ವನ್ನು ಉದಾಹರಿಸುತ್ತದೆ, ಅದರ ಮೂಲಕ ಈ ಯುವ ಉದಯೋನ್ಮುಖ ಅಧಿಕಾರಿಯು ವೃತ್ತಿಜೀವನದ ಮಧ್ಯದಲ್ಲಿ ಪಾಂಡಿತ್ಯಪೂರ್ಣ ಕೃತಿಯನ್ನು ಬರೆಯುತ್ತಾರೆ. ಪುಟಿನ್ ಅವರಿಂದ ಈ ಪ್ರಬಂಧದ ೧೫ ಪುಟಗಳನ್ನು ಅಮೇರಿಕನ್ ಪಠ್ಯಪುಸ್ತಕದಿಂದ ನಕಲು ಮಾಡಲಾಗಿದೆ ಎಂದು ಬ್ರೂಕಿಂಗ್ಸ್ ಇನ್ಸಿ÷್ಟ್ಟಟ್ಯೂಷನ್ನಲ್ಲಿರುವ ಫೆಲೋಗಳು ಪತ್ತೆ ಹಿಡಿದರು.

೧೯೯೮ ಮೇ ೨೫ ರಂದು, ಪುಟಿನ್ ಅವರನ್ನು ವಿಕ್ಟೋರಿಯಾ ಮಿಟಿನಾರ ಬಳಿಕ ಅಧ್ಯಕ್ಷೀಯ ಸಿಬ್ಬಂದಿಯ ಮೊದಲ ಉಪ ಮುಖ್ಯಸ್ಥರನ್ನಾಗಿ ಆ ಪ್ರಾಂತ್ಯಗಳಿಗೆ ನೇಮಿಸಲಾಯಿತು. ಜುಲೈ ೧೫ ರಂದು, ಸೆರ್ಗೆ ಶಖ್ರೇ ಅವರನ್ನು ಬದಲಿಸಿ, ಪ್ರಾಂತೀಯ ಅಧಿಕಾರದ ಡಿಲಿಮಿಟೇಶನ್ ಮತ್ತು ಅಧ್ಯಕ್ಷರಿಗೆ ಹೊಂದಿಕೊAಡAತಿರುವ ಫೆಡರಲ್ ಕೇಂದ್ರದ ಮುಖ್ಯಸ್ಥರ ಕುರಿತು ಒಪ್ಪಂದ ಗಳನ್ನು ಸಿದ್ಧಪಡಿಸುವ ಆಯೋಗದ ಮುಖ್ಯಸ್ಥರಾಗಿ ನೇಮಕಗೊಳಿಸ ಲಾಯಿತು. ಪುಟಿನ್ ಅವರ ನೇಮಕದ ನಂತರ, ಆಯೋಗವು ಅಂತಹ ಯಾವುದೇ ಒಪ್ಪಂದಗಳನ್ನು ಪೂರ್ಣಗೊಳಿಸಲಿಲ್ಲ, ಆದಾಗ್ಯೂ ಶಖ್ರೆ ಆಯೋಗದ ಮುಖ್ಯಸ್ಥರಾಗಿದ್ದ ಅವಧಿಯಲ್ಲಿ ಅಂತಹ ೪೬ ಒಪ್ಪಂದಗಳಿಗೆ ಸಹಿ ಹಾಕಲಾಗಿತ್ತು. ತಾವು ಅಧ್ಯಕ್ಷರಾದ ನಂತರ, ಪುಟಿನ್ ಈ ಹಳೆಯ ಎಲ್ಲಾ ೪೬ ಒಪ್ಪಂದಗಳನ್ನೂ ರದ್ದುಗೊಳಿಸಿದರು.

