ಮಡಿಕೇರಿ, ನ. 7: ವೀರಾಜಪೇಟೆ ಪಟ್ಟಣ ವ್ಯಾಪ್ತಿಯಲ್ಲಿ ಬೇತ್ರಿ ಮತ್ತು ಪಾಲಂಗಾಲ ಫೀಡರ್‍ನಲ್ಲಿ ಐಪಿಡಿಎಸ್ (ವಿದ್ಯುತ್ ಜಾಲದ ಸಮಗ್ರ ಅಭಿವೃದ್ಧಿ ಯೋಜನೆ) ಹಾಗೂ ತುರ್ತು ನಿರ್ವಹಣೆ ಕಾಮಗಾರಿಯನ್ನು ನಡೆಸಬೇಕಿರುವದರಿಂದ ತಾ. 8 ರಂದು (ಇಂದು) ಬೆಳಗ್ಗೆ 10 ರಿಂದ ಸಂಜೆ 6 ಗಂಟೆವರೆಗೆ ವಿದ್ಯುತ್ ಸರಬರಾಜು ಸ್ಥಗಿತಗೊಳಿಸಲಾಗುವದು. ಕುಕ್ಲೂರು, ಕದನೂರು ಬೆಳ್ಳಾರಿಮಾಡು, ಕಾಕೋಟುಪರಂಬು, ಮೈತಾಡಿ, ಚಾಮಿಯಾಲ, ನಾಲ್ಕೇರಿ ಅರಮೇರಿ, ಬೆಳ್ಳುಮಾಡು, ಕಡಂಗ ಕೆದಮುಳ್ಳೂರು, ಪಾಲಂಗಾಲ, ಬೇಟೋಳಿ, ಬಾರಿಕಾಡು ಹಾಗೂ ಸುತ್ತಮುತ್ತ ವ್ಯಾಪ್ತಿಯ ಪ್ರದೇಶಗಳಲ್ಲಿ ವಿದ್ಯುತ್ ಸರಬರಾಜಿನಲ್ಲಿ ವ್ಯತ್ಯಯವಾಗಲಿದೆ. ಸಾರ್ವಜನಿಕರು ಸಹಕರಿಸುವಂತೆ ಮಡಿಕೇರಿ ವಿಭಾಗದ ಸೆಸ್ಕ್ ಕಾರ್ಯನಿರ್ವಾಹಕ ಎಂಜಿನಿಯರ್ ಕೋರಿದ್ದಾರೆ.