ವೀರಾಜಪೇಟೆ, ಅ. 21: ವೀರಾಜಪೇಟೆಯ ಆರ್ಜಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಭಾರತೀಯ ಜನತಾ ಪಕ್ಷದ ಓಬಿಸಿ ಮೋರ್ಚಾದ ಅಧ್ಯಕ್ಷರಾಗಿ ಬಿ.ಎಂ. ರಮೇಶ್, ಪ್ರಧಾನ ಕಾರ್ಯದರ್ಶಿಯಾಗಿ ಬಿ.ಸಿ. ಕಿರಣ್, ಉಪಾಧ್ಯಕ್ಷರಾಗಿ ಟಿ.ಬಿ. ಉಮೇಶ್ ಆಯ್ಕೆಯಾಗಿದ್ದಾರೆ.

ಆರ್ಜಿ ಗ್ರಾಮ ಪಂಚಾಯಿತಿಯ ಪೆರಂಬಾಡಿ ಅಯ್ಯಪ್ಪ ದೇವಾಲಯದ ಸಭಾಂಗಣದಲ್ಲಿ ಆರ್ಜಿ ಪಂಚಾಯಿತಿ ವ್ಯಾಪ್ತಿಯ ಶಕ್ತಿ ಕೇಂದ್ರದ ಅಧ್ಯಕ್ಷ ಪಾಲಚಂಡ ವಿಠಲ ಅವರ ಅಧ್ಯಕ್ಷತೆಯಲ್ಲಿ ನಡೆದ ಸಭೆಯಲ್ಲಿ ಈ ಆಯ್ಕೆ ನಡೆಯಿತು. ಈ ಸಂದರ್ಭ ಮಹಿಳಾ ಉಪಾಧ್ಯಕ್ಷರಾಗಿ ಶ್ರೀಜಾ, ಸಹಕಾರ್ಯದರ್ಶಿಗಳಾಗಿ ಹರಿದಾಸ್ ಮತ್ತು ಶಿವಕುಮಾರ್, ಖಜಾಂಚಿ ಕೆ.ಸಿ. ಶಶಿ, ಸದಸ್ಯರುಗಳಾಗಿ ಸುನಿಲ್, ಶಶಿ, ಕೇಶವ್, ಕಿಶೋರ್, ವಿನೀತ್, ಅಜಿತ್, ಅಕ್ಷಿತ್, ಮಹೇಶ್ ಕುಮಾರ್, ಬಾಲಚಂದ್ರ, ಗಣೇಶ್, ಟಿ.ಜಿ. ಮನು ಅವರನ್ನು ಆಯ್ಕೆ ಮಾಡಲಾಯಿತು.