ರಂಗು ರಂಗಿನ ಧಿರಿಸುಗಳ ಆಡಂಬರವು ಸಪ್ಪೆಯೆನಿಸಿದೆ
ಬಂಧುಬಳಗ ಸಂಕಷ್ಟದಡಿ ಸಿಲುಕಿದೆ
ನರಳುತ ಕೂಗಿ ಅಳುತಿಹರು ಏನೆಂದು ಹೇಳಲಿ...?
ಅಳುವಾಗಲೂ ಸಾಲಾಗಿ ನಿಲ್ಲುವ ನಿನ್ನ ನೆನಪುಗಳು
ಮುತ್ತಿಗೆ ಹಾಕಿ ಏಕಳುವೆ ಜಾಣೆ ಎನ್ನುವ ಕಂಗಳು
ಏತಕ್ಕಾಗಿ ಈ ದುಃಖ ಏನೆಂದು ಹೇಳಲಿ..?
ಆರ್ಭಟದ ದನಿಯೆ ಇಲ್ಲ ಸೀಳಿದರೂ ಸದ್ದಿಲ್ಲ
ಕಂಬನಿಯ ಹೊರತು ಉತ್ತರ ದೊರೆಯದ ಪ್ರಶ್ನೆಗಳೆ ಎಲ್ಲ
ಈ ತರದ ಸಂಕಷ್ಟಕ್ಕೆ ಏನೆಂದು ಹೇಳಲಿ...?
ಕವಿಯಾಗಿ ನನ್ನ ಲೇಖನಿಯಲಿ ಬರಹ ಬಹುದಿಲ್ಲವಲ್ಲ
ಕಂಪಿಸುತ ಮರೆಯಲ್ಲೆ ಮಲಗಿಬಿಟ್ಟಿವೆಯಲ್ಲ
ಏನಾಗಿದೆ ವಿಶ್ವದ ಸ್ಥಿತಿ ಏನೆಂದು ಹೇಳಲಿ...?
ಪ್ರಕೃತಿಯ ಸೌಂದರ್ಯವ ಸೂರೆಗೈದು ಹಾಳಾದ ತಪ್ಪಿಗೆ
ಕುಗ್ಗಿ ಬಸವಳಿದಿರುವೆ ಈ ಮುನಿಸಿಗೆ
ಪ್ರಕೃತಿ ಕೈಬಿಟ್ಟಿರುವ ಈಗ ಏನೆಂದು ಹೇಳಲಿ...?
ಎಚ್ಚರದ ಗಂಟೆಯಡಿ ಎಚ್ಚೆತ್ತು ನಡೆಯದಿರೆ
ಹುಚ್ಚೆದ್ದು ಕಬಳಿಸುವ ಸೋಂಕು ಆಲಂಗಿಸುತ್ತಿರೆ
ಪ್ರಾಣಾಪಾಯದ ಸಂದರ್ಭಕ್ಕೆ ಏನೆಂದು ಹೇಳಲಿ...?
- ಮಾಲಾಮೂರ್ತಿ ಕುಶಾಲನಗರ, ಶಿಕ್ಷಕಿ ಕಾನ್‍ಬೈಲ್