ಮುಳ್ಳೂರು, ಏ. ೨೭: ವಿಶ್ವ ಮಲೇರಿಯ ದಿನದ ಅಂಗವಾಗಿ ಸಮೀಪದ ದೊಡ್ಡಮಳ್ತೆ ಗ್ರಾ.ಪಂ.ವ್ಯಾಪ್ತಿಯ ಗಿರಿಜನ ಹಾಡಿ ನಿವಾಸಿಗಳಿಗೆ ಮಲೇರಿಯ ರೋಗ ಹರಡುವಿಕೆ ಮತ್ತು ತಡೆಗಟ್ಟುವಿಕೆ ಕುರಿತು ಜಾಗೃತಿ ಮೂಡಿಸಲಾಯಿತು.

ಗೌಡಳ್ಳಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ಹಿರಿಯ ಮಹಿಳಾ ಆರೋಗ್ಯ ಕಾರ್ಯಕರ್ತೆ ಕೆ.ಪಿ. ಪಾರ್ವತಿ ಮಲೇರಿಯ ತಡೆಗಟ್ಟುವಿಕೆ ಕುರಿತು ಹಾಡಿ ನಿವಾಸಿಗಳಿಗೆ ಸಮಗ್ರ ಮಾಹಿತಿ ನೀಡಿದರು. ಮಕ್ಕಳ ಸಹಾಯವಾಣಿ ಕೇಂದ್ರದ ತಾಲೂಕು ಕಾರ್ಯಕರ್ತೆ ಬಿ.ಆರ್.ಕುಮಾರಿ, ಸಿಬ್ಬಂದಿ ಯೋಗೇಶ್ ಮಕ್ಕಳ ಸಹಾಯವಾಣಿ ಕೇಂದ್ರದ ಉದ್ದೇಶದ ಕುರಿತು ಮಾಹಿತಿ ನೀಡಿದರು, ವಳಗುಂದ ಅಂಗನವಾಡಿ ಕೇಂದ್ರದ ಶಿಕ್ಷಕಿ ಎ.ಡಿ. ಪಲಿತ ಹಾಡಿಯ ಪ್ರಮುಖರು ಹಾಜರಿದ್ದರು.