ಗೋಣಿಕೊಪ್ಪ ವರದಿ, ಮಾ. 28: ತಿತಿಮತಿ ಕೃಷಿ ಪತ್ತಿನ ಸಹಕಾರ ಸಂಘದ ವತಿಯಿಂದ ಕೊಡಗಿನಲ್ಲಿ ನಡೆದ ಭೂಕುಸಿತ ಸಂದರ್ಭ ಸೂರು ಕಳೆದುಕೊಂಡ ಮೂರು ಕೃಷಿ ಪತ್ತಿನ ಸಹಕಾರ ಸಂಘದ 19 ಸದಸ್ಯರುಗಳಿಗೆ ಒಟ್ಟು ರೂ. 2.02 ಲಕ್ಷ ಧನ ಸಹಾಯ ವಿತರಣೆ ಮಾಡಲಾಯಿತು.

ಮಕ್ಕಂದೂರು, ಗರ್ವಾಲೆ ಹಾಗೂ ಮಾದಾಪುರ ಕೃಷಿ ಪತ್ತಿನ ಸಹಕಾರ ಸಂಘಗಳಿಗೆ ಪ್ರತ್ಯೇಕವಾಗಿ ತೆರಳಿ ಅಯಾ ಭಾಗದ ಸದಸ್ಯರಿಗೆ ಚೆಕ್ ವಿತರಣೆ ಮಾಡಲಾಯಿತು. ಒಟ್ಟು 19 ಸದಸ್ಯರು ಇದರ ಲಾಭ ಪಡೆದುಕೊಂಡರು. ಈ ಸಂದರ್ಭ ತಿತಿಮತಿ ಕೃಷಿ ಪತ್ತಿನ ಸಹಕಾರ ಸಂಘದ ಅಧ್ಯಕ್ಷ ಚೆಪ್ಪುಡೀರ ರಾಮಕೃಷ್ಣ, ಉಪಾಧ್ಯಕ್ಷ ಪಿ.ಜೆ. ನಂಜಪ್ಪ, ನಿರ್ದೇಶಕರುಗಳಾಧ ಬಿ.ಬಿ. ನಂಜಪ್ಪ, ಹೆಚ್. ಎಸ್. ಗೋವಿಂದ, ಸಿಇಒ ವಿ.ಎಸ್. ಸುಬ್ರಮಣಿ ಉಪಸ್ಥಿತರಿದ್ದರು.