ಗೋಣಿಕೊಪ್ಪ ವರದಿ, ಏ. ೧೦: ಮದ್ಯಪ್ರದೇಶದ ಭೂಪಾಲ್‌ನಲ್ಲಿರುವ ಧ್ಯಾನ್‌ಚಂದ್ ಮೈದಾನದಲ್ಲಿ ಹಾಕಿ ಇಂಡಿಯಾ ವತಿಯಿಂದ ನಡೆಯುತ್ತಿರುವ ೧೨ ನೇ ರಾಷ್ಟಿçÃಯ ಪುರುಷರ ಹಾಕಿ ಟೂರ್ನಿಯಲ್ಲಿ ಜಿಲ್ಲೆಯ ಆಟಗಾರರನ್ನೊಳಗೊಂಡ ಕರ್ನಾಟಕ ರಾಜ್ಯ ತಂಡ ಕ್ವಾರ್ಟರ್ ಫೈನಲ್ ಪ್ರವೇಶ ಪಡೆದಿದೆ.

ಭಾನುವಾರ ನಡೆದ ತಂಡದ ೨ ನೇ ಪಂದ್ಯದಲ್ಲಿ ಆಂಧ್ರಪ್ರದೇಶ ತಂಡವನ್ನು ೧೩-೦ ಗೋಲುಗಳಿಂದ ಮಣಿಸಿತು. ಬೊಳ್ಯಪಂಡ ಪಿ. ಸೋಮಣ್ಣ ಮೂರು ಗೋಲು ಬಾರಿಸಿದರು. ಐನಂಡ ಆರ್. ನಾಚಪ್ಪ, ಹರೀಶ್ ಮುಗ್ದಲ್, ಬಿದ್ದಾಟಂಡ ಚೆಲ್ಸಿ ಮೇದಪ್ಪ, ಯತೀಶ್ ತಲಾ ೨ ಗೋಲು ಬಾರಿಸಿ ಜೋಡಿ ಗೋಲು ಸರದಾರರು ಎನಿಸಿದರು. ಸೂರ್ಯ, ಪ್ರಣಬ್ ಗೌಡ ತಲಾ ಒಂದೊAದು ಗೋಲು ಬಾರಿಸಿ ಗೆಲುವಿನ ಅಂತರ ಹೆಚ್ಚಿಸಿದರು.

ಟೂರ್ನಿಯ ಮೊದಲ ಪಂದ್ಯದಲ್ಲಿ ಉತ್ತರಾಖಂಡ ತಂಡವನ್ನು ೯-೧ ಗೋಲುಗಳಿಂದ ಸೋಲಿಸಿ ಶುಭಾರಂಭ ಮಾಡಿರುವ ರಾಜ್ಯ ತಂಡ ಇದೀಗ ಟೂರ್ನಿಯಲ್ಲಿ ೨ ನೇ ಗೆಲುವು ದಾಖಲಿಸಿದೆ. ತಾ. ೧೪ ರಂದು ಕ್ವಾರ್ಟರ್ ಫೈನಲ್ ಆಡಲಿದೆ.

ರಾಜ್ಯ ತಂಡದ ೧೮ ಆಟಗಾರರಲ್ಲಿ ಕೊಡಗು ಜಿಲ್ಲೆಯ ೧೨ ಆಟಗಾರರು ತಂಡದಲ್ಲಿದ್ದು, ಕುಂದೀರ ಪಿ. ಶರತ್ ಸೋಮಣ್ಣ

(ಮೊದಲ ಪುಟದಿಂದ) ಗೋಲ್ ಕೀಪರ್ ಸ್ಥಾನ ನಿರ್ವಹಣೆ ಜವಬ್ದಾರಿ ಹೊತ್ತುಕೊಂಡಿದ್ದಾರೆ. ಉಳಿದಂತೆ, ಮುಕ್ಕಾಟೀರ ಆರ್. ಮುತ್ತಣ್ಣ, ಬಿ. ಎಂ. ಲಿಖಿತ್, ಬೊಳ್ಯಪಂಡ ಪಿ. ಸೋಮಣ್ಣ, ಜೆ. ಪಿ. ಕುಶ, ನಾಯಮಾಡ ಚಿರಂತ್ ಸೋಮಣ್ಣ, ಐನಂಡ ಆರ್. ನಾಚಪ್ಪ, ಸಿ. ಎಸ್. ಶಮಂತ್, ಬಿದ್ದಾಟಂಡ ಚೆಲ್ಸಿ ಮೇದಪ್ಪ, ಯತೀಶ್‌ಕುಮಾರ್, ಸೂರ್ಯ, ದೀಕ್ಷಿತ್, ತರಬೇತು ದಾರರಾಗಿ ಕೂತಂಡ ಕೆ. ಪೂಣಚ್ಚ, ವ್ಯವಸ್ಥಾಪಕರಾಗಿ ಕರ್ತಮಾಡ ನಿಖಿ ಗಣಪತಿ ಇದ್ದಾರೆ.