ಮಡಿಕೇರಿ, ಸೆ. ೧೦: ಜೆಸಿಐ ಭಾರತದ ನಿರ್ದೇಶನದಂತೆ ತಾ. ೯ ರಿಂದ ೧೫ರವರೆಗೆ ದೇಶದಾದ್ಯಂತ ಏಕಕಾಲದಲ್ಲಿ ನಡೆಯಲಿರುವ "ಜೆಸಿಐ ಸಪ್ತಾಹ-೨೦೨೨ ಆಚರಣೆ" ಜೆಸಿಐ ಪೊನ್ನಂಪೇಟೆ ನಿಸರ್ಗ ಘಟಕದ ವತಿಯಿಂದ ದೇವರಪುರದ ಅಮೃತವಾಣಿ ಶಾಲೆಯಲ್ಲಿ ಇಂದು ಚಾಲನೆ ನೀಡಲಾಯಿತು.

'ಜೆಸಿಐ ಸಪ್ತಾಹ-೨೦೨೨ ಆಚರಣೆಯ' ಏಳು ದಿನ ವಿವಿಧ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದ್ದು, ಮೊದಲ ದಿನ ಮಕ್ಕಳಿಗೆ ಆಹಾರ ನೀಡುವುದು ಮತ್ತು ಮಹಿಳಾ ಸಾಧಕರಿಗೆ ಸನ್ಮಾನಿಸುವ ಕಾರ್ಯಕ್ರಮವನ್ನು ಘಟಕದ ಅಧ್ಯಕ್ಷ ಅಪ್ಪಂಡೆರAಡ ಕೆ. ದಿನೇಶ್ ಅಧ್ಯಕ್ಷತೆಯಲ್ಲಿ ನಡೆಸಲಾಯಿತು. ಮಕ್ಕಳಿಗೆ ಆಹಾರ ನೀಡಿ ಮಕ್ಕಳಿಂದ ಸಾಂಸ್ಕೃತಿಕ ಕಾರ್ಯಕ್ರಮ ಮತ್ತು ಮಕ್ಕಳಿಗೆ ಕ್ರೀಡಾಕೂಟವನ್ನು ನಡೆಸಲಾಯಿತು. ಕ್ರೀಡಾಕೂಟದಲ್ಲಿ ವಿಜೇತ ಮಕ್ಕಳಿಗೆ ಬಹುಮಾನ ನೀಡಿ, ನಾಲ್ಕು ಮಹಿಳಾ ಶಿಕ್ಷಕರಿಗೆ ಘಟಕದ ವತಿಯಿಂದ ಸನ್ಮಾನಿಸಲಾಯಿತು. ಈ ಸಂದರ್ಭ

ಘಟಕದ ಅಧ್ಯಕ್ಷ ಅಪ್ಪಂಡೆರAಡ ಪಿ. ದಿನೇಶ್, ಮುಖ್ಯ ಅತಿಥಿ ಫಾದರ್ ಪ್ರಸಿದ್ಧ, ಸಂಯೋಜಕ ಕಿರಣ್, ಪೂರ್ವಅಧ್ಯಕ್ಷ ಆಪಟ್ಟಿರ ಟಾಟು ಮೊಣ್ಣಪ್ಪ, ಘಟಕದ ಕಾರ್ಯದರ್ಶಿ ಚೆಟ್ಟೋಳಿರ ಶರತ್ ಸೋಮಣ್ಣ ಹಾಗೂ ಯೋಜನಾ ನಿರ್ದೇಶಕ ಆಂಟೋನಿ ಟಿ.ಜೆ ಉಪಸ್ಥಿತರಿದ್ದರು.

ಕಾರ್ಯಕ್ರಮದಲ್ಲಿ ಘಟಕದ ಸದಸ್ಯರು, ಸಾರ್ವಜನಿಕರು ಹಾಗೂ ಶಿಕ್ಷಕ ವೃಂದದವರು ಪಾಲ್ಗೊಂಡಿದ್ದರು.