ಕೋವರ್ಕೊಲ್ಲಿ ಇಂದ್ರೇಶ್
ಬೆAಗಳೂರು, ಆ. ೨೨: ಸಾಮಾನ್ಯವಾಗಿ ನಾವು ಯಾವುದೇ ವಸ್ತುಗಳನ್ನು ಖರೀದಿಸಬೇಕಾದರೆ ಗುಣಮಟ್ಟ ಖಾತರಿ ಪಡಿಸಿಕೊಳ್ಳಲು ಐಎಸ್ಐ (ಭಾರತೀಯ ಗುಣಮಟ್ಟ ಸಂಸ್ಥೆ) ಅಥವಾ ಐಎಸ್ಒ (ಅಂತರರಾಷ್ಟಿçÃಯ ಗುಣಮಟ್ಟ ಸಂಸ್ಥೆ) ಪ್ರಾಮಾಣೀಕರಣ ಹೊಂದಿದೆಯೇ ಎಂದು ಪರಿಶೀಲಿಸುತ್ತೇವೆ. ಆಹಾರ ಪದಾರ್ಥಗಳಾದರೆ ಎಫ್ಎಸ್ಎಸ್ಏಐ (ಭಾರತೀಯ ಆಹಾರ ಸುರಕ್ಷತೆ ಮತ್ತು ಗುಣಮಟ್ಟ ಪ್ರಾಧಿಕಾರ) ಮುದ್ರೆ ಇದೆಯೇ ಎಂದು ಪರಿಶೀಲಿಸುತ್ತೇವೆ. ಆದರೆ ಕಾಫಿಗೆ ದೇಶದಲ್ಲಿ ಈವರೆಗೆ ಪ್ರತ್ಯೇಕ ಗುಣಮಟ್ಟ ಖಾತರಿಗೆ ಅಧಿಕೃತ ಸಂಸ್ಥೆ ಇರಲಿಲ್ಲ. ಇದೀಗ ಭಾರತೀಯ ಕಾಫಿ ಮಂಡಳಿಯು ಗ್ರಾಹಕ ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗುವ ಕಾಫಿಗೂ ಗುಣಮಟ್ಟದ ಲೋಗೋ ಒದಗಿಸಲು ಮುಂದಾಗಿದೆ.
ಇನ್ನು ಮುಂದೆ ಭಾರತದಲ್ಲಿ ಬೆಳೆದ ಕಾಫಿಯನ್ನು ಖರೀದಿಸುವ ಮೊದಲು ಗ್ರಾಹಕರು ಶೀಘ್ರದಲ್ಲೇ ಭಾರತೀಯ ಗುಣಮಟ್ಟದ ಲೋಗೋವನ್ನು ಪರಿಶೀಲಿಸಲು ಸಾಧ್ಯವಾಗುತ್ತದೆ. ಕಳೆದ ವರ್ಷ ಇಂಡಿಕಾಫ್ ಎಂಬ ಪ್ರಮಾಣಿತ ಲೋಗೋವನ್ನು ಬಿಡುಗಡೆ ಮಾಡಿದ ಭಾರತೀಯ ಕಾಫಿ ಮಂಡಳಿಯು ಈಗ ಎಲ್ಲಾ ವಲಯಗಳು ಮತ್ತು ಪಾಲುದಾರರಿಗೆ ಅದನ್ನು ವಿಸ್ತರಿಸುವತ್ತ ವ್ಯಾಪಕವಾಗಿ ಕೆಲಸ ಮಾಡುತ್ತಿದೆ. ಇಂಡಿಕಾಫ್ ಮೊದಲಿಗೆ ಕಾಫಿ ಉತ್ಪಾದಕರಿಗೆ ಮಾತ್ರ ಸೀಮಿತವಾಗಿದ್ದು ಇದೀಗ ಕಾಫಿ ಸಂಸ್ಕರಣೆ, ಕಾಫಿ ಪುಡಿಗೂ ಇದನ್ನು ವಿಸ್ತರಿಸಲಾಗುತ್ತಿದೆ. ಅಂತರರಾಷ್ಟಿçÃಯ ಕಾಫಿ ಮಾನದಂಡಗಳಿದ್ದರೂ, ಭಾರತವು ಇಂಡಿಕಾಫ್ ಎಂದು ಕರೆಯಲ್ಪಡುವ ಭಾರತೀಯ ಕಾಫಿಗೆ ತನ್ನದೇ ಆದ ಮಾನದಂಡ ಬಿಡುಗಡೆ ಮಾಡಿರುವುದು ಇದೇ ಮೊದಲು ಎಂದು ಭಾರತೀಯ ಕಾಫಿ ಮಂಡಳಿ (ಸಿಬಿಐ) ಕಾರ್ಯದರ್ಶಿ ಎಂ. ಕೂರ್ಮಾರಾವ್ ಹೇಳಿದ್ದಾರೆ.
