(ಕಾಯಪಂಡ ಶಶಿಸೋಮಯ್ಯ)
ಮಡಿಕೇರಿ, ಏ. ೧೦: ವಯಸ್ಸಿನಲ್ಲಿ ಕಿರಿಯರಾಗಿರುವವರು ಇಲ್ಲಿ ಉಪನ್ಯಾಸಕರು... ಇಳಿವಯಸ್ಸಿ ನವರು, ಉಪನ್ಯಾಸಕರ ಸಮಕಾಲೀನರಾಗಿರುವ ಒಂದಿಬ್ಬರು ಅಥವಾ ಈ ಬೋಧಕರಿಗಿಂತ ಒಂದೆರಡು ವರ್ಷಗಳ ಆಸುಪಾಸಿನ ಅಂತರ ಇರುವವರು ಇಲ್ಲಿ ವಿದ್ಯಾರ್ಥಿಗಳು... ಆದರೆ ಇದು ವಯಸ್ಕರ ಶಿಕ್ಷಣವಲ್ಲ. ವಿದ್ಯಾರ್ಥಿಗಳೆಲ್ಲರಲ್ಲೂ ಒಬ್ಬರಿಗಿಂತ ಒಬ್ಬರು ಮಿಗಿಲಾದವರು, ವಿವಿಧ ಪದವೀಧರರು... ನಿವೃತ್ತ - ಹಾಲಿ ಉದ್ಯೋಗಿಗಳು, ಗೃಹಿಣಿಯರು... ಇಂತಹ ಒಂದು ವಿಶೇಷತೆಗಳು ಕಂಡುಬAದಿರುವದು ಇದೀಗ ತಾನೆ ಪ್ರಾರಂಭಗೊAಡಿರುವ ಕೊಡವ ಭಾಷಾ ಎಂ.ಎ. ಸ್ನಾತಕೋತ್ತರ ಪದವಿ ಶಿಕ್ಷಣದಲ್ಲಿ.
ಮಂಗಳೂರು ವಿ.ವಿ.ಯ ಮೂಲಕ ಅನುಮೋದನೆಗೊಂಡು ಕೊಡವ ಎಂ.ಎ. ಸ್ನಾತಕೋತ್ತರ ಪದವಿ ಶಿಕ್ಷಣಕ್ಕೆ ಐತಿಹಾಸಿಕವಾಗಿ ಮುನ್ನುಡಿಯಿಡಲಾಗಿದೆ. ಮಡಿಕೇರಿಯ ಫೀಲ್ಡ್ ಮಾರ್ಷಲ್ ಕೆ.ಎಂ. ಕಾರ್ಯಪ್ಪ ಕಾಲೇಜಿನಲ್ಲಿ ಕೋರ್ಸ್ ಈಗಾಗಲೇ ಪ್ರಾರಂಭಗೊAಡಿದೆ. ಪ್ರಥಮ ಹೆಜ್ಜೆಯಲ್ಲಿ ಪ್ರಸ್ತುತ ಒಂಭತ್ತು ವಿದ್ಯಾರ್ಥಿಗಳಿದ್ದಾರೆ. ಇನ್ನು ಕೆಲವರು ಸೇರ್ಪಡೆಗೆ ಕಾತರರಾಗಿದ್ದರೂ ಕೆಲವೊಂದು ತಾಂತ್ರಿಕ ಕಾರಣಗ ಳಿಂದಾಗಿ ಇವರ ಸೇರ್ಪಡೆಗೆ ಅಡಚಣೆ ಯಾಗಿದೆ. ಈ ಬಗ್ಗೆ ವಿಶ್ವವಿದ್ಯಾನಿಲಯ ದೊಂದಿಗೆ ವ್ಯವಹರಿಸಲಾಗುತ್ತಿದ್ದು, ಈ ಆಸಕ್ತರಿಗೆ ಅವಕಾಶ ಸಿಗುವ ಬಗ್ಗೆ ನಿರೀಕ್ಷೆ ಹೊಂದಲಾಗಿದೆ. ಇವಿಷ್ಟು ಸದ್ಯದ ಹೈಲೈಟ್ಸ್.
