ವಿಶೇಷ ಲೇಖನಗಳ ಮುಕ್ತಾಯ

ವೀರಾಜಪೇಟೆಯ ಸಾಂಸ್ಕöÈತಿಕ ಹಾಗೂ ಧಾರ್ಮಿಕ ಚರಿತ್ರೆಯಲ್ಲಿ ಸುವರ್ಣ ಅಕ್ಷರಗಳಲ್ಲಿ ಬರೆದಿಡಬೇಕಾದ ರಜಿತ ಕಾರ್ಯಪ್ಪ ಅವರ ಐತಿಹಾಸಿಕ ಗೌರಿ-ಗಣೇಶೋತ್ಸವದ ವಿಶೇಷ ಪರಿಚಯಾತ್ಮಕ ಲೇಖನ ಮಾಲೆಗೆ ಇದೀಗ ಸಾರ್ಥಕ ಹಾಗೂ ವರ್ಣರಂಜಿತ ಮುಕ್ತಾಯ ಸಿಕ್ಕಿದೆ.

೧೧ ದಿನಗಳ ಕಾಲ ಭಕ್ತಿ-ಶ್ರದ್ಧೆಗಳಿಂದ ಪೂಜಿಸಲ್ಪಡುವ ಶ್ರೀ ಗೌರಿ-ಗಣೇಶ ಮೂರ್ತಿಗಳನ್ನು, ಪಟ್ಟಣದ ೨೨ ಗಣೇಶೋತ್ಸವ ಸಮಿತಿಗಳು ಒಟ್ಟಾಗಿ ಒಂದೇ ವೇದಿಕೆಯಲ್ಲಿ, ಐತಿಹಾಸಿಕ ಗೌರಿಕೆರೆಯಲ್ಲಿ ಶೋಭಾಪೂರ್ವಕವಾಗಿ ವಿಸರ್ಜಿಸುವುದು ವೀರಾಜಪೇಟೆಯ ಅನನ್ಯ ಪರಂಪರೆಯಾಗಿದೆ. ಈ ಮಹೋತ್ಸವದ ಹಿಂದಿರುವ ಶ್ರಮ, ಭವ್ಯ ಇತಿಹಾಸ ಮತ್ತು ರೂವಾರಿಗಳನ್ನು ‘ಶಕ್ತಿ’ ದಿನಪತ್ರಿಕೆಯ ಮೂಲಕ ಸಾರ್ವಜನಿಕರಿಗೆ ತಲುಪಿಸುವ ನಮ್ಮ ಪ್ರಯತ್ನಕ್ಕೆ ಸಾರ್ವಜನಿಕ ವಲಯದಲ್ಲಿ ಅಭೂತಪೂರ್ವ ಮೆಚ್ಚುಗೆ ವ್ಯಕ್ತವಾಗಿದೆ.

ಧಾರ್ಮಿಕ ಪದ್ಧತಿ ಹಾಗೂ ಉತ್ಸವದ ಕಾರ್ಯಕ್ರಮಗಳು ಈ ಬಾರಿಯ ಭವ್ಯ ಆಚರಣೆಯು ನಿಗದಿಪಡಿಸಿದ ದಿನಾಂಕಗಳAತೆ ಅತ್ಯಂತ ಶ್ರದ್ಧಾ-ಭಕ್ತಿಗಳಿಂದ ಜರುಗಲಿದ್ದು, ಸೆಪ್ಟೆಂಬರ್ ೧೩ (ಗೌರಮ್ಮನವರ ಪ್ರತಿಷ್ಠಾಪನೆ): ಪ್ರಸಿದ್ಧ ಜೈನರ ಬೀದಿಯಲ್ಲಿರುವ ಬಸವನಗುಡಿಯಲ್ಲಿ ಗೌರಮ್ಮನವರ ಪಲ್ಲಕ್ಕಿ ಮೆರವಣಿಗೆ ನಡೆಯಲಿದ್ದು, ನಂತರ ಭಕ್ತಿಯಿಂದ ಗೌರಮ್ಮನವರ ಪ್ರತಿಷ್ಠಾಪನೆ ನೆರವೇರಲಿದೆ.

