*ಗೋಣಿಕೊಪ್ಪಲು,ಮಾ. 16 : ನಾಗರಹೊಳೆ ವನ್ಯಜೀವಿ ವಿಭಾಗದ ಮತ್ತಿಗೋಡು ಸಾಕಾನೆ ಶಿಬಿರದಲ್ಲಿರುವ ವರಲಕ್ಷ್ಮಿ (52) ಎಂಬ ಆನೆ ಹೆಣ್ಣು ಮರಿಗೆ ಜನ್ಮ ನೀಡಿದೆ. 15 ವರ್ಷಗಳಿಂದ ಶಿಬಿರದಲ್ಲಿರುವ ವರಲಕ್ಷ್ಮಿ ಹಿಂದೆಯೂ ಎರಡು ಮರಿಗಳಿಗೆ ಜನ್ಮ ನೀಡಿತ್ತು ಎನ್ನಲಾಗಿದೆ. ಕಳೆದ ಸೆಪ್ಟಂಬರ್‍ನಲ್ಲಿ ನಡೆದ ಮೈಸೂರು ದಸರಾ ಉತ್ಸವದ ಗಜಪಡೆಯಲ್ಲಿಯೂ ವರಲಕ್ಷ್ಮಿ ಪಾಲ್ಗೊಂಡಿತ್ತು. ಆನೆಮರಿ ಆರೋಗ್ಯಕರವಾಗಿದೆ ಎಂದು ಹುಣಸೂರು ವನ್ಯ ಜೀವಿ ವಿಭಾಗದ ವನ್ಯ ಜೀವಿ ವೈದ್ಯಾಧಿಕಾರಿ ಮುಜಿಬ್ ರೆಹಮನ್ ತಿಳಿಸಿದ್ದಾರೆ. - ಎನ್.ಎನ್.ದಿನೇಶ್