ಕೂಡಿಗೆ, ಸೆ. ೧೦: ಕೂಡಿಗೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಹುದುಗೂರು ಮದಲಾಪುರ ವ್ಯಾಪ್ತಿಯಲ್ಲಿ ಕಳೆದ ಒಂದು ವಾರದಿಂದ ಸತತವಾಗಿ ಅತ್ತೂರು ವ್ಯಾಪ್ತಿಯ ಕಾಡಾನೆಗಳ ಹಿಂಡು ಬೆಂಡೆಬೆಟ್ಟದ ಕಡೆಯಿಂದ ಬಂದು ರೈತರ ಜಮೀನಿನಲ್ಲಿ ನಾಟಿ ಮಾಡಿದ ಭತ್ತದ ಬೆಳೆಯನ್ನು ತುಳಿದು, ಸಿಹಿ ಗೆಣಸು, ಮರ ಗೆಣಸು, ಅಡಿಗೆ ಗಿಡಗಳನ್ನು ತಿಂದು ನಾಶಮಾಡಿವೆ.

ಹುದುಗೂರು ಮದಲಾಪುರ ವ್ಯಾಪ್ತಿಯ ಲಕ್ಷಿö್ಮÃಕಾಂತ್, ಗಿರಿಜಮ್ಮ, ಪ್ರಕಾಶ್, ಮಂಜುನಾಥ, ನಾಗರಾಜ್ ಸೇರಿದಂತೆ ಹಾರಂಗಿ ನದಿ ಅಂಚಿನ ಅನೇಕ ರೈತರ ಜಮೀನಿಗೆ ಕಾಡಾನೆಗಳು ದಾಳಿ ಮಾಡಿ ನಷ್ಟಪಡಿಸಿವೆ. ಸ್ಥಳಕ್ಕೆ ಹೆಬ್ಬಾಲೆ ವಲಯ ಮತ್ತು ಹುದುಗೂರು ವಲಯದ ಅರಣ್ಯ ಅಧಿಕಾರಿಗಳು ಸೇರಿದಂತೆ ಸಿಬ್ಬಂದಿ ವರ್ಗದವರು, ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ಪರಿಹಾರ ನೀಡುವ ಭರವಸೆಯನ್ನು ನೀಡಿದ್ದಾರೆ.