೧೯೯೮ ರ ಜುಲೈ ೨೫ರಂದು, ಅಧ್ಯಕ್ಷ ಯೆಲ್ಟಿ÷್ಸನ್ ಅವರು ಪುಟಿನ್ ಅವರನ್ನು ಫೆಡರಲ್ ಸೆಕ್ಯುರಿಟಿ ಸರ್ವೀಸ್ (ಎಫ್‌ಎಸ್‌ಬಿ.) ಯ ನಿರ್ದೇಶಕರಾಗಿ ಮತ್ತು ರಷ್ಯಾ ಒಕ್ಕೂಟದ ಪ್ರಾಥಮಿಕ ಗುಪ್ತಚರ ಮತ್ತು ಭದ್ರತಾ ಸಂಸ್ಥೆ ‘ಕೆಜಿಬಿ’ ಯ ಉತ್ತರಾಧಿಕಾರಿಯಾಗಿ ಅವರನ್ನು ನೇಮಿಸಿದರು.

ಮೊದಲ ಉನ್ನತಾಧಿಕಾರ

೧೯೯೯ ರ ಆಗಸ್ಟ್ ೯ ರಂದು ರಷ್ಯಾ ಅಧ್ಯಕ್ಷ ಯೆಲ್ಟಿ÷್ಸನ್ ಮೂರು ಮೊದಲ ಉಪ ಪ್ರಧಾನ ಮಂತ್ರಿಗಳಲ್ಲಿ ಒಬ್ಬರಾಗಿ ಪುಟಿನ್ ಅವರನ್ನು ನೇಮಕಗೊಳಿಸಿದರು. ಅಲ್ಲದೆ, ಅದೇ ದಿನ ತಡವಾಗಿ ಅಧ್ಯಕ್ಷ ಯೆಲ್ಟಿ÷್ಸನ್ ಅವರು ರಷ್ಯಾ ಒಕ್ಕೂಟದ ಸರ್ಕಾರದ ಕಾರ್ಯನಿರ್ವಾಹಕ ಪ್ರಧಾನ ಮಂತ್ರಿಯಾಗಿ ಪುಟಿನ್ ಅವರನ್ನು ನೇಮಕಗೊಳಿಸಿದರು. ಅಷ್ಟೇ ಅಲ್ಲದೆ, ಅಧ್ಯಕ್ಷ ಯೆಲ್ಟಿ÷್ಸನ್ ಅವರು ಪುಟಿನ್ ಅವರನ್ನು ತಮ್ಮ ಉತ್ತರಾಧಿಕಾರಿಯಾಗಿ ನೋಡಲು ಬಯಸುವುದಾಗಿ ಘೋಷಿಸಿದರು. ಅದೇ ದಿನ, ಪುಟಿನ್ ಮುಂದೆ ಅಧ್ಯಕ್ಷ ಸ್ಥಾನದ ಚುನಾವಣೆಯಲ್ಲಿ ಸ್ಪರ್ಧಿಸಲು ಒಪ್ಪಿಕೊಂಡರು.

ಆಗಸ್ಟ್ ೧೬ ರಂದು, ಪುಟಿನ್ ಅವರು ಅಧ್ಯಕ್ಷ ಬೋರಿಸ್ ಯೆಲ್ಟಿ÷್ಸನ್ ನೆರವಿನಿಂದ ಪ್ರಧಾನ ಮಂತ್ರಿಯಾಗಿ ೨೩೩ ಮತಗಳೊಂದಿಗೆ ಆಯ್ಕೆಗೊಂಡರು. ರಷ್ಯಾದ ಐದನೇ ಪ್ರಧಾನ ಮಂತ್ರಿಯಾದರು. ಆದರೆ ಆ ಸಂದರ್ಭ ಪುಟಿನ್ ಸಾರ್ವಜನಿಕರಿಗೆ ಪರಿಚಯದ ನಾಯಕನಾಗಿರಲಿಲ್ಲ. ಅಧ್ಯಕ್ಷ ಯೆಲ್ಟಿ÷್ಸನ್ ಪ್ರಭಾವದಿಂದ ಪ್ರಧಾನ ಮಂತ್ರಿಯಾದರು. ಅಲ್ಲದೆ, ಪುಟಿನ್ ಸ್ವತಃ ಮಂತ್ರಿಗಳನ್ನು ಆಯ್ಕೆ ಮಾಡಲಿಲ್ಲ, ಅವರ ಕ್ಯಾಬಿನೆಟ್ ಅಧ್ಯಕ್ಷೀಯ ಆಡಳಿತದಿಂದ ನಿರ್ಧರಿಸಲ್ಪಟ್ಟಿತು.

