ಮಡಿಕೇರಿ, ಡಿ. ೫ : ಕೊಡಗಿನ ವಿಶಿಷ್ಟತೆಗಳಲ್ಲಿ ಕೊಡವ ಸಾಂಪ್ರದಾಯಿಕ ವಾಲಗವೂ ಒಂದಾಗಿದ್ದು ವಾಲಗತಾಟ್ ಎಂಬದು ಜನಜನಿತ. ವಾಲಗಕ್ಕೆ ಹೆಜ್ಜೆ ಹಾಕದವರಿಲ್ಲ... ಇದನ್ನು ವಾಲಗತಾಟ್ ನಮ್ಮೆ ಎಂಬ ಕಾರ್ಯಕ್ರಮದ ಮೂಲಕ ತೂಕ್‌ಬೊಳಕ್ ಕಲೆ-ಕ್ರೀಡೆ - ಸಾಹಿತ್ಯ ಅಕಾಡೆಮಿ ಕಳೆದ ಮೂರು ವರ್ಷಗಳಿಂದ ಸಾರ್ವತ್ರಿಕವಾಗಿ ಆಚರಿಸಕೊಂಡು ಬರುತ್ತಿದೆ. ಇದೀಗ ನಾಲ್ಕನೇ ವರ್ಷದ ವಾಲಗತಾಟ್ ನಮ್ಮೆ ತಾ. ೨೧ರಂದು ಹುದಿಕೇರಿಯಲ್ಲಿ ಹುದಿಕೇರಿ ಕೊಡವ ಸಮಾಜದ ಸಹಕಾರದೊಂದಿಗೆ ನಡೆಯಲಿದೆ ಎಂದು ಸಂಚಾಲಕ ಮುಲ್ಲೇಂಗಡ ಮಧೋಶ್ ಪೂವಯ್ಯ ತಿಳಿಸಿದ್ದಾರೆ. ಈ ಬಗ್ಗೆ ಮಾಹಿತಿ ನೀಡಿರುವ ಅವರು ಕೊಡವ ಸಾಂಪ್ರದಾಯಿಕ ವಾಲಗತಾಟ್ ಅನ್ನು ಪೋಷಿಸಿ ಬೆಳೆಸುವ ನಿಟ್ಟಿನಲ್ಲಿ ಕಳೆದ ನಾಲ್ಕು ವರ್ಷಗಳಿಂದ ವೀರಾಜಪೇಟೆಯ ತೂಕ್‌ಬೊಳಕ್ ಕಲೆ, ಕ್ರೀಡೆ, ಸಾಹಿತ್ಯ ಅಕಾಡೆಮಿ ವಾಲಗತಾಟ್ ನಮ್ಮೆ ಎಂಬ ವಿನೂತನ ಪೈಪೋಟಿ ಕಾರ್ಯಕ್ರಮ ನಡೆಸುತ್ತಿದೆ. ಈ ಬಾರಿ ಹುದಿಕೇರಿ ಕೊಡವ ಸಮಾಜದ ಸಹಕಾರದಲ್ಲಿ ವಿಜೃಂಭಣೆಯಿAದ ವಾಲಗತಾಟ್ ನಮ್ಮೆಯನ್ನು ಆಚರಿಸಲು ನಿರ್ಧರಿಸಿದ್ದು ಪುರುಷರು, ಮಹಿಳೆಯರು, ಮಕ್ಕಳು ಎಂದು ೧೬ ವಿಭಾಗದಲ್ಲಿ ಪೈಪೋಟಿಯನ್ನು ನಡೆಸಲಾಗುತ್ತದೆ, ಚಿಕ್ಕ ಮಕ್ಕಳಲ್ಲಿನ ಪ್ರತಿಭೆಯನ್ನು ಹೊರತರುವ ನಿಟ್ಟಿನಲ್ಲಿ ಹಾಗೂ ಕೊಡವ ವಾಲಗತಾಟ್ ಅನ್ನು ಒಂದು ಹಬ್ಬವಾಗಿ ಆಚರಿಸುವ ನಿಟ್ಟಿನಲ್ಲಿ ಕಳೆದ ಮೂರು ವರ್ಷಗಳಿಂದ ಸಂಸ್ಥೆ ವಾಲಗತಾಟ್ ನಮ್ಮೆಯನ್ನು ಆಯೋಜಿ ಸಿಕೊಂಡು ಬರುತ್ತಿದೆ ಎಂದರು. ಚಿಕ್ಕ ಮಕ್ಕಳಿಂದ ಹಿಡಿದು ಹಿರಿಯ ನಾಗರಿಕರವರೆಗೆ ಪೈಪೋಟಿ ನಡೆಯಲಿದ್ದು, ಹುದಿಕೇರಿಯಲ್ಲಿ ನಡೆಯುವ ಕೊಡವ ವಾಲಗತಾಟ್ ನಮ್ಮೆಗೆ ಹೆಚ್ಚಿನ ಜನರು ಆಗಮಿಸಬೇಕು ಎಂದು ಅವರು ಕೇಳಿಕೊಂಡಿ ದ್ದಾರೆ.

ಪೈಪೋಟಿ ವಿಭಾಗ: ಚಿಕ್ಕ ಮಕ್ಕಳಿಂದ ೧ನೇ ತರಗತಿ, ೨ನೇ ತರಗತಿಯಿಂದ ೪ನೇ ತರಗತಿ, ೫ನೇ ತರಗತಿಯಿಂದ ೭ನೇ ತರಗತಿ, ೮ನೇ ತರಗತಿಯಿಂದ ೧೦ನೇ ತರಗತಿ, ಪ್ರಥಮ ಪಿಯುಸಿ ಮತ್ತು ದ್ವಿತೀಯ ಪಿಯುಸಿ, ಪದವಿ, ಸಾರ್ವಜನಿಕರು, ಹಿರಿಯ ನಾಗರಿಕರು ಹೀಗೆ ಪುರುಷರು ಮಹಿಳೆಯರು ಎಂದು ಪ್ರತ್ಯೇಕವಾಗಿ ೧೬ ವಿಭಾಗಗಳಲ್ಲಿ ಈ ಸ್ಪರ್ಧೆ ನಡೆಯಲಿದೆ ಎಂದು ತಿಳಿದ್ದಾರೆ. ಆಸಕ್ತರು ಡಿಸೆಂಬರ್ ೧೫ರ ಒಳಗೆ ತಮ್ಮ ಹೆಸರನ್ನು ವಿರಾಜಪೇಟೆ ಮೂರ್ನಾಡು ರಸ್ತೆಯಲ್ಲಿರುವ ತೂಕ್‌ಬೊಳಕ್ ಪತ್ರಿಕೆ ಕಾರ್ಯಾಲಯ ಅಥವಾ ಈ ಕೆಳಗಿನ ಮೊಬೈಲ್ ಸಂಖ್ಯೆಯಲ್ಲಿ ನೋಂದಾಯಿಸಬಹುದು.

ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಿ ೯೪೮೦೫೫೬೬೬೭, ೯೪೮೦೯೦೫೭೫೬.