ಮಡಿಕೇರಿ, ಜು. ೭: ಸಿ.ಐ.ಎಸ್.ಸಿ.ಇ ಶಾಲೆಗಳ ವಲಯ ಮಟ್ಟದ ಫುಟ್ಬಾಲ್ ಕ್ರೀಡಾಕೂಟವನ್ನು ಕುಶಾಲನಗರದ ಉದ್ಗಮ್ ಶಾಲೆಯ ಆತಿಥ್ಯದಲ್ಲಿ ಆಯೋಜಿಸಲಾಯಿತು.

ಕೊಡಗು, ಮೈಸೂರು, ಹಾಸನ, ಮಂಡ್ಯ ಮತ್ತು ಚಾಮರಾಜನಗರ ಜಿಲ್ಲೆಗಳಿಂದ ಸುಮಾರು ೨೩ ತಂಡಗಳು ಆಗಮಿಸಿದ್ದವು. ಈ ಕ್ರೀಡಾಕೂಟದಲ್ಲಿ ೧೪ ರ ವಯೋಮಿತಿಯ ಪಂದ್ಯಾಟದಲ್ಲಿ ಕೂರ್ಗ್ ಪಬ್ಲಿಕ್ ಸ್ಕೂಲ್ ಗೋಣಿಕೊಪ್ಪ ಪ್ರಥಮ ಸ್ಥಾನ, ಉದ್ಗಮ್ ಶಾಲೆ ದ್ವಿತೀಯ ಸ್ಥಾನವನ್ನು ಮತ್ತು ೧೭ ರ ವಯೋಮಿತಿಯ ಪಂದ್ಯಾಟದಲ್ಲಿ ಡಿ. ಪೌಲ್, ಮೈಸೂರು ತಂಡ ಪ್ರಥಮ ಸ್ಥಾನ ಮತ್ತು ಜನರಲ್ ತಿಮ್ಮಯ್ಯ ಶಾಲೆ ಮಡಿಕೇರಿ ತಂಡ ದ್ವಿತೀಯ ಸ್ಥಾನವನ್ನು ಹಾಗೂ ೧೯ರ ವಯೋಮಿತಿಯ ವಿಭಾಗದಲ್ಲಿ ಡಿ. ಪೌಲ್ ಮೈಸೂರು ತಂಡ ಪ್ರಥಮ ಸ್ಥಾನವನ್ನು, ಕ್ಯಾಲ್ಸ್, ಗೋಣಿಕೊಪ್ಪ ತಂಡ ದ್ವಿತೀಯ ಸ್ಥಾನವನ್ನು ಪಡೆದುಕೊಂಡರು. ಎಲ್ಲಾ ತಂಡಗಳಿಗೂ ಮುಖ್ಯ ಅತಿಥಿಗಳಾಗಿ ಆಗಮಿಸಿದಂತಹ ಕೊಡಗು ಫುಟ್ಬಾಲ್ ಕ್ಲಬ್‌ನ ಅಧ್ಯಕ್ಷ ಪೊನ್ನಪ್ಪ ಐ.ಎಸ್. ಹಾಗೂ ಉದ್ಗಮ್ ಸಂಸ್ಥೆಯ ಪ್ರಾಂಶುಪಾಲ ಬೋಪಣ್ಣ ಬಿ.ಪಿ. ಬಹುಮಾನಗಳನ್ನು ವಿತರಿಸಿದರು.