ಸೋಮವಾರಪೇಟೆ, ಜೂ. 10: ಇಲ್ಲಿನ ಪಟ್ಟಣ ಪಂಚಾಯಿತಿ ಚುನಾವಣೆಗೆ ಸಂಬಂಧಿಸಿದಂತೆ 11 ವಾರ್ಡ್‍ಗಳ ಮೀಸಲಾತಿ ಪಟ್ಟಿಯನ್ನು ರಾಜ್ಯ ನಗರಾಭಿವೃದ್ಧಿ ಇಲಾಖೆಯ ಅಧೀನ ಕಾರ್ಯದರ್ಶಿ ಬಿಡುಗಡೆ ಮಾಡಿದ್ದಾರೆ.

ಪಟ್ಟಣದ 1ನೇ ವಾರ್ಡ್ (ಬಸವೇಶ್ವರ ರಸ್ತೆ) ಸಾಮಾನ್ಯ, 2ನೇ ವಾರ್ಡ್ (ಬಾಣಾವಾರ ರಸ್ತೆ) ಪರಿಶಿಷ್ಟ ಪಂಗಡ, 3ನೇ ವಾರ್ಡ್ (ವೆಂಕಟೇಶ್ವರ ಬ್ಲಾಕ್) ಹಿಂದುಳಿದ ವರ್ಗ(ಎ) ಮಹಿಳೆ, 4ನೇ ವಾರ್ಡ್ (ರೇಂಜರ್ ಬ್ಲಾಕ್) ಸಾಮಾನ್ಯ, 5ನೇ ವಾರ್ಡ್ (ದೇವಸ್ಥಾನ ರಸ್ತೆ) ಹಿಂದುಳಿದ ವರ್ಗ (ಎ), 6ನೇ ವಾರ್ಡ್ (ವಿಶ್ವೇಶ್ವರಯ್ಯ ಬ್ಲಾಕ್) ಪರಿಶಿಷ್ಟ ಜಾತಿ, 7ನೇ ವಾರ್ಡ್(ರೇಂಜರ್ ಬ್ಲಾಕ್ 2ನೇ ಹಂತ) ಸಾಮಾನ್ಯ ಮಹಿಳೆ, 8ನೇ ವಾರ್ಡ್ (ಜನತಾ ಕಾಲೋನಿ) ಸಾಮಾನ್ಯ, 9ನೇ ವಾರ್ಡ್ (ಸಿದ್ಧಲಿಂಗೇಶ್ವರ ಬ್ಲಾಕ್) ಹಿಂದುಳಿದ ವರ್ಗ (ಬಿ), 10ನೇ ವಾರ್ಡ್ (ಮಹದೇಶ್ವರ ಬ್ಲಾಕ್) ಸಾಮಾನ್ಯ ಮಹಿಳೆ, 11ನೇ ವಾರ್ಡ್ (ಸಿ.ಕೆ.ಸುಬ್ಬಯ್ಯ ರಸ್ತೆ) ಸಾಮಾನ್ಯ ಮಹಿಳೆಗೆ ಮೀಸಲಾಗಿದ್ದು ಕರಡು ಅಧಿಸೂಚನೆಯನ್ನು ನಗರಾಭಿವೃದ್ಧಿ ಇಲಾಖೆಯ ಅಧೀನ ಕಾರ್ಯದರ್ಶಿ ಕೆ.ಎಲ್.ಬಾಗಲವಾಡೆ ಆದೇಶ ಹೊರಡಿಸಿದ್ದಾರೆ.

ವಾರ್ಡ್ ಸಂಖ್ಯೆ ಅದಲು-ಬದಲು

ಪ್ರಸಕ್ತ ಸಾಲಿನಲ್ಲಿ ವಾರ್ಡ್ ಸಂಖ್ಯೆಯ ಹೆಸರಿನಲ್ಲಿ 1,2,3 ಮತ್ತು 10ರಲ್ಲಿ ಯಾವದೇ ಬದಲಾವಣೆ ಇರುವದಿಲ್ಲ. ಆದರೆ ವಾರ್ಡ್ 4-11 ರವರೆಗಿನ ಸಂಖ್ಯೆಯು ಬದಲಾಗಿದ್ದು, ಭೌಗೋಳಿಕ ಕ್ಷೇತ್ರವು ಅದೇ ಆಗಿರುತ್ತದೆ.

ಹಿಂದಿನ ವಾರ್ಡ್ ಸಂಖ್ಯೆ ಪ್ರಸ್ತುತ ವಾರ್ಡ್ ಸಂಖ್ಯೆ

ವಾರ್ಡ್-4 (ದೇವಸ್ಥಾನ ರಸ್ತೆ) ರೇಂಜರ್ ಬ್ಲಾಕ್

ವಾರ್ಡ್-5 (ಎಂ.ಜಿ.ರಸ್ತೆ) ದೇವಸ್ಥಾನ ರಸ್ತೆ

ವಾರ್ಡ್-6 (ಸಿ.ಕೆ.ಸುಬ್ಬಯ್ಯ ರಸ್ತೆ) ವಿಶ್ವೇಶ್ವರಯ್ಯ ಬ್ಲಾಕ್

ವಾರ್ಡ್-7 (ಜನತಾ ಕಾಲೋನಿ) ರೇಂಜರ್ ಬ್ಲಾಕ್ 2ನೇ ಹಂತ

ವಾರ್ಡ್-8 (ರೇಂಜರ್ ಬ್ಲಾಕ್) ಜನತಾ ಕಾಲೋನಿ

ವಾರ್ಡ್-9 (ರೇಂಜರ್ ಬ್ಲಾಕ್ 2ನೇ ಹಂತ) ಸಿದ್ಧಲಿಂಗೇಶ್ವರ ಬ್ಲಾಕ್

ವಾರ್ಡ್-11 (ಮಹದೇಶ್ವರ ಬ್ಲಾಕ್-2) ಸಿ.ಕೆ.ಸುಬ್ಬಯ್ಯ ರಸ್ತೆ

ಸುಪ್ರೀಂ ಕೋರ್ಟ್ ಆದೇಶದಂತೆ ಕಳೆದ ಸಾಲಿನಲ್ಲಿ ಮೀಸಲಾತಿಯು 2008ರ ಮೀಸಲಾತಿಯನ್ನೇ ಮುಂದುವರೆಸಲಾಗಿತ್ತು. ಆದರೆ ಪ್ರಸಕ್ತ ಸಾಲಿನಲ್ಲಿ ಸಿ.ಕೆ.ಸುಬ್ಬಯ್ಯ ರಸ್ತೆಯ ವಾರ್ಡ್-11 ರಲ್ಲಿನ ಮೀಸಲಾತಿಯು 2008, 2013 ಮತ್ತು 2018 ರಲ್ಲಿಯೂ ಪುನರಾವರ್ತನೆಯಾಗಿರುವದು ಹೊರತು ಪಡಿಸಿದರೆ ಉಳಿದಂತೆ 10 ವಾರ್ಡ್‍ಗಳ ಮೀಸಲಾತಿಯು ಬದಲಾಗಿದೆ.