ಸೆಪ್ಟೆಂಬರ್ ೧೪ (ಗಣೇಶನ ಪ್ರತಿಷ್ಠಾಪನೆ): ವೀರಾಜಪೇಟೆಯ ಶ್ರೀ ಗಣಪತಿ ದೇವಾಲಯದಲ್ಲಿ ಮೊದಲಿಗೆ ಗಣೇಶನ ಪ್ರತಿಷ್ಠಾಪನೆ ನಡೆಯಲಿದ್ದು, ತದನಂತರ ಬಸವನಗುಡಿ ಸೇರಿದಂತೆ ಪಟ್ಟಣ ವ್ಯಾಪ್ತಿಯ ಒಟ್ಟು ೨೨ ಸಮಿತಿಗಳಲ್ಲಿ ಗೌರಿ ಮತ್ತು ಗಣೇಶನ ಮೂರ್ತಿಗಳ ಭವ್ಯ ಪ್ರತಿಷ್ಠಾಪನೆ ಜರುಗಲಿದೆ.

ಸೆಪ್ಟೆಂಬರ್ ೨೫ (ಅದ್ದೂರಿ ಮೆರವಣಿಗೆ): ೧೧ ದಿನಗಳ ಧಾರ್ಮಿಕ ಪೂಜಾ ಕಾರ್ಯಕ್ರಮಗಳು ಮತ್ತು ಸಾಂಸ್ಕöÈತಿಕ ವೈಭವದ ನಂತರ, ರಾತ್ರಿ ಗೌರಿ-ಗಣೇಶನ ಉತ್ಸವ ಮೂರ್ತಿಗಳ ಕಣ್ಣುಕೋರೈಸುವ ಶೋಭಾ ಮೆರವಣಿಗೆ ಪಟ್ಟಣದುದ್ದಕ್ಕೂ ವೈಭವದಿಂದ ಸಾಗಲಿದೆ.

ಸೆಪ್ಟೆಂಬರ್ ೨೬ (ಸಾಮೂಹಿಕ ವಿಸರ್ಜನೆ): ಬೆಳಗಿನ ಜಾವ ಇತಿಹಾಸ ಪ್ರಸಿದ್ಧ ಐತಿಹಾಸಿಕ ಗೌರಿಕೆರೆಯಲ್ಲಿ ೨೨ ಸಮಿತಿಗಳ ಮೂರ್ತಿಗಳು ಒಟ್ಟಾಗಿ ಒಂದೇ ಬಾರಿಗೆ ಸಾಮೂಹಿಕವಾಗಿ ವಿಸರ್ಜನೆಗೊಳ್ಳುವುದರೊಂದಿಗೆ ಮಹೋತ್ಸವಕ್ಕೆ ತೆರೆಬೀಳಲಿದೆ.

ಸಂಪ್ರದಾಯದ ಗಂಗೋತ್ರಿ: ದೇವಸ್ಥಾನಗಳ ಇತಿಹಾಸ ಈ ಬೃಹತ್ ಪರಂಪರೆಗೆ ಅಡಿಪಾಯ ಹಾಕಿದ್ದು ವೀರಾಜಪೇಟೆ ಶ್ರೀ ಗಣಪತಿ ದೇವಾಲಯ ಹಾಗೂ ಬಸವನಗುಡಿ ದೇವಾಲಯ. ದಶಕಗಳ ಹಿಂದೆ ಈ ಎರಡು ದೇವಾಲಯಗಳಲ್ಲಿ ಅತ್ಯಂತ ಶ್ರದ್ಧೆಯಿಂದ ಆರಂಭಗೊAಡ ಪ್ರತಿಷ್ಠಾಪನೆಯೇ ಇಂದು ಪಟ್ಟಣದಾದ್ಯಂತ ವಿಸ್ತರಿಸಿರುವ ೨೨ ಸಮಿತಿಗಳ ಹುಟ್ಟಿಗೆ ಮೂಲ ಪ್ರೇರಣೆಯಾಗಿದೆ. ಈ ದೇವಾಲಯಗಳ ಇತಿಹಾಸ, ಅಂದಿನ ಕಾಲದ ಧಾರ್ಮಿಕ ವಾತಾವರಣ ಹಾಗೂ ಹಿರಿಯರು ಹಾಕಿಕೊಟ್ಟ ದಾರಿಯ ಕುರಿತು ಪ್ರಕಟವಾದ ಲೇಖನಗಳು, ಪಟ್ಟಣದ ಹಿರಿಯ ನಾಗರಿಕರಲ್ಲಿ ಹಳೆಯ ಸುಂದರ ನೆನಪುಗಳನ್ನು ಮರುಕಳಿಸುವಂತೆ ಮಾಡಿದ್ದವು.