ಯೆಲ್ಟಿ÷್ಸನ್ ಅವರ ಮುಖ್ಯ ಎದುರಾಳಿಗಳು ಮತ್ತು ಉತ್ತರಾಧಿಕಾರಿಗಳು ಅನಾರೋಗ್ಯದಿಂದ ಬಳಲುತ್ತಿರುವ ಅಧ್ಯಕ್ಷರನ್ನು ಬದಲಿಸಲು ಪ್ರಚಾರ ನಡೆಸುತ್ತಿದ್ದರು ಮತ್ತು ಪುಟಿನ್ ಸಂಭಾವ್ಯ ಉತ್ತರಾಧಿಕಾರಿಯಾಗಿ ಹೊರಹೊಮ್ಮುವುದನ್ನು ತಡೆಯಲು ಅವರು ತೀವ್ರವಾಗಿ ಹೋರಾಡಿದರು. ಆದರೆ, ಆ ನಡುವೆ ಚೆಚೆನ್ ರಿಪಬ್ಲಿಕ್ ಆಫ್ ಇಚ್ಕೆರಿಯಾದಲ್ಲಿ ನೆಲೆಗೊಂಡಿದ್ದ ಮುಜಾಹಿದ್ದೀನ್ ಉಗ್ರಗಾಮಿಗಳಿಂದ ರಷ್ಯಾದ ಕೆಲವು ಅಪಾರ್ಟ್ಮೆಂಟ್‌ಗಳ ಮೇಲೆ ಧಾಳಿ ಮೊದಲಾದ ಭಯೋತ್ಪಾದಕ ಚಟುವಟಿಕೆಗಳು ಕಂಡುಬAದವು. ಪುಟಿನ್ ಅವರು ಈ ಸಂದರ್ಭ ಕಾನೂನು ಮತ್ತು ಸುವ್ಯವಸ್ಥೆಯನ್ನು ನಿಯಂತ್ರಣಗೊಳಿಸಿದುದು ಹಾಗೂ ಎರಡನೇ ಚೆಚೆನ್ ಯುದ್ಧಕ್ಕೆ ಸಿದ್ಧರಾದುದು ದಿಢೀರಾಗಿ ಅವರ ಜನಪ್ರಿಯತೆಯನ್ನು ಹೆಚ್ಚಿಸಲು ಕಾರಣವಾಯಿತು. ಅಲ್ಲದೆ, ಅವರ ಪ್ರತಿಸ್ಪರ್ಧಿಗಳನ್ನು ಹಿಂದಿಕ್ಕಲು ಅವಕಾಶ ಕಲ್ಪಿಸಿತು.

ಬಳಿಕ ಹೊಸದಾಗಿ ರೂಪುಗೊಂಡ ಯೂನಿಟಿ ಪಾರ್ಟಿಗೆ ಪುಟಿನ್ ತನ್ನ ಬೆಂಬಲವನ್ನು ವಾಗ್ದಾನ ಮಾಡಿದರು . ಈ ಪಕ್ಷ ೧೯೯೯ ಡಿಸೆಂಬರ್‌ನಲ್ಲಿ ರಷ್ಯಾದ ವಿಧಾನಸಭೆಯಾದ ಡುಮಾಗೆ ನಡೆದ ಚುನಾವಣೆಗಳಲ್ಲಿ ಜನಪ್ರಿಯ ಮತಗಳ (೨೩.೩%) ಎರಡನೇ ಅತಿ ದೊಡ್ಡ ಶೇಕಡಾವಾರು ಮತಗಳನ್ನು ಗೆದ್ದಿತು ಮತ್ತು ಪ್ರತಿಯಾಗಿ ಪುಟಿನ್ ಅವರನ್ನು ಬೆಂಬಲಿಸಿತು.

