ಬೆಂಗಳೂರು, ಜು. ೧೩: ನಿರೀಕ್ಷಿತ ಎಲ್ ನಿನೊ ಚಂಡಮಾರುತದ ಕಾರಣದಿಂದಾಗಿ ಈ ವರ್ಷ ಕಾಫಿ ವಹಿವಾಟಿನ ಮೇಲೆ ಪ್ರತಿಕೂಲ ಪರಿಣಾಮ ಉಂಟಾಗಬಹುದೆAದು ಕಾಫಿ ತಜ್ಞರು ಹೇಳಿದ್ದಾರೆ. ಇದು ಪರಿಸ್ಥಿತಿಯನ್ನು ಉಲ್ಬಣಗೊಳಿಸಬಹುದು ಎಂಬ ಭಯದ ನಡುವೆ ಹೆಚ್ಚುತ್ತಿರುವ ಕಾಫಿ ಬೆಲೆ ಮತ್ತು ರೋಬಸ್ಟಾ ಕಾಫಿಯ ಕೊರತೆಯು ದೇಶದ ಕಾಫಿ ರಫ್ತಿಗೆ ಹೊಡೆತ ನೀಡಿದೆ.
ಕಳೆದ ಜೂನ್ ೩೦, ೨೦೨೩ ಕ್ಕೆ ಕೊನೆಗೊಂಡ ವರ್ಷ ಮೊದಲ
ಆರು ತಿಂಗಳಿನಲ್ಲಿ ದೇಶದ ಒಟ್ಟು ಕಾಫಿ ರಫ್ತು ೨,೧೮,೧೯೨ ಟನ್‌ಗಳಷ್ಟಾಗಿತ್ತು. ಇದು ಹಿಂದಿನ ವರ್ಷಕ್ಕೆ ಹೋಲಿಸಿದರೆ ಶೇಕಡಾ ೨ ರಷ್ಟು ಕುಸಿತ
ಎನ್ನಲಾಗಿದೆ. ರಫ್ತುದಾರರು ಮುಂದಿನ ತಿಂಗಳುಗಳಲ್ಲಿ ಈ ಕುಸಿತ
ಮತ್ತಷ್ಟು ಮುಂದುವರಿಯಲಿದೆ ಎಂದು ನಿರೀಕ್ಷಿಸುತಿದ್ದಾರೆ.
ಈಗಾಗಲೇ ರೋಬಸ್ಟಾ ಚೆರಿ ಕಾಫಿಯ ರಫ್ತಿನಲ್ಲಿ ೬ ತಿಂಗಳಿನಲ್ಲಿ
ಶೇಕಡಾ ೧೩ ಪ್ರತಿಶತದಷ್ಟು ಕುಸಿತ ಕಂಡಿದೆ.
ಭಾರತವು ತನ್ನ ಕಾಫಿ ಉತ್ಪಾದನೆಯ ಸುಮಾರು ೭೦ ಪ್ರತಿಶತವನ್ನು ರಫ್ತು ಮಾಡುತ್ತದೆ ಮತ್ತು ೨೦೨೨ ರಲ್ಲಿ ಉತ್ತಮ ಉತ್ಪಾದನೆ ಮತ್ತು ಬೇಡಿಕೆಯಿಂದಾಗಿ ಕಾಫಿ ರಫ್ತು ದಾಖಲೆಯ ೪ ಲಕ್ಷ ಟನ್‌ಗಳಿಗೆ ತಲುಪಿತ್ತು.
ಭಾರತದ ಕಾಫಿ ಉತ್ಪಾದನೆಯು ೭೦ ಪ್ರತಿಶತ ರೋಬಸ್ಟಾ ಮತ್ತು ೩೦ ಪ್ರತಿಶತ ಅರೇಬಿಕಾ ಆಗಿದೆ. ೨೦೨೨-೨೩ಕ್ಕೆ ದೇಶದ ರೋಬಸ್ಟಾ ಕಾಫಿ ಉತ್ಪಾದನೆಯು ಶೇಕಡಾ ೩೦ ರಷ್ಟು ಕುಸಿತ ದಾಖಲಿಸಿದ್ದು ೨,೫೯,೦೦೦ ಟನ್ ಗಳಿಗೆ ಸೀಮಿತಗೊಂಡಿದೆ ಎಂದು ಕಾಫಿ ಮಂಡಳಿಯ ಅಂದಾಜಿಸಿದೆ.