ಇನ್ನು ವಿದ್ಯಾರ್ಥಿಗಳು ಯಾರು ಯಾರು ಎಂಬ ಬಗ್ಗೆ ಅವಲೋಕಿಸೋಣ... ಇಲ್ಲಿ ಭಾರತೀಯ ಸೇನೆಯಲ್ಲಿ ವೈದ್ಯಕೀಯ ವಿಭಾಗದಲ್ಲಿ ಸೇವೆ ಸಲ್ಲಿಸಿ ನಿವೃತ್ತರಾಗಿರುವ ಲೆಫ್ಟಿನೆಂಟ್ ಕರ್ನಲ್ ಇದ್ದಾರೆ, ಕಾಫಿ ಮಂಡಳಿಯ ನಿವೃತ್ತ ಸೀನಿಯರ್ ಲೈಸನ್ ಆಫೀಸರ್ ಇದ್ದಾರೆ, ಎನ್‌ವಯರ್‌ಮೆಂಟ್ ಸೈನ್ಸ್ನಲ್ಲಿ ಎಂ.ಎಸ್ಸಿ ಪದವಿ ಪಡೆದು ಗೃಹಣಿಯಾಗಿರುವ ಪೊಲೀಸ್ ವೃತ್ತ ನಿರೀಕ್ಷರೊಬ್ಬರ ಪತ್ನಿ ಇದ್ದಾರೆ. ಪದವೀಧರರುಗಳಾಗಿದ್ದು, ಪ್ರಸ್ತುತ ಸಾಮಾಜಿಕ ಚಟುವಟಿಕೆಗಳಲ್ಲಿ ತೊಡಗಿಸಿಕೊಂಡಿರುವ ಪತಿ - ಪತ್ನಿಯರು ಕೂಡ ವಿದ್ಯಾರ್ಥಿಗಳು.
ಇವರೊಂದಿಗೆ ಮತ್ತೊಬ್ಬರು ಪೊಲೀಸ್ ಅಧಿಕಾರಿಯ ಪತ್ನಿಯಾಗಿದ್ದು, ಇಕನಾಮಿಕ್ಸ್ ಲೆಕ್ಚರರ್ ಆಗಿರುವವರೊಬ್ಬರು, ಬೆಂಗಳೂರಿನ ಕಂಪೆನಿಯೊAದರ ಉದ್ಯೋಗಿಯಾಗಿದ್ದು, ಇದಕ್ಕಾಗಿ ಬರುತ್ತಿರುವ ಮಹಿಳೆಯೊಬ್ಬರು, ವಿದ್ಯಾಸಂಸ್ಥೆಯೊAದರಲ್ಲಿ ಕ್ಲರ್ಕ್ ಆಗಿರುವವರೊಬ್ಬರು, ಮತ್ತೊಬ್ಬರು ಹೌಸ್‌ವೈಫ್, ಹೀಗೆ... ಇವರೆಲ್ಲರೂ ವಿದ್ಯಾರ್ಥಿಗಳು...! ತಮ್ಮ ಬದುಕಿನ ಹಿನ್ನೆಲೆ ಹೀಗಿದ್ದರೂ ಇವರೆಲ್ಲ ಪ್ರಥಮ ಬ್ಯಾಚ್‌ನ ಆಸಕ್ತ ವಿದ್ಯಾರ್ಥಿಗಳು ಎಂಬದು ಗಮನಾರ್ಹ.
ಯರ‍್ಯಾರು...?
ನಿವೃತ್ತ ಲೆಫ್ಟಿನೆಂಟ್ ಕರ್ನಲ್ ವಿದ್ಯಾರ್ಥಿನಿ ನಂದಿನೆರವAಡ ಪಾರ್ವತಿ, ಸಿಎನ್‌ಸಿ ಅಧ್ಯಕ್ಷ ಎನ್.ಯು. ನಾಚಪ್ಪ ಅವರ ಪತ್ನಿ, ಕಾಫಿ ಮಂಡಳಿಯ
(ಮೊದಲ ಪುಟದಿಂದ) ನಿವೃತ್ತ ಉದ್ಯೋಗಿ ಬೊಪ್ಪಂಡ ಶ್ಯಾಮ್ ಪೂಣಚ್ಚ, ಎನ್‌ವಯರ್‌ಮೆಂಟ್ ಸೈನ್ಸ್ನಲ್ಲಿ ಎಂ.ಎಸ್ಸಿ. ಪದವೀಧರೆಯಾಗಿರುವ ವಿದ್ಯಾರ್ಥಿನಿ ಐಚಂಡ ರಶ್ಮಿ, ಮಡಿಕೇರಿಯ ಡಿ.ಎ.ಆರ್.ನ ವೃತ್ತ ನಿರೀಕ್ಷಕ ಐ.ಪಿ. ಮೇದಪ್ಪ ಅವರ ಪತ್ನಿ. ಪತಿ - ಪತ್ನಿ ವಿದ್ಯಾರ್ಥಿಗಳು, ಕೊಡವ ಮಕ್ಕಡ ಕೂಟದ ಅಧ್ಯಕ್ಷ ಬೊಳ್ಳಜೀರ ಅಯ್ಯಪ್ಪ ಹಾಗೂ ಯಮುನಾ ಅಯ್ಯಪ್ಪ.
