ಚೆಟ್ಟಳ್ಳಿ, ಆ. ೧೦: ಇಲ್ಲಿನ ಅವರ್ ಕ್ಲಬ್ ವತಿಯಿಂದ ಕಕ್ಕಡ-೧೮ ಸಂಭ್ರಮಾಚರಣೆ ಚೆಟ್ಟಳ್ಳಿಯಲ್ಲಿ ನಡೆಯಿತು.

ಮಹಿಳೆಯರು ಕಕ್ಕಡ ಪಾಯಸ, ಮದ್ದ್ ಪುಟ್ಟ್, ಹಂದಿ ಮಾಂಸದ ಸಾರು, ಪತ್ರೊಡೆ, ಏಡಿ ಸಾರು, ನಾಟಿ ಕೋಳಿ ಸಾರು, ಹಲಸಿನ ಬೀಜದ ಚಟ್ನಿ, ಅಕ್ಕಿರೊಟ್ಟಿ, ಕಣಿಲೆ ಸಾರು, ಹೀಗೆ ಹಲವು ಬಗೆಯ ಖಾದ್ಯಗಳ ತಯಾರಿಸಿ ಪ್ರದರ್ಶಿಸಿದರು.

ಕೊಡಗಿನ ಗ್ರಾಮೀಣ ಸೊಬಗಿನ ಚಿತ್ರಣದ ಸೌದೆ ಒಲೆಯ ಅಡುಗೆಯ ಸಂಪ್ರದಾಯ, ಕಕ್ಕಡ ದಿನ ವಿಶೇಷದ ಮಹಿಳೆಯರ ಲಾವಣಿ ಹಾಡುಗಳು, ಕ್ರೀಡೆಗಳು ಹೀಗೆ ಹಲವು ಬಗೆಯ ಕಾರ್ಯಕ್ರಮ ಅಕಷÀðಣೆಯಾಗಿತ್ತು.

ಅಧ್ಯಕ್ಷೆ ಮುಳ್ಳಂಡ ಶೋಭಾ ಚಂಗಪ್ಪ ಮಾತನಾಡಿ, ಕ್ಲಬ್ ವತಿಯಿಂದ ಕೊಡಗಿನ ಸಾಂಪ್ರದಾಯಿಕ ಆಚರಣೆಯನ್ನು ಈ ಬಾರಿ ವಿಶೇಷವಾಗಿ ಆಚರಿಸಲಾಗುತ್ತಿದೆ ಎಂದರು.

ಮುಳ್ಳಂಡ ಮಾಯಮ್ಮ ತಮ್ಮಯ್ಯ ಪ್ರಾರ್ಥಿಸಿ, ಶೋಭಾ ಚಂಗಪ್ಪ ಸ್ವಾಗತಿಸಿ, ಕೆಚ್ಚೆಟೀರ ಕಾರ್ಯಪ್ಪ ನಿರೂಪಿಸಿದರು. ಕಕ್ಕಡ ಖಾದ್ಯಗಳ ತಯಾರಿಕೆ ಹಾಗೂ ಉತ್ತಮ್ಮ ಪ್ರದರ್ಶನಾ ತಂಡಕ್ಕೆ ಬಹುಮಾನ ವಿತರಿಸಲಾಯಿತು. ಪಳಂಗAಡ ಕಮಲ ಸುಬ್ಬಯ್ಯ, ಕೋಡಿಮಣಿಯಂಡ ಪದ್ಮಿನಿ ಪೂವಣ್ಣ, ಚೆಟ್ರಂಡ ವಸಂತಿ ತೀರ್ಪು ಗಾರರಾಗಿ ಕಾರ್ಯನಿರ್ವಹಿಸಿದರು.