`ರೋಬಸ್ಟಾ ಕೀಟಗಳ ದಾಳಿಗೆ ನಿರೋಧಕವಾಗಿದೆ ಆದರೆ ಅದರ ಬೆಳವಣಿಗೆಯು ಮಾನ್ಸೂನ್ ಅನ್ನು ಅವಲಂಬಿಸಿರುತ್ತದೆ. ಅನಿಯಮಿತ ಮಳೆಯು ತಳಿಯ ಉತ್ಪಾದನೆಯನ್ನು ಕಡಿಮೆ ಮಾಡಲು ಕಾರಣವಾಗಿದೆ. ದೀರ್ಘವಾದ ಒಣಹವೆಗಳು ಮತ್ತು ಅಸಹಜವಾಗಿ ಹೆಚ್ಚಿನ ಮಳೆಯು ರೋಬಸ್ಟಾ ಉತ್ಪಾದನೆಯ ಮೇಲೆ ಪರಿಣಾಮ ಬೀರಿದೆ,'' ಎಂದು ಕಾಫಿ ಬೆಳೆಗಾರ ಮತ್ತು ಕರ್ನಾಟಕ ಪ್ಲಾಂಟರ್ಸ್ ಅಸೋಸಿಯೇಷನ್‌ನ ಮಾಜಿ ಅಧ್ಯಕ್ಷ ಎಂ ಬಿ ಗಣಪತಿ ಹೇಳುತ್ತಾರೆ. ದೇಶದ ಶೇಕಡಾ ೭೦ ರಷ್ಟು ಕಾಫಿಯು ಕರ್ನಾಟಕದಲ್ಲೇ ಉತ್ಪಾದನೆ ಆಗುತಿದ್ದು ಎರಡನೇ ಸ್ಥಾನದಲ್ಲಿ ಕೇರಳ ಇದೆ.
ಜೂನ್‌ನಲ್ಲಿ ಸಾಕಷ್ಟು ಮಳೆ ಮತ್ತು ದೀರ್ಘವಾದ ಬೇಸಿಗೆಯನ್ನು ಗಮನಿಸಿದರೆ, ಮುಂದಿನ ವರ್ಷದ ಬೆಳೆ ಮೇಲೂ
(ಮೊದಲ ಪುಟದಿಂದ) ಸಹ ಪರಿಣಾಮ ಬೀರುವ ಸಾಧ್ಯತೆಯಿದೆ, ಆದರೂ ಬೆಳೆಗಳ ಸ್ವರೂಪದ ಸ್ಪಷ್ಟ ಸೂಚನೆಯನ್ನು ಸೆಪ್ಟೆಂಬರ್ ನಂತರವೇ ಹೇಳಲು ಸಾದ್ಯ ಎಂದು ಗಣಪತಿ ಹೇಳುತ್ತಾರೆ.
ಮಾರುಕಟ್ಟೆಗೆ ಕಡಿಮೆ ಕಾಫಿಯ ಆಗಮನ ಮತ್ತು ಹೆಚ್ಚಿನ ಬೆಲೆಗಳು ರಫ್ತುದಾರರನ್ನು ಸಂದಿಗ್ಧತೆಗೆ ತಳ್ಳಿವೆ. ಪ್ರಸ್ತುತ ಬೆಲೆಯಲ್ಲಿ ಖರೀದಿಸಿದರೆ ಅದು ಹೆಚ್ಚಿನ ಲಾಭ ತಂದು ಕೊಡುವುದಿಲ್ಲ ಅಲ್ಲದೆ ಖರೀದಿಸಲು ಸಾಕಷ್ಟು ಕಾಫಿಯೂ ಲಭ್ಯವಿಲ್ಲ. ಹೆಚ್ಚಿನ ರಫ್ತುದಾರರು ಕಳೆದ ವರ್ಷದ ಕೊನೆಯಲ್ಲಿ ಕಾಫಿ ಬೆಲೆ ಕಡಿಮೆಯಾದಾಗ ಖರೀದಿದಾರ ರೊಂದಿಗೆ ಒಪ್ಪಂದ ಮಾಡಿ ಕೊಂಡಿದ್ದಾರೆ. ಭಾರತೀಯ ರೋಬಸ್ಟಾ ಕಾಫಿ ಬೆಲೆಗಳು ಕಳೆದ ವರ್ಷದಿಂದ ೩೦ ರಿಂದ ೪೦ ಪ್ರತಿಶತದಷ್ಟು ಜಿಗಿತವನ್ನು ಕಂಡಿವೆ. ಈಗ ರೋಬಸ್ಟಾ ಚೆರಿ ಕಾಫಿ ೫೦ ಕೆ.ಜಿ.ಗೆ ೬,೦೦೦ ರೂ.ಗಳ ಆಸುಪಾಸಿನಲ್ಲಿದೆ, ಇದು ಹಿಂದಿನ ತಿಂಗಳಿಗಿAತ ಸ್ವಲ್ಪ ಇಳಿಕೆಯಾಗಿದೆ.