೨೨ ಸಮಿತಿಗಳ ಪರಿಚಯ ಮತ್ತು ಸಾರ್ವಜನಿಕ ಸ್ಪಂದನ

ವೀರಾಜಪೇಟೆ ವ್ಯಾಪ್ತಿಯ ವಿವಿಧ ಬಡಾವಣೆಗಳಲ್ಲಿ ಗೌರಿ-ಗಣೇಶೋತ್ಸವಕ್ಕೆ ಅಡಿಪಾಯ ಹಾಕಿದ ಮಾರ್ಗದರ್ಶಕರು, ಹಳೆಯ ಸ್ಥಾಪಕರು ಮತ್ತು ಪ್ರಸ್ತುತ ಸಮಿತಿಯನ್ನು ಮುನ್ನಡೆಸುತ್ತಿರುವ ಯುವ ಪಡೆಯ ಕುರಿತು ದಿನಕ್ಕೊಂದರAತೆ ಪ್ರಕಟವಾದ ಸರಣಿ ವರದಿಗಳು ನಾಡಿನಾದ್ಯಂತ ಹೊಸ ಸಂಚಲನ ಮೂಡಿಸಿದವು.

ಸ್ಥಾಪಕರ ಗೌರವ: ಕಾಲಘಟ್ಟದ ಓಟದಲ್ಲಿ ಮರೆಯಾಗುತ್ತಿದ್ದ ಇತಿಹಾಸದ ಹರಿಕಾರರನ್ನು ಮತ್ತು ಹಬ್ಬದ ಹುಟ್ಟಿಗೆ ಕಾರಣರಾದ ಹಿರಿಯರನ್ನು ಗೌರವಪೂರ್ವಕವಾಗಿ ಸ್ಮರಿಸಿದ್ದು ಸಾರ್ವಜನಿಕರ ಹೃದಯ ಮುಟ್ಟಿದೆ. ಪ್ರತಿಯೊಂದು ಸಮಿತಿಯ ಹುಟ್ಟು, ಬೆಳೆದು ಬಂದ ಹಾದಿ ಹಾಗೂ ಕಾರ್ಯವೈಖರಿಯನ್ನು ಪರಿಚಯಿಸಿದ್ದಕ್ಕೆ ಭಕ್ತಾದಿಗಳಿಂದ, ಹಿರಿಯರಿಂದ ಹಾಗೂ ಪ್ರತಿಯೊಂದು ಬಡಾವಣೆಯ ಜನರಿಂದ ಅಭೂತಪೂರ್ವ ಬೆಂಬಲ ಹಾಗೂ ಅತ್ಯುತ್ತಮ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ.

ಐತಿಹಾಸಿಕ ನಾಡಹಬ್ಬಗಳ ಒಕ್ಕೂಟದ ಹೆಜ್ಜೆಗುರುತು ಮತ್ತು ಪ್ರಸ್ತುತ ಸಾರಥ್ಯ

ವೀರಾಜಪೇಟೆ ಗೌರಿ-ಗಣೇಶೋತ್ಸವದ ಇತಿಹಾಸದಲ್ಲಿ ‘ವೀರಾಜಪೇಟೆಯ ಐತಿಹಾಸಿಕ ನಾಡಹಬ್ಬಗಳ ಒಕ್ಕೂಟ'ಕ್ಕೆ ತನ್ನದೇ ಆದ ಮಹತ್ತ÷್ವದ ಸ್ಥಾನವಿದೆ. ಬಿ.ಜೆ. ಸಾಯಿನಾಥ್ ನಾಯಕ್ ಅವರು ಈ ಒಕ್ಕೂಟವನ್ನು ಸ್ಥಾಪಿಸಿ, ಅದರ ಅಡಿಯಲ್ಲೇ ೨೨ ಗೌರಿ-ಗಣೇಶೋತ್ಸವ ಸಮಿತಿಗಳನ್ನು ಒಗ್ಗೂಡಿಸಿ ಹಲವು ವರ್ಷಗಳ ಕಾಲ ಅತ್ಯಂತ ಯಶಸ್ವಿಯಾಗಿ ಮುನ್ನಡೆಸಿಕೊಂಡು ಬಂದಿದ್ದರು.

