ಮಡಿಕೇರಿ, ಅ. 10: ಸೋಮವಾರಪೇಟೆ ತಾಲೂಕಿನ ಶಿಶು ಅಭಿವೃದ್ಧಿ ಯೋಜನೆಯಲ್ಲಿ ಖಾಲಿ ಇರುವ ಅಂಗನವಾಡಿ ಕಾರ್ಯಕರ್ತೆ, ಸಹಾಯಕಿಯರ ಹುದ್ದೆ ಭರ್ತಿ ಮಾಡಲು ಆನ್‍ಲೈನ್ ಮೂಲಕ ಅರ್ಜಿ ಆಹ್ವಾನಿಸಲಾಗಿದೆ.
ಅಂಗನವಾಡಿ ಕಾರ್ಯಕರ್ತೆ ಹುದ್ದೆಗೆ ಖಾಲಿ ಇರುವ ಕೇಂದ್ರದ ಹೆಸರು ಅಬ್ಬೂರು ಕಟ್ಟೆ, ತಲ್ತರೆ ಶೆಟ್ಟಳಿ ಹಾಗೂ ಸಹಾಯಕಿಯರ ಹುದ್ದೆಗೆ ಖಾಲಿ ಇರುವ ಕೇಂದ್ರದ ಹೆಸರು ಹರಗ, ಕೆದಕಲ್, ಭರಡಿದೇವರಕಾಡು, ಸುಂಟಿಕೊಪ್ಪ-2, ತಣ್ಣೀರುಹಳ್ಳ ಹೆಬ್ಬಾಲೆ-1, ಹೆಬ್ಬಾಲೆ-2, ನಿಡ್ತಕೊಪ್ಪಲು ಖ್ಯಾತೆ, ತಾಕೇರಿ-1, ಹಾಲೇರಿ, ಹೆಮ್ಮಾನೆ, ಈರಳೆವಳಮುಡಿ, ದಂಡಿನಪೇಟೆ-2, ನಾಕೂರು-ಶಿರಂಗಾಲ, ಅಭ್ಯತ್‍ಮಂಗಲ ಪೈಸಾರಿ, ಕಾಗಡಿಕಟ್ಟೆ, ನಿಲುವಾಗಿಲು, ಕಂಡಕೆರೆ-1 ಇವುಗಳಿಗೆ ಆನ್‍ಲೈನ್‍ನಲ್ಲಿ ನವೆಂಬರ್ 8 ರವರೆಗೆ ಅರ್ಜಿ ಸಲ್ಲಿಸಲು ಅವಕಾಶವಿದೆ.
ಅಂಗನವಾಡಿ ಕಾರ್ಯಕರ್ತೆ ಹುದ್ದೆಗೆ ಎಸ್‍ಎಸ್‍ಎಲ್‍ಸಿ ಉತ್ತಿರ್ಣರಾಗಿರಬೇಕು. ಮತ್ತು ಸಹಾಯಕಿ ಹುದ್ದೆಗೆ 9ನೇ ತರಗತಿಯೊಳಗೆ ವ್ಯಾಸಂಗ ಮಾಡಿರಬೇಕು. 18 ರಿಂದ 35 ವರ್ಷ ವಯೋಮಿತಿಯೊಳಗಿರುವ ಹಾಗೂ ಅಂಗನವಾಡಿ ಕೇಂದ್ರಕ್ಕೆ ಒಳಪಟ್ಟ ಗ್ರಾಮ ವ್ಯಾಪ್ತಿಯಲ್ಲಿ ವಾಸಿಸುತ್ತಿರುವ ಮಹಿಳಾ ಅಭ್ಯರ್ಥಿಗಳು ಮಾತ್ರ ಅರ್ಹರಾಗಿದ್ದಾರೆ. ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳು ವೆಬ್‍ಸೈಟ್ ತಿತಿತಿ.ಚಿಟಿgಚಿಟಿಚಿತಿಚಿಜiಡಿeಛಿಡಿuiಣ.ಞಚಿಡಿ.ಟಿiಛಿ.iಟಿ ನಲ್ಲಿ ಅರ್ಜಿ ಪಡೆದು ಭರ್ತಿ ಮಾಡಿ ಆನ್‍ಲೈನ್‍ನಲ್ಲಿ ಮಾತ್ರ ಅರ್ಜಿ ಸಲ್ಲಿಸಬೇಕಿದೆ. ಹೆಚ್ಚಿನ ಮಾಹಿತಿಗೆ ದೂ.ಸಂ. 08276-282281 ಕಚೇರಿ ವೇಳೆಯಲ್ಲಿ ಸಂಪರ್ಕಿಸಬಹುದು.