ಇಕನಾಮಿಕ್ಸ್ ಲೆಕ್ಚರರ್ ವಿದ್ಯಾರ್ಥಿನಿ ಆಪಾಡಂಡ ಹೇಮಾವತಿ ಇವರು ವಯರ್‌ಲೆಸ್‌ನ ಪೊಲೀಸ್ ಸಿಬ್ಬಂದಿ ಗಣಪತಿ ಅವರ ಪತ್ನಿ. ಬೆಂಗಳೂರಿನ ಕಂಪೆನಿಯೊAದರ ಉದ್ಯೋಗಿಯಾಗಿದ್ದು, ಅಲ್ಲಿಂದ ಬರುತ್ತಿರುವವರು ಚೌಂಡೀರ ಶಿಲ್ಪಾ ಪೊನ್ನಪ್ಪ, ವಿದ್ಯಾಸಂಸ್ಥೆಯೊAದರ (ರಾಜರಾಜೇಶ್ವರಿ) ಕ್ಲರ್ಕ್ ಆಗಿದ್ದು, ವಿದ್ಯಾರ್ಥಿಯಾಗಿರುವವರು ಕರವಂಡ ಸೀಮಾ ಗಣಪತಿ, ಮತ್ತೋರ್ವ ಗೃಹಿಣಿ ವಿದ್ಯಾರ್ಥಿನಿ ಪುತ್ತರೀರ ವನಿತಾ ಮುತ್ತಪ್ಪ.
ಉಪನ್ಯಾಸಕರು
ಇವರಿಗೆ ಉಪನ್ಯಾಸಕರಾಗಿ ನಿಯೋಜಿಸಲ್ಪಟ್ಟಿರುವವರು ಕಾವೇರಿ ಕಾಲೇಜಿನಲ್ಲಿನ ಉಪನ್ಯಾಸಕರುಗಳಾದ ಡಾ|| ಮುಲ್ಲೇಂಗಡ ರೇವತಿ ಪೂವಯ್ಯ ಹಾಗೂ ಅಣ್ಣಳಪಂಡ ಧರ್ಮಶೀಲ ಅಜಿತ್. ಇವರಿಬ್ಬರು ಕೊಡವ ಎಂ.ಎ.ಶಿಕ್ಷಣದ ಉಸ್ತುವಾರಿ ನೋಡಿಕೊಳ್ಳುತ್ತಿರುವ ಕೊಡವ ಅಕಾಡೆಮಿಯ ಮೂಲಕ ನಿಯೋಜಿಸಲ್ಪಟ್ಟಿದ್ದಾರೆ. ಇವರೊಂದಿಗೆ ಅತಿಥಿ ಉಪನ್ಯಾಸಕರುಗಳಾಗಿ ಹಿರಿಯ ಸಾಹಿತಿಗಳಾದ ಬಾಚರಣಿಯಂಡ ಅಪ್ಪಣ್ಣ ಹಾಗೂ ರಾಣು ಅಪ್ಪಣ್ಣ ಅವರುಗಳು ಬೋಧನೆಗೆ ಬರುತ್ತಿದ್ದಾರೆ. ಈ ಶಿಕ್ಷಣದ ಸಂಯೋಜಕರಾಗಿ ಫೀ.ಮಾ. ಕಾರ್ಯಪ್ಪ ಕಾಲೇಜಿನ ಡಾ|| ರವಿಶಂಕರ್ ಅವರು ಕಾರ್ಯನಿರ್ವಹಿಸುತ್ತಿದ್ದಾರೆ. ಅಕಾಡೆಮಿ ಅಧ್ಯಕ್ಷೆ ಡಾ|| ಅಮ್ಮಾಟಂಡ ಪಾರ್ವತಿ ಅಪ್ಪಯ್ಯ ನೇತೃತ್ವದ ತಂಡ ಸಹಕಾರ ನೀಡುತ್ತಿದೆ.