ಬದಲಾದ ಕಾಲಘಟ್ಟದಲ್ಲಿ, ಕಳೆದ ಮೂರು ವರ್ಷಗಳ ಹಿಂದೆ ಈ ಐತಿಹಾಸಿಕ ನಾಡಹಬ್ಬಗಳ ಒಕ್ಕೂಟವನ್ನು ವಿಸರ್ಜಿಸಿ, ಮತ್ತೆಲ್ಲಾ ೨೨ ಸಮಿತಿಗಳನ್ನು ಒಂದೇ ಸೂರಿನಡಿ ಜೋಡಿಸಿ ಹೊಸ ಸಮಿತಿಯನ್ನು ರಚಿಸಲಾಯಿತು. ಪ್ರಸ್ತುತ ವೀರಾಜಪೇಟೆ ವಿಧಾನಸಭಾ ಕ್ಷೇತ್ರದ ಶಾಸಕ ಎ.ಎಸ್. ಪೊನ್ನಣ್ಣ ಅವರು ಈ ಸಮಿತಿಯ ಅಧ್ಯಕ್ಷರಾಗಿ ಹಾಗೂ ಕೆ.ಸಿ. ಶಬರೀಶ್ ಶೆಟ್ಟಿ ಅವರು ಕಾರ್ಯಾಧ್ಯಕ್ಷರಾಗಿ ಆಯ್ಕೆಯಾಗಿ, ಹಿರಿಯರು ಹಾಕಿಕೊಟ್ಟ ಪರಂಪರೆಯನ್ನು ಅತ್ಯಂತ ಯಶಸ್ವಿಯಾಗಿ ಮುನ್ನಡೆಸಿಕೊಂಡು ಬರುತ್ತಿದ್ದಾರೆ.

ಸಮಾರೋಪ

ಒಟ್ಟಾರೆಯಾಗಿ, ವೀರಾಜಪೇಟೆಯ ಗೌರಿ-ಗಣೇಶೋತ್ಸವವು ಕೇವಲ ಧಾರ್ಮಿಕ ಆಚರಣೆಯಷ್ಟೇ ಅಲ್ಲ; ಅದು ೨೨ ಸಮಿತಿಗಳ ಸೌಹಾರ್ದತೆ, ಸೋದರತ್ವ ಮತ್ತು ಧಾರ್ಮಿಕ ಐಕ್ಯತೆಯ ಪ್ರತೀಕ ಎಂಬುದು ಮತ್ತೊಮ್ಮೆ ಸಾಬೀತಾಗಿದೆ.

ಅಂದಿನ ಕಾಲಘಟ್ಟದಲ್ಲಿ ಹಬ್ಬಕ್ಕೆ ಅಡಿಪಾಯ ಹಾಕಿ ಬೆಳೆಸಿದ ಹಿರಿಯರ ತ್ಯಾಗವನ್ನು ಸ್ಮರಿಸುತ್ತಾ, ಇಂದಿನ ಯುವಪೀಳಿಗೆಗೆ ಈ ಇತಿಹಾಸವನ್ನು ತಲುಪಿಸುವ ನಮ್ಮ ಶ್ರಮಕ್ಕೆ ಬೆನ್ನೆಲುಬಾಗಿ ನಿಂತ ಸಮಸ್ತ ವಾಚಕ ವೃಂದಕ್ಕೆ, ಪ್ರತಿದಿನದ ಪರಿಚಯಾತ್ಮಕ ಲೇಖನಗಳಿಗೆ ಸೂಕ್ತ ಮಾಹಿತಿ ನೀಡಿ ಸಹಕರಿಸಿದ ೨೨ ಗೌರಿ-ಗಣೇಶೋತ್ಸವ ಸಮಿತಿಯ ಪದಾಧಿಕಾರಿಗಳಿಗೆ ಹಾಗೂ ಊರಿನ ಸಮಸ್ತ ಭಕ್ತಾದಿಗಳಿಗೆ ‘ಶಕ್ತಿ' ಬಳಗದ ಹೃತ್ಪೂರ್ವಕ ಕೃತಜ್ಞತೆಗಳು.

ಹಿರಿಯರು ಹಚ್ಚಿದ ಈ ಭಕ್ತಿಯ ದೀವಟಿಗೆ ಮತ್ತು ೨೨ ಸಮಿತಿಗಳ ನಡುವಿನ ಈ ಅಪೂರ್ವ ಒಗ್ಗಟ್ಟು ವೀರಾಜಪೇಟೆಯ ನೆಲದಲ್ಲಿ ಯುಗಯುಗಾಂತರಗಳ ಕಾಲ ಹೀಗೆಯೇ ಬೆಳಗುತ್ತಿರಲಿ. - ಸಂಪಾದಕ.