ಮಡಿಕೇರಿ, ಜು. ೯: ಹದವಾದ ನೆರಳಿನಲ್ಲಿ ಬೆಳೆಯುವ ಕೊಡಗಿನ ‘ಷೇಡ್ ಕಾಫಿ’ಯ ಸುವಾಸನೆ ಮತ್ತು ಸ್ವಾಧವನ್ನು ವಿಶ್ವ ಸ್ತರದಲ್ಲಿ ಪರಿಚಯಿಸುವ ವ್ಯಾಪಕ ಪ್ರಯತ್ನಗಳಿಂದು ನಡೆಯುತ್ತಿವೆ. ಇದರ ಭಾಗವಾಗಿ ಕೊಡಗಿನ ಕಾಫಿಗೆ ದೂರದ ಆಸ್ಟೆçÃಲಿಯಾದಲ್ಲಿ ಮಾರುಕಟ್ಟೆಯನ್ನು ದೊರಕಿಸಿಕೊಳ್ಳುವ ಚಿಂತನೆಯೊAದಿಗೆ ಆಸ್ಟೆçÃಲಿಯಾದ ಬೆಂಗಳೂರಿನಲ್ಲಿರುವ ಡೆಪ್ಯೂಟಿ ಕೌನ್ಸಿಲ್ ಜನರಲ್‌ರಿಗೆ ಸ್ಥಳೀಯ ಕಾಫಿಯನ್ನು ಪರಿಚಯಿಸುವ ವಿನೂತನ ಕಾರ್ಯಕ್ರಮ ಮಡಿಕೇರಿಯಲ್ಲಿ ನಡೆಯಿತು.

ಬಯೋಟ ಕೂರ್ಗ್ ಫಾರ್ಮಿಂಗ್ ಪ್ರೊಡ್ಯೂಸರ್ ಕಂಪೆನಿಯಿAದ ಕಾಫಿ ಕಪ್ ಟೇಸ್ಟ್ ಮತ್ತು ಸಂವಾದ ಕಾರ್ಯಕ್ರಮ ನಡೆಯಿತು.

ಬಯೋಟ ಕೂರ್ಗ್ ಫಾರ್ಮರ್ ಪ್ರೊಡ್ಯೂÃಸರ್ ಕಂಪೆನಿ ಎನ್ನುವುದು ಜಿಲ್ಲೆಯ ಸುಮಾರು ೧೨೦ ಕಾಫಿ ಬೆಳೆಗಾರರನ್ನು ಒಳಗೊಂಡ ಸಂಘಟನೆ. ಇದರ ಪದಾಧಿಕಾರಿಗಳು ಮತ್ತು ಸದಸ್ಯರು ತಮ್ಮ ತೋಟಗಳಲ್ಲಿ ಬೆಳೆದ ಷೇಡ್ ರೋಬಸ್ಟಾ ಮತ್ತು ಅರೇಬಿಕಾ ಕಾಫಿಯ ಸ್ವಾದವನ್ನು ಆಸ್ಟೆçÃಲಿಯಾದ ಡೆಪ್ಯೂಟಿ ಕೌನ್ಸಿಲ್ ಜನರಲ್ ಸ್ಟೀವನ್ ಕನೋಲಿ ಮತ್ತು ಸ್ಟೆಫಿ ಚೆರಿಯನ್ ಅವರಿಗೆ ಪರಿಚಯಿಸಿದ್ದು ವಿಶೇಷ, ಟೇಬಲ್‌ನಲ್ಲಿ ಅಂದವಾಗಿ ಜೋಡಿಸಿದ್ದ ಹನ್ನೆರಡು ಕಪ್‌ಗಳಲ್ಲಿನ ವಿವಿಧ ಸ್ವಾದ ಮತ್ತು ಸುವಾಸನೆಯ ಕಾಫಿ ಪುಡಿಯ ಪರಿಮಳವನ್ನು ಮೊದಲು ಪರಿಚಯಿಸಲಾಯಿತಾದರೆ, ಬಳಿಕ ಅದರ ಸ್ವಾದವನ್ನು ಸವಿಯುವ ಅವಕಾಶವನ್ನು ಕಲ್ಪಿಸಲಾಗಿತ್ತು.

ಬಯೋಟ ಸಂಸ್ಥೆಯ ಸಿಇಒ ಕೆ.ಕೆ. ವಿಶ್ವನಾಥ್ ಅವರು ಹೇಳುವಂತೆ, ಆಸ್ಟೆçÃಲಿಯಾವು ಕಾಫಿಯನ್ನು ಮೊದಲಿನಿಂದಲು ಬಳಸುತ್ತಿದೆ. ಆದರೆ, ಇದನ್ನು ಬ್ರಿಟನ್ ಮೊದಲಾದ ಮಾರುಕಟ್ಟೆಗಳಿಂದ ಅದು ಪಡೆಯುತ್ತಿತ್ತು. ಇದೀಗ ನೇರವಾಗಿ ವಿಶ್ವದ ಮತ್ತೆಲ್ಲೂ ಕಾಣದ ಕೊಡಗಿನ ಷೇಡ್ ಕಾಫಿಯನ್ನು ಆಸ್ಟೆçÃಲಿಯಾದ ಬೆಂಗಳೂರಿನಲ್ಲಿರುವ ಡೆಪ್ಯೂಟಿ ಕೌನ್ಸಿಲ್ ಜನರಲ್‌ರಿಗೆ ಪರಿಚಯಿಸಲಾಗಿದೆ. ಇವರ ಮೂಲಕ ಆಸ್ಟೆçÃಲಿಯಾದ ಕಾಫಿ ಉದ್ಯಮಿಗಳ ಸಂಪರ್ಕವನ್ನು ಸಾಧಿಸುವ ಮೂಲಕ, ‘ಕೊಡಗಿನ ಕಾಫಿ'ಗೆ ಮಾರುಕಟ್ಟೆಯನ್ನು ಕಂಡುಕೊಳ್ಳ್ಳುವ ಪ್ರಯತ್ನ ಇದಾಗಿದೆ ಎಂದು ವಿವರಿಸಿದರು.