ಜಾಗತಿಕ ರೋಬಸ್ಟಾ ಬೆಲೆಗಳು ಈ ವರ್ಷ ವಿಯೆಟ್ನಾಂ ಮತ್ತು ಇಂಡೋನೇಷ್ಯಾದಲ್ಲಿ ನಿರೀಕ್ಷಿತ ಬೆಳೆ ಕೊರತೆಯ ವರದಿಗಳ ಮೇಲೆ ಏರಿಕೆ ದಾಖಲಿಸಿವೆ., ವಿವಿಧ ಪ್ರಮುಖ ಉತ್ಪಾದಕರು. ಜಾಗತಿಕ ರೋಬಸ್ಟಾ ಫ್ಯೂಚರ್ಸ್ ಬೆಲೆಗಳು ಪ್ರತಿ ಟನ್‌ಗೆ ಸುಮಾರು ೨,೫೦೦ ರ ಪ್ರಸ್ತುತ ಮಟ್ಟಕ್ಕೆ ಇಳಿಯುವ ಮೊದಲು ಮೇ ಅಂತ್ಯದಲ್ಲಿ ಪ್ರತಿ ಟನ್‌ಗೆ ಸುಮಾರು $೨,೮೦೦ ರಂತೆ ೧೫ ವರ್ಷಗಳ ಗರಿಷ್ಠ ಮಟ್ಟವನ್ನು ತಲುಪಿದವು.
ದೇಶದ `ರಫ್ತು ನಿಧಾನಗತಿ ಯಲ್ಲಿದ್ದು, ಲಾಭದ ಮೇಲೂ ಪರಿಣಾಮ ಬೀರಿದೆ. ಕೆಲವು ತಿಂಗಳುಗಳ ನಂತರ ರಫ್ತುಗಳಲ್ಲಿ ಪ್ರಸ್ತುತ ಸಮಸ್ಯೆ ಪ್ರತಿಬಿಂಬಿಸಬಹುದು, ಏಕೆಂದರೆ ಸಾಮಾನ್ಯವಾಗಿ ರಫ್ತು ಒಪ್ಪಂದಗಳನ್ನು ಕಾರ್ಯಗತ ಗೊಳಿಸುವ ಆರು ತಿಂಗಳ ಮೊದಲೇ ಮಾಡಿಕೊಳ್ಳಲಾಗಿರುತ್ತದೆ ಎಂದು ಆಹಾರ ಉತ್ಪನ್ನಗಳ ಪೂರೈಕೆದಾರ ಅಲನಾ ಸನ್ಸ್ನ ಕಾಫಿ ವಿಭಾಗದ ಸಿಇಒ ರತ್ನಾಕರ್ ಮಿಶ್ರಾ ಹೇಳುತ್ತಾರೆ.
ಯುರೋಪ್ ದೇಶಗಳು ಭಾರ ತೀಯ ಹಸಿರು ಕಾಫಿಗೆ ಅತಿದೊಡ್ಡ ಮಾರುಕಟ್ಟೆಯಾಗಿವೆ ಮತ್ತು ಈ ವರ್ಷ ಹೆಚ್ಚಿನ ಖರೀದಿದಾರರು ಇತರ ದೇಶಗಳ ಅಗ್ಗದ ಕಾಫಿ ದರದಿಂದಾಗಿ ಅದನ್ನೇ ಖರೀದಿಸಲು ಒಲವು ತೋರುತ್ತಿದ್ದಾರೆ. ಭಾರತೀಯ ರೋಬಸ್ಟಾ ತನ್ನ ಉತ್ತಮ ಗುಣಮಟ್ಟ ಕ್ಕಾಗಿ ಯುರೋಪ್‌ನಲ್ಲಿ ಹೆಚ್ಚು ಜನಪ್ರಿಯತೆ ಮತ್ತು ಬೇಡಿಕೆ ಹೊಂದಿ ದ್ದರೂ ಕೋವಿಡ್ ನಂತರ, ಜನರು ದರದ ಕಡೆಗೆ ಹೆಚ್ಚು ಗಮನ ಹರಿಸು ತ್ತಿದ್ದಾರೆ ಎಂದು ಅವರು ಹೇಳಿದರು.