೧೯೯೯-೨೦೦೦: ಆಕ್ಟಿಂಗ್ ಪ್ರೆಸಿಡೆಂಟ್

೧೯೯೯ ರ ಡಿಸೆಂಬರ್ ೩೧ರಂದು, ಯೆಲ್ಸಿ÷್ಟನ್ ಅನಿರೀಕ್ಷಿತವಾಗಿ ರಷ್ಯಾ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿದರು ಮತ್ತು ರಷ್ಯಾದ ಸಂವಿಧಾನದ ಪ್ರಕಾರ, ಪ್ರಧಾನಿ ಪುಟಿನ್ ಅಚಾನಕ್ಕಾಗಿ ರಷ್ಯಾ ಒಕ್ಕೂಟದ ಆಕ್ಟಿಂಗ್ ಪ್ರೆಸಿಡೆಂಟ್ ಆದರು.

ಆ ಸಂದರ್ಭ ಹಿಂದಿನ ಅಧ್ಯಕ್ಷ ಯೆಲ್ಟಿ÷್ಸನ್ ಮತ್ತು ಅವರ ಕುಟುಂಬದ ಸದಸ್ಯರು ಭಾಗಿಯಾಗಿರುವ ಮಾಬೆಟೆಕ್ಸ್ ಲಂಚದ ಪ್ರಕರಣವನ್ನು ವಿರೋಧಿಗಳು ಬಹಿರಂಗ ಪಡಿಸಿದಾಗ ನೂತನ ಅಧ್ಯಕ್ಷ ಪುಟಿನ್ ಆ ಸಂಬAಧದ ಕ್ರಿಮಿನಲ್ ತನಿಖೆಯನ್ನು ಕೈಬಿಟ್ಟು ತಮ್ಮನ್ನು ಈ ಸ್ಥಾನಕ್ಕೆ ತಂದ ಹಿಂದಿನ ಅಧ್ಯಕ್ಷರಿಗೆ ಕೃತಜ್ಞತೆ ಸಲ್ಲಿಸಿದರು. ಅಲ್ಲದೆ, ಕೆಲವು ಹಗರಣದಲ್ಲಿ ಪುಟಿನ್ ಅವರ ಪಾತ್ರವೂ ಇತ್ತು ಎಂದು ವಿರೋಧಿಗಳು ಶಂಕೆ ವ್ಯಕ್ತಪಡಿಸಿದ್ದರು.

ಅಲ್ಲದೆ, ೨೦೦೦ ಡಿಸೆಂಬರ್ ೩೦ ರಂದು, ಪ್ರಾಸಿಕ್ಯೂಟರ್ ಜನರಲ್ ವಿರುದ್ಧದ ಮತ್ತೊಂದು ಪ್ರಕರಣವನ್ನು ಸ್ವಿಸ್ ಪ್ರಾಸಿಕ್ಯೂಟರ್ಗಳು ದಾಖಲೆಗಳ ಸಹಿತ ಬಯಲುಗೊಳಿಸಿದ್ದರೂ ಸಾಕ್ಷಿಗಳ ಕೊರತೆಯಿಂದಾಗಿ ಕೈಬಿಡ ಲಾಯಿತು. ಬಳಿಕ ೨೦೦೦ ಮಾರ್ಚ್ ೨೬ ರಂದು ನಡೆದ ಅಧ್ಯಕ್ಷೀಯ ಚುನಾವಣೆಯಲ್ಲಿ ಪುಟಿನ್ ಮೊದಲ ಸುತ್ತಿನಲ್ಲಿಯೇ ಶೇ. ೫೩% ಮತಗಳನ್ನು ಗಳಿಸಿ ವಿಜಯ ಸಾಧಿಸಿದರು.

-‘‘ಚಕ್ರವರ್ತಿ’’