ಮಡಿಕೇರಿ, ಅ. 10: 2018ರಲ್ಲಿ ಮಳೆ - ಭೂಕುಸಿತದಿಂದ ತೀವ್ರ ಹಾನಿಗೆ ಒಳಗಾಗಿದ್ದ ಕಾಲೂರು ಇದೀಗ ಪುನಶ್ಚೇತನಗೊಂಡ ಪ್ರದೇಶವಾಗಿದೆ. ಭಾರತೀಯ ವಿದ್ಯಾಭವನ ಪ್ರಾಜೆಕ್ಟ್ ಕೂರ್ಗ್ ಮೂಲಕ ಸಂತ್ರಸ್ತ ಮಹಿಳೆಯರಿಗೆ ನೆರವು ನೀಡುವ ಮೂಲಕ ಅವರನ್ನು ಸ್ವ- ಉದ್ಯೋಗದತ್ತ ನೆಲೆಗೊಳ್ಳುವಂತೆ ಮಾಡಿದೆ. ಪ್ರಾಜೆಕ್ಟ್ ಕೂರ್ಗ್ ಕೇಂದ್ರಕ್ಕೆ ತಾ.8ರಂದು ರಾಜ್ಯ ಶಿಕ್ಷಣ ಸಚಿವ ಸುರೇಶ್ ಕುಮಾರ್ ಭೇಟಿ ನೀಡಿ ಹರ್ಷ ವ್ಯಕ್ತಪಡಿಸಿದರು.

ಸಿದ್ಧ ಉಡುಪುಗಳು, ಆಹಾರೋತ್ಪನ್ನಗಳನ್ನು ತಯಾರಿಸುತ್ತಿರುವ ಮಹಿಳೆಯರ ಸಕ್ರಿಯ ಕಾರ್ಯಚಟುವಟಿಕೆ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿದರು. ಅಲ್ಲದೆ ಈ ಬಗ್ಗೆ ಶಿಕ್ಷಣ ಇಲಾಖೆಯಿಂದಲೂ ನೆರವು ನೀಡುವ ಭರವಸೆಯಿತ್ತರು. ಈ ಸಂದರ್ಭ ವಿದ್ಯಾಭವನದ ಯೋಜನಾ ಪ್ರಮುಖರಾದ ಬಾಲಾಜಿ ಕಶ್ಯಪ್ ಅವರು ಹಾಜರಿದ್ದು, ಸಚಿವರನ್ನು ಸ್ವಾಗತಿಸಿದರು.