ಸೋಮವಾರಪೇಟೆ, ಜು. ೧೮: ಇಲ್ಲಿನ ಇನ್ನರ್‌ವೀಲ್ ಕ್ಲಬ್ ಆಫ್ ಸೋಮವಾರಪೇಟೆ ಗೋಲ್ಡ್ನ ೨೦೨೫-೨೬ನೇ ಸಾಲಿನ ಅಧ್ಯಕ್ಷರಾಗಿ ತನ್ಮಯಿ ಪ್ರವೀಣ್ ಅಧಿಕಾರ ಸ್ವೀಕರಿಸಿದರು.

ಪಟ್ಟಣದ ಸಾಕ್ಷಿ ಸಭಾಂಗಣದಲ್ಲಿ ನಡೆದ ಪದಗ್ರಹಣ ಕಾರ್ಯಕ್ರಮದಲ್ಲಿ ಇನ್ನರ್ ವೀಲ್‌ನ ಜಿಲ್ಲಾ ಮಾಜಿ ಅಧ್ಯಕ್ಷೆ ನೈನಾ ಅಚ್ಚಪ್ಪ ಅವರು ನೂತನ ಆಡಳಿತ ಮಂಡಳಿಗೆ ಪ್ರಮಾಣ ವಚನ ಬೋಧಿಸಿದರು. ಕಾರ್ಯದರ್ಶಿಯಾಗಿ ಸುವಿನಾ ಕೃಪಾಲ್, ಉಪಾಧ್ಯಕ್ಷರಾಗಿ ಲತಾ ಮಂಜು, ಖಜಾಂಚಿಯಾಗಿ ಆಶಾ ಮೋಹನ್, ಐ.ಎ.ಸ್.ಒ. ನಂದಿನಿ ಗೋಪಾಲ್, ಸಂಪಾದಕಿ ಅಮ್ರಿತಾ ಕಿರಣ್, ಸದಸ್ಯರಾಗಿ ಭಾರ್ಗವಿ ಶ್ರೀಕೇಶ್, ಸ್ಮಿತಾ ನವೀನ್, ವನಿತಾ ಜಯರಾಮ್ ಅವರುಗಳು ಪ್ರತಿಜ್ಞಾವಿಧಿ ಸ್ವೀಕರಿಸಿದರು. ಈ ಸಂದರ್ಭ ಮಾತನಾಡಿದ ನೈನಾ ಅಚ್ಚಪ್ಪ, ಮಹಿಳಾ ಸಬಲೀಕರಣಕ್ಕಾಗಿ ಶ್ರಮಿಸುತ್ತಿರುವ ಪ್ರಪಂಚದ ಅತಿದೊಡ್ಡ ಮಹಿಳಾ ಸಂಸ್ಥೆ ಇನ್ನರ್‌ವೀಲ್ ಆಗಿದೆ. ಇದು ಸೇವೆ ಮತ್ತು ಸ್ನೇಹದ ಆಧಾರದಲ್ಲಿ ಕೆಲಸ ಮಾಡುತ್ತದೆ ಎಂದರು. ಸೋಮವಾರ ಪೇಟೆ ಗೋಲ್ಡ್ನ ಅಧ್ಯಕ್ಷೆ ತನ್ಮಯಿ ಪ್ರವೀಣ್ ಮಾತನಾಡಿ, ಆರೋಗ್ಯ, ಶಿಕ್ಷಣ, ಪರಿಸರ ಮತ್ತು ಇತರ ಸಾಮಾಜಿಕ ಸಮಸ್ಯೆಗಳಿಗೆ ಸಂಬAಧಿಸಿ ದಂತೆ ಸೇವೆಗಳನ್ನು ಕ್ಲಬ್ ಕೆಲಸ ಮಾಡುತ್ತಿದೆ. ಮಾಜಿ ಅಧ್ಯಕ್ಷರುಗಳು ಮತ್ತು ಎಲ್ಲಾ ಸದಸ್ಯರ ಸಹಕಾರ ಪಡೆದು ಉತ್ತಮ ಸಾಮಾಜಿಕ ಕಾರ್ಯಕ್ರಮ ಗಳನ್ನು ಹಮ್ಮಿಕೊಳ್ಳಲಾಗುವುದು ಎಂದು ಹೇಳಿದರು. ಕಾರ್ಯಕ್ರಮದ ವಿಶೇಷ ಚೇತನ ವಿದ್ಯಾರ್ಥಿಗೆ ವ್ಹೀಲ್ ಚೇರ್ ಹಾಗೂ ಮಗುವಿಗೆ ವಾಟರ್‌ಬೆಡ್ ವಿತರಿಸಲಾಯಿತು. ರೋಟರಿ ಕ್ಲಬ್ ಅಧ್ಯಕ್ಷೆ ವೀಣಾ ಮನೋಹರ್ ಕ್ಲಬ್‌ನ ಬುಲೆಟಿನ್ ಬಿಡುಗಡೆಗೊಳಿಸಿದರು.

ವೇದಿಕೆಯಲ್ಲಿ ಕ್ಲಬ್‌ನ ಜಿಲ್ಲಾ ಕಾರ್ಯದರ್ಶಿ ಉಮಾ ಮಹೇಶ್, ಸೋಮವಾರಪೇಟೆ ಕ್ಲಬ್‌ನ ಮಾಜಿ ಅಧ್ಯಕ್ಷೆ ಸಂಗೀತಾ ದಿನೇಶ್, ಕಾರ್ಯದರ್ಶಿ ಸುಮಲತಾ ಪುರುಷೋತ್ತಮ್, ಮಾಜಿ ಎಡಿಟರ್ ಸರಿತಾ ರಾಜೀವ್, ಅಮ್ರಿತಾ ಕಿರಣ್, ಅನಿತಾ ಶುಭಾಕರ್ ಇದ್ದರು.