`ಖರೀದಿದಾರರು ನಾವು ಕಾಫಿ ಯನ್ನು ಕಡಿಮೆ ಬೆಲೆಗೆ ಮಾರಾಟ ಮಾಡಬೇಕೆಂದು ಬಯಸುತ್ತಾರೆ. ಇತರ ದೇಶಗಳಿಂದ ಬರುವ ಕಾಫಿ ಶೇ. ೧೦ರಷ್ಟು ಅಗ್ಗವಾಗಿದೆ,’’ ಎನ್ನುತ್ತಾರೆ ಕುಶಾಲನಗರದ ಎಸ್‌ಎಲ್‌ಎನ್ ಕಾಫಿಯ ನಿರ್ದೇಶಕ ಎನ್ ಸಾತ ಪ್ಪನ್. ಸಾಂಪ್ರದಾಯಿಕ ಕಾಫಿಗಿಂತ ಭಿನ್ನವಾಗಿ, ಭಾರತದ ಕಾಫಿ ರಫ್ತಿಗೆ ಹೊಡೆತ ಬಿದ್ದಿಲ್ಲ. ಹೆಚ್ಚು ರೋಬಸ್ಟಾ ಕಾಫಿಯನ್ನು ಬಳಸುವ ಅಗ್ಗದ ಇನ್‌ಸ್ಟಂಟ್ ಕಾಫಿಗೆ ಏಷ್ಯಾದ ಅನೇಕ ದೇಶಗಳು ಪ್ರಮುಖ ಮಾರುಕಟ್ಟೆ ಗಳಾಗಿವೆ ಎಂದು ಅವರು ಹೇಳಿದರು.
ಭಾರತವು ಯುರೋಪ್‌ನಲ್ಲಿ ತನ್ನ ಮಾರುಕಟ್ಟೆಯನ್ನು ಶಾಶ್ವತವಾಗಿ ಕಳೆದುಕೊಳ್ಳುವುದಿಲ್ಲ ಎಂದು ರತ್ನಾಕರ್ ಮಿಶ್ರಾ ಹೇಳಿದ್ದಾರೆ. ಈ ವರ್ಷ ರಫ್ತು ಕಡಿಮೆಯಾಗು ವುದರಿಂದ ಉತ್ತಮ ಕ್ಯಾರಿಓವರ್ ಸ್ಟಾಕ್ ಮುಂದಿನ ವರ್ಷ ಅಗ್ಗದ ದರದಲ್ಲಿ ಮಾರಾಟ ಮಾಡಲು ನಮಗೆ ಸಹಾಯ ಮಾಡುತ್ತದೆ,'' ಎಂದು ಅವರು ಗಮನಸೆಳೆದಿದ್ದಾರೆ.
