ಮಡಿಕೇರಿ, ಏ.೧೧: ಕೊಡಗು ಜಿಲ್ಲಾ ರಾಷ್ಟಿçÃಯ ವಿದ್ಯಾರ್ಥಿ ಕಾಂಗ್ರೆಸ್ ಘಟಕದ ೫೧ನೇ ಸಂಸ್ಥಾಪನಾ ದಿನಾಚರಣೆ ನಗರದ ಜಿಲ್ಲಾ ಕಾಂಗ್ರೆಸ್ ಕಚೇರಿಯಲ್ಲಿ ನಡೆಯಿತು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ವಹಿಸಿ ಮಾತನಾಡಿದ ಘಟಕದ ನೂತನ ಅಧ್ಯಕ್ಷ ರೋಷನ್ ಗಣಪತಿ ಪಕ್ಷದ ಎಲ್ಲಾ ಮುಖಂಡರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಕಾರ್ಯಕರ್ತರ ಸಲಹೆ-ಸೂಚನೆ ಪಡೆದು ಬಲಿಷ್ಠ ತಂಡವನ್ನು ರಚಿಸುವುದಾಗಿ ಹೇಳಿದರು.

ರಾಜೀವ್ ಗಾಂಧಿ ಪಂಚಾಯತ್ ರಾಜ್ ಸಂಘಟನೆಯ ಜಿಲ್ಲಾ ಸಂಯೋಜಕ ತೆನ್ನೀರ ಮೈನಾ ಮಾತನಾಡಿ, ರಾಜೀವ್ ಗಾಂಧಿಯವರ ದೂರದೃಷ್ಟಿಯ ಚಿಂತನೆಯಿAದ ಮತದಾನದ ಹಕ್ಕನ್ನು ೨೧ ವಯಸ್ಸಿನಿಂದ ೧೮ ವರ್ಷಕ್ಕೆ ಇಳಿಸುವ ಮೂಲಕ ವಿದ್ಯಾರ್ಥಿಗಳಿಗೆ ಪ್ರಜಾಪ್ರಭುತ್ವದ ಶಕ್ತಿಯನ್ನು ತುಂಬಲಾಯಿತು. ದೇಶದ ಭವಿಷ್ಯವನ್ನು ನಿರ್ಮಿಸುವಲ್ಲಿ ಮಹತ್ವದ ಪಾತ್ರವಹಿಸಲು ಮುನ್ನುಡಿಯಾಯಿತು ಎಂದು ತಿಳಿಸಿದರು.

ಜಿಲ್ಲಾ ಸೇವಾದಳ ಘಟಕದ ಅಧ್ಯಕ್ಷ ಕಾನೆಹಿತ್ಲು ಮೊಣ್ಣಪ್ಪ ಮಾತನಾಡಿ, ವಿದ್ಯಾರ್ಥಿ ಘಟಕ ಶಿಸ್ತನ್ನು ಪಾಲಿಸುತ್ತಾ ಸಂಘಟನೆಯಲ್ಲಿ ತೊಡಗಿಸಿಕೊಳ್ಳಬೇಕೆಂದರು.

ಸಾಮಾಜಿಕ ಜಾಲತಾಣದ ಜಿಲ್ಲಾಧ್ಯಕ್ಷ ಸೂರಜ್ ಹೊಸೂರು ಮಾತನಾಡಿದರು.

ಡಿಸಿಸಿ ಕಾರ್ಯದರ್ಶಿಗಳಾದ ಮಂದ್ರೀರ ಮೋಹನ್ ದಾಸ್, ನಾಪೋಕ್ಲು ಬ್ಲಾಕ್ ಕಿಸಾನ್ ಘಟಕದ ಅಧ್ಯಕ್ಷ ತೀರ್ಥಪ್ರಸಾದ್, ಜಿಲ್ಲಾ ಸಾಮಾಜಿಕ ಜಾಲತಾಣದ ಉಪಾಧ್ಯಕ್ಷ ಚಂದ್ರಶೇಖರ್, ನಗರ ಕಾಂಗ್ರೆಸ್ ಉಪಾಧ್ಯಕ್ಷ ಎಂ.ಇ.ಫಾರೂಕ್, ವಿದ್ಯಾರ್ಥಿ ಮುಖಂಡರಾದ ಲಿಕಿನ್ ಬೆಳ್ಳಿಯಪ್ಪ, ಪಿ.ಎಚ್.ಯತೀಶ್, ತೇಜು ಗೌಡ, ಕೆ.ಎಲ್.ಕಿರಣ್, ಪಿ.ಹೆಚ್. ಯಶ್ವಂತ್, ಕೆ.ಎಸ್.ಜಗದೀಶ್, ವಿಕಿತ್, ಲತೇಶ್ ಆಳ್ವ, ಕೆ.ಕೆ.ಮದನ್ ಮತ್ತಿತರರು ಉಪಸ್ಥಿತರಿದ್ದರು.