ನಾಪೋಕ್ಲು, ಏ. ೩: ಸಮೀಪದ ಕಕ್ಕಬ್ಬೆ ಪಾಡಿ ಶ್ರೀ ಇಗ್ಗುತ್ತಪ್ಪ ದೇವಳದ ಬಳಿ ಅಮ್ಮಂಗೇರಿಯಲ್ಲಿ ಪುದಿಯೋದಿ ದೇವರ ವಾರ್ಷಿಕ ಕೋಲ ವಿಜೃಂಭಣೆಯಿAದ ನಡೆಯಿತು.

ಮುಂಜಾನೆ ಸೂರ್ಯೋದಯದ ಮಂಜು ಮುಸುಕಿನ ನಡುವೆ ಬರುವ ಕೋಲ, ತನ್ನ ನಾಲ್ಕು ಕಡೆಗಳಲ್ಲಿ ಉರಿಯು ತ್ತಿರುವ ಪಂಜು, ಅದಕ್ಕೆ ಭಕ್ತರ ಹರಕೆಯ ತುಪ್ಪ ಮತ್ತು ಎಣ್ಣೆ ಸುರಿಯು ವಿಕೆಯಿಂದ ಮೇಲೇಳುವ ಅಗ್ನಿ ಜ್ವಾಲೆ, ಕೋಲದ ಎರಡು ಕೈಯಲ್ಲಿರುವ ಕಾದ ಬಳೆಗಳಿಗೆ ನೀರು ತಾಗಿಸುವಾಗ ಬರುವ ಝುಂ ಎಂಬ ಶಬ್ಧ ನೋಡುಗರನ್ನು ರೋಮಾಂಚನಗೊಳಿಸಿತು.

ಈ ದೈವವು ಪಾಡಿ ಶ್ರೀ ಇಗ್ಗುತ್ತಪ್ಪ ದೇವರ ಕಾವಲುಗಾರ ಆಗಿ ನೆಲೆ ನಿಂತು ನಂಬಿದವರಿಗೆ ಒಳಿತು ಮಾಡುವ ದೇವರೆಂದು ಪ್ರಸಿದ್ಧಿ ಪಡೆದಿದೆ. ಊರಿಗೆ ಬರುವ ಮಹಾಮಾರಿ ರೋಗಗಳನ್ನು ತಡೆದು ಊರನ್ನು ಕಾಪಾಡುವ ದೇವರೆಂದು ಹಿಂದಿನಿAದಲೂ ನಂಬಿಕೆ ಇದೆ. ಇದರ ಅಂಗವಾಗಿ ಬುಧವಾರ ರಾತ್ರಿ ಭೀರ, ಭೀರಾಳಿ, ಭದ್ರಕಾಳಿ ದೇವರ ಕೋಲಗಳು ನಡೆದವು. ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತಾದಿಗಳು ಪಾಲ್ಗೊಂಡಿದ್ದರು.