ಮಡಿಕೇರಿ, ಅ. ೨೬: ಇಂಡಿಯನ್ ಮೆಡಿಕಲ್ ಅಸೋಸಿಯೇಷನ್ (ಐ.ಎಂ.ಎ) ರಾಜ್ಯ ಘಟಕದ ವತಿಯಿಂದ ಜಿಲ್ಲಾ ಘಟಕಕ್ಕೆ 'ಪ್ರೆಸಿಡೆಂಟ್ ಅಪ್ರಿಸಿಯೇಷನ್' ಪ್ರಶಸ್ತಿ ಪ್ರದಾನ ಮಾಡಲಾಯಿತು. ಐ.ಎಂ.ಎ ಕೊಡಗು ವತಿಯಿಂದ ಕೈಗೊಂಡ ಉತ್ತಮ ಕಾರ್ಯಗಳನ್ನು ಗುರುತಿಸಿ ತಾ.೨೪ ರಂದು ಶಿವಮೊಗ್ಗದ ಸುಬ್ಬಯ್ಯ ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್‌ನಲ್ಲಿ ನಡೆದ ವಾರ್ಷಿಕ ಮೆಡಿಕಲ್ ಕಾನ್ಫರೆನ್ಸ್ನಲ್ಲಿ ಈ ಪ್ರಶಸ್ತಿ ಪ್ರದಾನ ಮಾಡಲಾಯಿತು. ಈ ಸಂದರ್ಭ ಐ.ಎಂ.ಎ ಕೊಡಗು ಘಟಕದ ಡಾ ಶ್ಯಾಮ್ ಅಪ್ಪಣ್ಣ, ಡಾ ಸುಧಾಕರ್, ಡಾ. ಮೋಹನ್ ಅಪ್ಪಾಜಿ ಹಾಗೂ ಇತರರು ಹಾಜರಿದ್ದರು. ರಾಜ್ಯ ಆರೋಗ್ಯ ಸಚಿವ ಯು.ಇ. ಖಾದರ್, ಎಂ.ಎಲ್.ಸಿ ಡಾ.ಧನಂಜಯ ಹಾಗೂ ರಾಜ್ಯ ಐ.ಎಂ.ಎ ಘಟಕದ ಪದಾಧಿಕಾರಿಗಳು ಈ ಸಂದರ್ಭ ಹಾಜರಿದ್ದರು.