ನಾಪೋಕ್ಲು, ಮೇ ೭: ಸಮೀಪದ ಕಕ್ಕಬೆಯ ನೆಟ್ಟುಮಾಡಿನಲ್ಲಿ ಬೃಹತ್ ಗಾತ್ರದ ಕಾಳಿಂಗ ಸರ್ಪ ಒಂದನ್ನು ಸೆರೆಹಿಡಿದು ರಕ್ಷಿಸಲಾಯಿತು.

ಗ್ರಾಮದ ನಿವಾಸಿ ವೈಕೋಲ್ ಉಸ್ಮಾನ್ ಅವರ ಮನೆಯಲ್ಲಿ ದೊಡ್ಡ ಗಾತ್ರದ ಹಾವೊಂದು ಪತ್ತೆಯಾಗಿ ಮನೆಯ ಮಂದಿ ಭಯಭೀತರಾಗಿದ್ದರು. ಈ ಬಗ್ಗೆ ಸ್ಥಳೀಯ ನಿವಾಸಿಗಳಾದ ನರೇಶ ಹಾಗೂ ರಘು ಪರಿಶೀಲಿಸಿ ಕಾಳಿಂಗ ಸರ್ಪ ಎಂದು ಖಾತರಿಪಡಿಸಿ ಕೊಂಡು ಉರಗ ತಜ್ಞ ಪೊನ್ನಿರ ಸ್ನೇಕ್ ಗಗನ್ ಅವರಿಗೆ ಮಾಹಿತಿ ನೀಡಿದರು. ಸ್ಥಳಕ್ಕೆ ಆಗಮಿಸಿ ಪೊನ್ನಿರ ಗಗನ್ ಅವರು ಸುಮಾರು ೧೨ ಅಡಿ ಉದ್ದದ ಕಾಳಿಂಗ ಸರ್ಪ ಸೆರೆ ಹಿಡಿದು ಅರಣ್ಯಕ್ಕೆ ಬಿಟ್ಟರು.