ಮಡಿಕೇರಿ, ಫೆ. ೯: ಅಸ್ಸಾಂನ ಗುವಾಹಟಿಯಲ್ಲಿ ನಡೆಯುತ್ತಿರುವ ೩೬ನೇ ರಾಷ್ಟಿçÃಯ ಜೂನಿಯರ್ ಅಥ್ಲೆಟಿಕ್ಸ್ ಚಾಂಪಿಯನ್ ಶಿಪ್‌ನಲ್ಲಿ ಕೊಡಗಿನ ಯುವತಿ ಬೊಳ್ಳಂಡ ಉನ್ನತಿ ಅಯ್ಯಪ್ಪ ನೂತನ ರಾಷ್ಟಿçÃಯ ದಾಖಲೆ ನಿರ್ಮಿಸಿದ್ದಾಳೆ. ತಾ. ೮ ರಂದು ೮೦ ಮೀಟರ್ ಹರ್ಡಲ್ಸ್ ಹಾಗೂ ತಾ. ೯ ರಂದು ೩೦೦ ಮೀಟರ್ ಹರ್ಡಲ್ಸ್ನಲ್ಲಿ ಉನ್ನತಿ ಹೊಸ ದಾಖಲೆ ಮಾಡಿದ್ದಾಳೆ.ಕರ್ನಾಟಕವನ್ನು ಪ್ರತಿನಿಧಿಸುತ್ತಿರುವ ಉನ್ನತಿ ಅಯ್ಯಪ್ಪ ೮೦ ಮೀಟರ್ ಹರ್ಡಲ್ಸ್ ವಿಭಾಗದಲ್ಲಿ ೧೧.೫೦ ಸೆಕೆಂಡ್ಸ್ನಲ್ಲಿ ಗುರಿ ತಲುಪುವ ಮೂಲಕ ನೂತನ ದಾಖಲೆ ಸೃಷ್ಟಿಸಿ, ಚಿನ್ನದ ಪದಕ ಪಡೆದುಕೊಂಡಿದ್ದಾಳೆ. ೩೦೦ ಮೀರ‍್ಸ್ ಹರ್ಡಲ್ಸ್ನಲ್ಲೂ ೪೦.೧೧ ಸೆಕೆಂಡ್‌ನಲ್ಲಿ ಸಾಧನೆ ಮಾಡಿ ಚಿನ್ನದ ಪದಕ ಗಳಿಸಿದ್ದಾಳೆ. ೧೬ ವರ್ಷ ವಯೋಮಿತಿಯೊಳಗಿನ ಸ್ಪರ್ಧೆಯಲ್ಲಿ ರಾಜ್ಯವನ್ನು ಪ್ರತಿನಿಧಿಸಿದ ಉನ್ನತಿ ಈ ಸಾಧನೆ ಮೂಲಕ ಗಮನ ಸೆಳೆದಿದ್ದಾಳೆ.ಕೊಡಗಿನವರಾದ ಮಾಜಿ ಕ್ರೀಡಾಪಟು ಡಬ್ಬಲ್ ಒಲಿಂಪಿಯನ್ ಖ್ಯಾತಿಯ ಬೊಳ್ಳಂಡ ಪ್ರಮೀಳಾ (ತಾಮನೆ ಗುಡ್ಡಂಡ) ಹಾಗೂ ಅಂತರರಾಷ್ಟಿçÃಯ ಅಥ್ಲೀಟ್ ಪ್ರಸ್ತುತ ರಾಷ್ಟಿçÃಯ ಅಥ್ಲೆಟಿಕ್ ಕೋಚ್ ಆಗಿರುವ ಬೊಳ್ಳಂಡ ಅಯ್ಯಪ್ಪ ದಂಪತಿಯ ಪುತ್ರಿಯಾಗಿರುವ ಉನ್ನತಿ ತಾಯಿಯಂತೆ ಕ್ರೀಡೆಯಲ್ಲಿ ಸಾಧನೆ ತೋರುತ್ತಿದ್ದಾಳೆ.

(ಮೊದಲ ಪುಟದಿಂದ) ಈ ಹಿಂದೆ ೧೯೭೯ರಲ್ಲಿ ಭಾರತದ ಹೆಸರಾಂತ ಕ್ರೀಡಾ ತಾರೆ ಪಿ.ಟಿ. ಉಷಾ ಅವರು ೧೬ ವರ್ಷದೊಳಗಿನ ಅಥ್ಲೆಟಿಕ್ಸ್ ಕೂಟದಲ್ಲಿ ಈ ವಿಭಾಗದಲ್ಲಿ ೧೨.೨ ಸೆಕೆಂಡ್ಸ್ನಲ್ಲಿ ಗುರಿತಲುಪಿ ರಾಷ್ಟಿçÃಯ ದಾಖಲೆ ನಿರ್ಮಿಸಿದ್ದರು. ಈ ದಾಖಲೆಯನ್ನು ೧೯೮೫ರಲ್ಲಿ ಕರ್ನಾಟಕದ ಎ.ಎನ್. ರೇಖಾ ಸರಿಗಟ್ಟಿದ್ದರು. ಇದೀಗ ಉನ್ನತಿ ೧೧.೫೦ ಸೆಕೆಂಡ್ಸ್ನಲ್ಲಿ ಗುರಿ ತಲುಪಿ ಹೊಸ ಇತಿಹಾಸ ಸೃಷ್ಟಿಸಿದ್ದಾಳೆ. ಇಂದು ನಡೆದ ೩೦೦ ಮೀಟರ್ ಸ್ಪರ್ಧೆಯಲ್ಲಿ ೪೦.೧೧ ಸೆಕೆಂಡ್‌ನಲ್ಲಿ ಗುರಿ ತಲುಪಿ ಪಶ್ಚಿಮಬಂಗಳಾದ ಯುವತಿಯ ಹೆಸರಲ್ಲಿದ್ದ ದಾಖಲೆಯನ್ನು ಉನ್ನತಿ ಮುರಿದಿದ್ದಾಳೆ. ಈ ಹಿಂದೆ ಉನ್ನತಿಯ ತಾಯಿ ಪ್ರಮೀಳಾ (ಜಿ.ಜಿ. ಪ್ರಮೀಳಾ) ಒಲಿಂಪಿಕ್ಸ್ ಹಾಗೂ ಏಷ್ಯನ್ ಗೇಮ್ಸ್ನಲ್ಲಿ ಭಾರತಕ್ಕೆ ಪದಕ ತಂದು ಕೊಟ್ಟ ಕ್ರೀಡಾಪಟುವಾಗಿದ್ದಾರೆ. ಉನ್ನತಿಗೆ ಆಕೆಯ ತಂದೆಯೇ ತರಬೇತಿ ನೀಡಿರುವುದು ವಿಶೇಷವಾಗಿದೆ.