ಆದರೆ ೨೦೨೩ ಭಾರತೀಯ ಕಾಫಿ ಉದ್ಯಮಕ್ಕೆ ಕಠಿಣ ವರ್ಷವಾಗಲಿದೆ ಏಕೆಂದರೆ ಮುಂಬರುವ ತಿಂಗಳು ಗಳಲ್ಲಿ ಅಸಮರ್ಪಕ ಲಭ್ಯತೆಯಿಂದಾಗಿ ರೋಬಸ್ಟಾ ಕಾಫಿಯ ಬೆಲೆಗಳು ಹೆಚ್ಚಾಗುವ ಸಾಧ್ಯತೆಯಿದೆ. ಮುಂದಿನ ರೋಬಸ್ಟಾ ಕೊಯ್ಲು ಮುಂದಿನ ವರ್ಷ ಜನವರಿಯೊಳಗೆ ನಡೆಯು ತ್ತದೆ. `ಆದರೆ ಸಾಮಾನ್ಯವಾಗಿ ಹೊಸ ದಾಗಿ ಕೊಯ್ಲು ಮಾಡಿದ ರೋಬಸ್ಟಾ ಹುರಿಯಲು ಒಳ್ಳೆಯದಲ್ಲ. ಗುಣಮಟ್ಟ ಉತ್ತಮವಾಗಲು ಎರಡು ತಿಂಗಳು ಇಡಬೇಕು. ಹಾಗಾಗಿ, ಮುಂದಿನ ವರ್ಷ ಏಪ್ರಿಲ್ ವೇಳೆಗೆ ಮಾತ್ರ ಹೆಚ್ಚಿನ ಸಂಖ್ಯೆಯಲ್ಲಿ ಬರುವ ನಿರೀಕ್ಷೆ ಇದೆ,’’ ಎನ್ನುತ್ತಾರೆ ಮಿಶ್ರಾ ಅವರು.
ಯುನೈಟೆಡ್ ಸ್ಟೇಟ್ಸ್ ಡಿಪಾ ರ್ಟ್ಮೆಂಟ್ ಆಫ್ ಅಗ್ರಿಕಲ್ಚರ್ (USಆಂ) ೨೦೨೩/೨೪ರ ವಿಶ್ವ ಕಾಫಿ ಉತ್ಪಾದ ನೆಯು ೪.೩ ಮಿಲಿಯನ್ ಚೀಲಗಳಿಂದ (೬೦ ಕಿಲೋ ಗ್ರಾಂಗಳು) ೧೭೪.೩ ಮಿಲಿಯನ್ ಚೀಲಗಳಿಗೆ ಏರುತ್ತದೆ ಎಂದು ಮುನ್ಸೂಚನೆ ನೀಡಿದೆ ಮತ್ತು ಬ್ರೆಜಿಲ್ ಮತ್ತು ವಿಯೆಟ್ನಾಂನಲ್ಲಿ ಹೆಚ್ಚಿನ ಉತ್ಪಾದನೆಯು ಇಂಡೋನೇ ಷ್ಯಾದಲ್ಲಿ ಕಡಿಮೆ ಉತ್ಪಾದನೆಯನ್ನು ಸರಿದೂಗಿಸುವ ನಿರೀಕ್ಷೆಯಿದೆ. ಆದರೆ ಜಾಗತಿಕ ಬಳಕೆಯು ದಾಖಲೆಯ ೧೭೦.೨ ಮಿಲಿಯನ್ ಚೀಲಗಳನ್ನೂ ಮೀರುವುದೆಂದು ನಿರೀಕ್ಷಿಸಲಾಗಿದೆ, ಇಷ್ಟೊಂದು ಕಾಫಿ ಬಳಕೆಯಾದರೂ ಹೆಚ್ಚುವರಿಯಾಗಿ ೩೧.೯ ಚೀಲ ಕಾಫಿಯು ಮಾರಾಟವಾಗದೆ ಉಳಿಯಲಿದೆ ಎನ್ನಲಾಗಿದೆ. ಅಮೇ ರಿಕ ಕೃಷಿ ಇಲಾಖೆಯ ಪ್ರಕಾರ ಪ್ರತಿ ಕೂಲ ಹವಾಮಾನದಿಂದಾಗಿ ಭಾರ ತದ ಕಾಫಿ ಉತ್ಪಾದನೆಯು ೬೦ ಕೆಜಿಗಳ ೪ ಮಿಲಿಯನ್ ಚೀಲಗಳಿಗೆ ಕುಸಿಯಲಿದೆ ಎಂದು ಹೇಳಿದೆ.ವಿಶ್ವದ ಅತೀ ದೊಡ್ಡ ರೋಬಸ್ಟಾ ಕಾಫಿ ಉತ್ಪಾದನಾ ದೇಶವಾಗಿರುವ ವಿಯಟ್ನಾಂ, ಇಂಡೋ ನೇಷ್ಯಾ ಮತ್ತು ಬ್ರೆಜಿಲ್ ನಲ್ಲೂ ಮುಂದಿನ ವರ್ಷ ಉತ್ಪಾದನೆ ಗಣನೀಯವಾಗಿ ಕುಸಿಯಲಿದೆ ಎಂದು ಹೇಳಿದೆ.