ಮಡಿಕೇರಿ, ಮಾ. 31: ನೊಂದವರಿಗೆ ಮಿಡಿದ ಗೋಣಿಕೊಪ್ಪದ ಅನುಗ್ರಹ ಯುವಕ ಸಂಘದ ಉತ್ಸಾಹಿ ಯುವಕರು; ಪೊಲೀಸರಿಗೆ ಮತ್ತು ಗೋಣಿಕೊಪ್ಪ ನಗರದ ಸರ್ಕಾರಿ ಆಸ್ಪತ್ರೆಯ ರೋಗಿಗಳಿಗೆ ಮತ್ತು ಆಸ್ಪತ್ರೆಗೆ ಬಂದ ಜನರಿಗೆ ಆಹಾರವನ್ನು ವಿತರಿಸಿದರು. ಬಹಳಷ್ಟು ಜನರು ಆಹಾರಕ್ಕೂ ಪರದಾಡುತ್ತಿರುವ ದೃಶ್ಯ ಕಂಡು ಮನಕಲಕುವಂತಿತ್ತು ಎಂದು ಯುವಕರು ಭಾವುಕರಾದರು. ಆಸ್ಪತ್ರೆಯ ರೋಗಿಗಳು ಮತ್ತು ಜನರು ಇವರ ಸೇವೆಯನ್ನು ಮೆಚ್ಚಿದರು ಸಮಾಜದಲ್ಲಿ ಅಗತ್ಯವಿರುವ ಜನರಿಗೆ ಅನ್ನವನ್ನು ನೀಡುವುದು ಪುಣ್ಯದ ಕೆಲಸ ಇದನ್ನು ಯುವಕರು ಮಾಡಿರುವುದು ನಿಜವಾಗಿಯೂ ಪ್ರಸಂಶನೀಯ ಎಂದು ಮೆಚ್ಚುಗೆ ಸೂಚಿಸಿದ್ದಾರೆ.