ಗುಣಮಟ್ಟದ ಕಾಫಿಯನ್ನು ಉತ್ಪಾದಿಸುತ್ತಿದ್ದರೂ ಏಕಾಂಗಿಯಾಗಿ ಆಸ್ಟೆçÃಲಿಯಾದಲ್ಲಿ ಕಾಫಿ ವಹಿವಾಟನ್ನು ನಡೆಸುವುದು ಕಷ್ಟಸಾಧ್ಯ. ಈ ಹಿನ್ನೆಲೆ ‘ಸಂಪರ್ಕ ಸೇತು’ವಾಗಿ, ಅಲ್ಲಿನ ಕಾಫಿ ವಹಿವಾಟುದಾರರೊಂದಿಗೆ ಸಂಪರ್ಕ ಸಾಧಿಸಲು ಅವಕಾಶ ಮಾಡಿಕೊಡುವಂತೆ ಬಯೋಟ ಸಂಸ್ಥೆಯ ಪ್ರಮುಖರು ಡೆಪ್ಯೂಟಿ ಕೌನ್ಸಿಲ್ ಅವರ ಬಳಿ ಸಂವಾದದ ಸಂದರ್ಭ ವಿನಂತಿಸಿಕೊAಡರು.

ಕೊಡಗಿನ ವಿಶಿಷ್ಟ ಕಾಫಿ ‘ಕಪ್ ಟೇಸ್ಟಿಂಗ್’ಗೆ ವರ್ಚುವಲ್‌ನಲ್ಲಿ ಅವಕಾಶ ಕಲ್ಪಿಸಿದಲ್ಲಿ, ಅದಕ್ಕೆ ಪೂರ್ವಭಾವಿಯಾಗಿ ಕಾಫಿ ಸ್ಯಾಂಪಲ್‌ಗಳನ್ನು ಒದಗಿಸುವುದಾಗಿಯೂ ಬಯೋಟ ಪ್ರಮುಖರು ಸಭೆಯಲ್ಲಿ ತಿಳಿಸಿದರಲ್ಲದೆ, ‘ಕೊಡಗು ಕಾಪಿ’ಯನ್ನು ಆಸ್ಟೆçÃಲಿಯಾದಲ್ಲಿ ಪ್ರಚುರ ಪಡಿಸುವುದಕ್ಕೆ ಮತ್ತು ಮಾರುಕಟ್ಟೆಗೆ ಒಳಪಡಿಸುವುದಕ್ಕೆ ಪೂರಕವಾದ ವ್ಯವಸ್ಥೆಯನ್ನು ರೂಪಿಸಿಕೊಡುವಂತೆ ಇದೇ ಸಂದರ್ಭ ಮನವಿ ಮಾಡಿದರು.

ಆಸ್ಟೆçÃಲಿಯಾದಲ್ಲಿ ನಡೆಯುವ ಕಾಫಿ ಮಾರುಕಟ್ಟೆಯ ಕಾರ್ಯಕ್ರಮಗಳು, ಪ್ರದರ್ಶನಗಳಲ್ಲಿ ಪಾಲ್ಗೊಳ್ಳಲು ಅಗತ್ಯ ಅವಕಾಶ ಮತ್ತು ಮಾರ್ಗದರ್ಶನ ನೀಡಿದಲ್ಲಿ ಕೊಡಗಿನ ಅತ್ಯುತ್ಕೃಷ್ಟ ಕಾಫಿಯ ಹೆಜ್ಜೆ ಗುರುತುಗಳನ್ನು ಆಸ್ಟೆçÃಲಿಯಾದಲ್ಲಿ ಮೂಡಿಸಲು ಸಾಧ್ಯವೆನ್ನುವ ಆಶಾಭಾವನೆಯನ್ನು ಇದೇ ಸಂದರ್ಭ ಬಯೋಟ ಪದಾಧಿಕಾರಿಗಳು ವ್ಯಕ್ತಪಡಿಸಿದರು.

ಕಾರ್ಯಕ್ರಮದಲ್ಲಿ ಕಂಪೆನಿಯ ನಿರ್ದೇಶಕರು, ಸದಸ್ಯರು ಪಾಲ್ಗೊಂಡಿದ್ದರು. ಆಸ್ಟೆçÃಲಿಯಾದ ನಿಯೋಗಕ್ಕೆ ಕೊಡಗಿನ ಕಾಫಿ ತೋಟಗಳನ್ನು ತೋರಿಸಿ, ಅಲ್ಲಿ ಷೇಡ್ ಕಾಫಿಯನ್ನು ಉತ್ಪಾದಿಸುವ ವಿಧಾನಗಳ ಬಗ್ಗೆ ಬಯೋಟ ಪದಾಧಿಕಾರಿಗಳು ಮಾಹಿತಿ ನೀಡಿದರು.