ಮಡಿಕೇರಿ, ಅ. ೨೫: ಮದೆನಾಡಿನ ಯುವ ಯೋಗಸಾಧಕಿ, ೧೮ ದಾಖಲೆಗಳನ್ನು ಯೋಗಪ್ರದರ್ಶನದಲ್ಲಿ ಮಾಡಿರುವ ಸಿಂಚನಾ ಅವರು ಶಾಲೆಗಳಲ್ಲಿ ವಿದ್ಯಾರ್ಥಿಗಳಿಗೆ ಯೋಗದ ಮಹತ್ವ ತಿಳಿಸುವ ಯೋಗಸಿಂಚನಾ ಎಂಬ ವಿನೂತನ ಕಾರ್ಯಕ್ರಮ ಪ್ರಾರಂಭಿಸಿದ್ದಾರೆ.

ಸಿAಚನ ಪ್ರಾಥಮಿಕ ಶಿಕ್ಷಣ ಪಡೆದ ಮದೆನಾಡು ವ್ಯಾಪ್ತಿಯ ಬೆಳಕುಮಾನಿಯ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಯೋಗಸಿಂಚನಾ ಚಾಲನೆಗೊಂಡಿದೆ.

ಶಾಲೆಯ ಮುಖ್ಯಶಿಕ್ಷಕಿ ಭಾಗ್ಯಲಕ್ಷಿö್ಮ, ಶಿವರಾಮ್, ದೇವರಕೊಲ್ಲಿಯ ಶ್ರೀ ಚಾಮುಂಡೇಶ್ವರಿ ದೇವಾಲಯ ಆಡಳಿತ ಮಂಡಳಿ ಅಧ್ಯಕ್ಷ, ಯಶೋದರ, ನಿವೃತ್ತ ಶಿಕ್ಷಕ ಶಿವರಾಮ್ ದೀಪ ಬೆಳಗಿಸಿ ಕಾರ್ಯಕ್ರಮ ಉದ್ಘಾಟಿಸಿದರು

ನಂತರ ಸಿಂಚನ ಯೋಗ ಮಂತ್ರದ ಅರ್ಥ, ಅಷ್ಟಾಂಗ ಯೋಗವನ್ನು ವಿವರಿಸಿ, ಆಸನಗಳನ್ನು ಮಾಡಲು ಇರುವ ನಿಯಮಗಳು, ಮತ್ತು ಮಕ್ಕಳಿಗೆ ಯೋಗವಿದ್ಯೆ ಹೇಗೆ ಉಪಯೋಗಿ ಎಂಬುದನ್ನು ತಿಳಿಸಿದರು. ಸರಳ ವ್ಯಾಯಾಮ ಸೂರ್ಯ ನಮಸ್ಕಾರ, ಸೂರ್ಯ ನಮಸ್ಕಾರದ ಮಂತ್ರ, ೧೨ ಆಸನಗಳ ಹೆಸರು, ಉಸಿರಾಟ ಕ್ರಮವನ್ನು ಸಿಂಚನಾ ತಿಳಿಸಿದರು.

ಕಲಾತ್ಮಕ ಯೋಗ ನೃತ್ಯ ಪ್ರದರ್ಶನ ನೀಡಿದ ಸಿಂಚನಾ ಸರ್ವರ ಶ್ಲಾಘನೆಗೆ ಪಾತ್ರರಾದರು. ಸಿಂಚನಾಳ ಪೋಷಕರಾದ ಕೀರ್ತಿಕುಮಾರ್, ರೇಣುಕಾ, ಶಾಲೆಯ ಸಹಾಯಕ ಶಿಕ್ಷಕರು ಮತ್ತು ಶಿಕ್ಷಕೇತರ ವರ್ಗದವರು, ಆಡಳಿತ ಮಂಡಳಿ ಸದಸ್ಯರು, ಶಾಲಾ ಮಕ್ಕಳು, ಅಂಗನವಾಡಿ ಶಿಕ್ಷಕರು, ಮಕ್ಕಳು ಗ್ರಾಮಸ್ಥರು ಕಾರ್ಯಕ್ರಮದಲ್ಲಿ ಹಾಜರಿದ್ದರು.