“ಇದು ಸಂಪೂರ್ಣ ಕಾಫಿ ಮತ್ತು ಮೌಲ್ಯ ಸರಪಳಿಯನ್ನು ನೋಡಿಕೊಳ್ಳುತ್ತದೆ. ಭಾರತೀಯ ಕಾಫಿ ವಿಶಿಷ್ಟ ಮತ್ತು ನೆರಳಿನಲ್ಲಿ ಬೆಳೆಯುವುದರಿಂದ, ಉತ್ಪಾದನೆಯಿಂದ ಮಾರಾಟಕ್ಕೆ ಒಳಪಡುವ ಪ್ರತಿಯೊಂದು ಹಂತದಲ್ಲೂ ಪ್ರತ್ಯೇಕ ಮಾನದಂಡಗಳ ಅವಶ್ಯಕತೆಯಿದೆ.” ಕಳೆದ ವರ್ಷ ಮಾನದಂಡಗಳ ಗುಂಪನ್ನು ಬಿಡುಗಡೆ ಮಾಡಲಾಯಿತು, ಇದು ಪ್ರಮಾಣೀಕರಣ, ವೆಚ್ಚ ಅಂಶ, ಸುಸ್ಥಿರತೆ, ಪೂರೈಕೆ ಮತ್ತು ಮೌಲ್ಯ ಸರಪಳಿಯನ್ನು ಭಾರತೀಯ ಮಾರುಕಟ್ಟೆಯ ಆಧಾರದ ಮೇಲೆ ಹಾಗೂ ಭಾರತೀಯ ಹವಾಮಾನ ಮತ್ತು ಭೌಗೋಳಿಕ ಪರಿಸ್ಥಿತಿಗಳನ್ನು ಆಧರಿಸಿದೆ ಮತ್ತು ಅಂತರರಾಷ್ಟಿçÃಯ ಮಾನದಂಡಗಳಿಗಿAತ ಭಿನ್ನವಾಗಿದೆ. “ಈಗ ಅವುಗಳನ್ನು ಕಾರ್ಯಗತಗೊಳಿಸುವ ಕೆಲಸ ನಡೆಯುತ್ತಿದೆ” ಎಂದು ರಾವ್ ಹೇಳಿದ್ದಾರೆ.
ಪ್ರಸ್ತುತ, ಕಾಫಿ ಉತ್ಪಾದನೆಗೆ ಮಾನದಂಡ ಗಳನ್ನು ಅನುಸರಿಸಲಾಗುತ್ತಿದೆ ಮತ್ತು ಸಂಸ್ಕರಣಾ ವಲಯದಲ್ಲಿ ಕೆಲಸ ನಡೆಯುತ್ತಿದೆ. ಇದರ ನಂತರ, ಸ್ಟೀರಿಂಗ್ ಸಮಿತಿಯನ್ನು ರೂಪಿಸಲಾಗುವುದು, ಇದು ಗ್ರಾಹಕರು ಕಾಫಿ ಖರೀದಿಸುವಾಗ ಗಮನಿಸಬೇಕಾದ ಲೋಗೋ ಸೇರಿದಂತೆ ಎಲ್ಲಾ ಪಾಲುದಾರರು ಅನುಸರಿಸಬೇಕಾದ ಸಮಯವನ್ನು ನಿಗದಿಪಡಿಸುತ್ತದೆ. ಸಂಸ್ಕ ರಣಾ ವಲಯದಲ್ಲಿ ಇದರ ಜಾರಿ ಮುಂದಿನ ಕೆಲವು ತಿಂಗಳುಗಳಲ್ಲಿ ಪೂರ್ಣಗೊಳ್ಳುತ್ತದೆ ಎಂದು ಅವರು ತಿಳಿಸಿದ್ದಾರೆ.
