ಮಡಿಕೇರಿ, ಸೆ. 15: ಕಾವೇರಿ ಕಲಾ ಸಮಿತಿ ಬಾಳೆಲೆಯ ಸಂಗೀತ ಗುರು ವತ್ಸಲಾ ನಾರಾಯಣ್ ಶಿಷ್ಯರು ಕರ್ನಾಟಕ ಶಾಸ್ತ್ರೀಯ ಸಂಗೀತ ಪರೀಕ್ಷೆಯಲ್ಲಿ ಉನ್ನತ ಶ್ರೇಣಿಯಲ್ಲಿ ಉತ್ತೀರ್ಣರಾಗಿ ಶೇ. 100 ರ ಫಲಿತಾಂಶ ಪಡೆದಿದ್ದಾರೆ.

ಈ ಶಾಲೆಯ ವಿದ್ಯಾರ್ಥಿಗಳಲ್ಲಿ ಸೀನಿಯರ್ ವಿಭಾಗದ ಅನ್ವಿತ್ ಕುಮಾರ್ ಸಿ.ವಿ. ಶೇ. 84.5 ಅಂಕಗಳೊಂದಿಗೆ ಜಿಲ್ಲೆಗೆ ಪ್ರಥಮ, ಮೇಘನಾ ಭಾರ್ಗವ್ ಶೇ. 74.5 ಅಂಕಗಳೊಂದಿಗೆ ದ್ವಿತೀಯ, ಚಿರಾಗ್ ಶರ್ಮ ಶೇ. 71 ಅಂಕಗಳೊಂದಿಗೆ ತೃತೀಯ ಮತ್ತು ಅನುರಾಧ ಶರ್ಮ ಶೇ. 70 ಅಂಕಗಳೊಂದಿಗೆ ಉನ್ನತ ಶ್ರೇಣಿಯಲ್ಲಿ ತೇರ್ಗಡೆ ಹೊಂದಿದ್ದಾರೆ. ಜೂನಿಯರ್ ವಿಭಾಗದಲ್ಲಿ ಡಯಾನಾ ದೇಚಮ್ಮ ಶೇ. 72 ಅಂಕಗಳೊಂದಿಗೆ ಉನ್ನತ ಶ್ರೇಣಿಯಲ್ಲಿ ತೇರ್ಗಡೆ ಹೊಂದಿದ್ದಾಳೆ.