*ಗೋಣಿಕೊಪ್ಪ, ಏ. ೧೧: ಜಿಲ್ಲಾ ಜೇನುಕುರುಬ ಯುವಕ ಸಂಘದ ವತಿಯಿಂದ ತಿತಿಮತಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲಾ ಮೈದಾನದಲ್ಲಿ ೪ನೇ ವರ್ಷದ ಜೇನುಕುರುಬ ಟೆನ್ನಿಸ್ ಬಾಲ್ ಕ್ರಿಕೆಟ್ ಪಂದ್ಯಾವಳಿ ತಾ. ೨೭ ರಿಂದ ಮೇ ೧ರ ವರೆಗೆ ನಡೆಯಲಿದೆ ಎಂದು ಸಂಘದ ಉಪಾಧ್ಯಕ್ಷ ಮನು ಮಾಹಿತಿ ನೀಡಿದ್ದಾರೆ.

ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಅವರು ಜೇನುಕುರುಬ ಮನೆತನದ ಕಟ್ಟೆಮನೆ ತಾಯಿ ಕುಟುಂಬಸ್ಥರು ೪ನೇ ವರ್ಷದ ಟೆನ್ನಿಸ್ ಬಾಲ್ ಕ್ರಿಕೆಟ್ ಪಂದ್ಯಾವಳಿಯನ್ನು ಜೇನುಕುರುಬ ಯುವಕ ಸಂಘದ ಅಧ್ಯಕ್ಷ ರಘು ಅವರ ಮುಂದಾಳತ್ವದಲ್ಲಿ ನಡೆಸಲು ನಿರ್ಧರಿಸಲಾಗಿದೆ. ತಾ. ೨೭ ರಂದು ಪಂದ್ಯಾಟಕ್ಕೆ ಚಾಲನೆ ದೊರೆಯಲಿದ್ದು, ಮೇ ೧ ರಂದು ಅಂತಿಮ ಪಂದ್ಯಾಟ ನಡೆಯಲಿದೆ. ಪಂದ್ಯಾಟವು ನೈಜ್ಯ ಜೇನುಕುರುಬ ಕುಟುಂಬಗಳ ನಡುವೆ ನಡೆಯಲಿದೆ ಎಂದು ತಿಳಿಸಿದರು.

ಸದಾ ದುಡಿಮೆಯಲ್ಲಿ ದಣಿದು ಬಳಲುವ ಆದಿವಾಸಿ ಮಕ್ಕಳು ಕ್ರೀಡಾಕೂಟಗಳಲ್ಲಿ ಭಾಗವಹಿಸುವ ಮೂಲಕ ಉಲ್ಲಾಸದ ಮನ ಪರಿವರ್ತನೆಗೆ ಸಾಧ್ಯವಾಗಲಿದೆ.

ಟೆನ್ನಿಸ್ ಬಾಲ್ ಕ್ರಿಕೆಟ್ ಪಂದ್ಯಾಟದೊAದಿಗೆ ಜನಾಂಗದ ಮಹಿಳೆಯರಿಗೆ ಹಗ್ಗಜಗ್ಗಾಟ, ಮಕ್ಕಳಿಗೆ ಆಟೋಟ ಸ್ಪರ್ಧೆ, ಕಟ್ಟೆಮನೆ ತಾಯಿ ಕುಟುಂಬಸ್ಥರ ಆಯೋಜನೆಯಲ್ಲಿ ಜೇನುಕುರುಬರ ಸಾಂಸ್ಕöÈತಿಕ ಕಾರ್ಯಕ್ರಮ ನಡೆಯಲಿದೆ ಎಂದು ಹೇಳಿದರು. ತಂಡಗಳು ನೋಂದಾಯಿಸಿಕೊಳ್ಳಲು ೯೯೪೫೬೨೬೯೦೨, ೭೦೨೨೮೯೩೯೬೫ ಸಂಪರ್ಕಿಸಬಹುದಾಗಿದೆ ಎಂದರು.

ಗೋಷ್ಠಿಯಲ್ಲಿ ಕಾರ್ಯದರ್ಶಿ ಜೆ.ಟಿ. ಅಯ್ಯಪ್ಪ, ಸದಸ್ಯ ಅವಿನಾಶ್, ಕರ್ಣ, ಸುರೇಶ್, ಉಪಸ್ಥಿತರಿದ್ದರು.