೨೦೨೧-೨೨ರ ಹಣಕಾಸು ವರ್ಷದಲ್ಲಿ ಮೊದಲ ಬಾರಿಗೆ ರಫ್ತು ಮಾರಾಟವು ೧ ಬಿಲಿಯನ್ ಯುಎಸ್ ಡಾಲರ್ಗಳನ್ನು ತಲುಪಿದೆ. ಕಳೆದ ಐದು ವರ್ಷಗಳಲ್ಲಿ, ಇದು ನಿರಂತರವಾಗಿ ಏರಿಕೆಯಾಗುತ್ತಲೇ ಇದೆ ಮತ್ತು ೨೦೨೫-೨೬ ರಲ್ಲಿ, ಇದು ೨.೦೮೩ ಬಿಲಿಯನ್ ಯುಎಸ್ ಡಾಲರ್ಗೆ ಏರಿಕೆ ದಾಖಲಿಸಿದೆ. ಇದೇ ಅವಧಿಯಲ್ಲಿ ಮೌಲ್ಯವರ್ಧಿತ ಉತ್ಪನ್ನಗಳಲ್ಲೂ ೨೯% ರಿಂದ ೩೯% ಕ್ಕೆ ಏರಿಕೆಯಾಗಿದೆ. ಕಳೆದ ನಾಲ್ಕು ತಿಂಗಳಲ್ಲಿ ರಫ್ತು ಪ್ರಮಾಣವೂ ೨೪% ರಷ್ಟು ಹೆಚ್ಚಾಗಿದೆ.
೨೦೨೫-೨೬ ರ ಏಪ್ರಿಲ್ ನಿಂದ ಜುಲೈವರೆಗಿನ ಪ್ರಸಕ್ತ ವರ್ಷದ ರಫ್ತು ಕಾರ್ಯಕ್ಷಮತೆಯನ್ನು ವಿವರಿಸಿರುವ ರಾವ್, ಇದು ೭೬೫ ಮಿಲಿಯನ್ ಯುಎಸ್ ಡಾಲರ್ ಆಗಿದ್ದು, ಇದು ೨೦೨೬-೨೭ ರ ಏಪ್ರಿಲ್-ಜುಲೈನಲ್ಲಿ ೮೫೫ ಮಿಲಿಯನ್ ಯುಎಸ್ ಡಾಲರ್ಗೆ ಏರಿಕೆಯಾಗಿದ್ದು, ಇದು ೧೧.೮೨% ಏರಿಕೆಯನ್ನು ತೋರಿಸುತ್ತದೆ ಎಂದಿದ್ದಾರೆ. ಕಳೆದ ಐದು ವರ್ಷಗಳಲ್ಲಿ ಉತ್ಪಾದನಾ ಪ್ರದೇಶವು ೭.೫% ರಷ್ಟು ಹೆಚ್ಚಾಗಿದೆ, ೨೦೨೧-೨೨ ರಲ್ಲಿ ೩,೪೭,೦೦೦ ಟನ್ಗಳಿಂದ ೨೦೨೫-೨೬ ರಲ್ಲಿ ೩,೭೩,೦೦೦ ಟನ್ಗಳಿಗೆ ಏರಿಕೆಯಾಗಿದೆ. ೪೦% ಮಳೆ ಕೊರತೆಯೊಂದಿಗೆ ೨೦೨೬-೨೭ಕ್ಕೆ ಉತ್ಪಾದನೆಯು ೪.೦೪ ಲಕ್ಷ ಮೆಟ್ರಿಕ್ ಟನ್ ಆಗಲಿದೆ ಎಂದು ರಾವ್ ಅಂದಾಜಿಸಿದ್ದಾರೆ. ಇತ್ತೀಚಿನ ರಫ್ತಿಗೆ ಹೋಲಿಸಿದರೆ ದೇಶದ ಆಂತರಿಕ ಕಾಫಿ ಬಳಕೆಯಲ್ಲಿ ಏರಿಕೆ ಕಂಡುಬAದಿದೆ. ಇದಲ್ಲದೆ, ಕಾಫಿಯ ಮಾರಾಟ, ಪ್ರಚಾರ ಮತ್ತು ಮಾರುಕಟ್ಟೆಯನ್ನು ಹೆಚ್ಚಿಸಲು, ಕೇಂದ್ರ ಸರ್ಕಾರವು ಚೀನಾ, ಜರ್ಮನಿ, ಕೆನಡಾ, ಚಿಲಿ ಮತ್ತು ಅಲ್ಜೀರಿಯಾ ಎಂಬ ಐದು ದೇಶಗಳಲ್ಲಿ ಅಧ್ಯಯನವನ್ನು ಕೈಗೊಂಡಿದೆ.