(ಕಾಯಪAಡ ಶಶಿ ಸೋಮಯ್ಯ)
ಮಡಿಕೇರಿ, ಸೆ. ೧೪: ಕೊಡವ ಸಂಸ್ಕೃತಿ-ಆಚಾರ ವಿಚಾರಗಳನ್ನು ಪ್ರತಿಬಿಂಬಿಸುವುದ ರೊಂದಿಗೆ ಕೊಡವರ ಇತಿಹಾಸ, ಭೂಮಿ, ಜೀವನ ಕಲೆ, ಅಪರೂಪದ ಪುರಾತನ ಬಳಕೆಯ ವಸ್ತುಗಳು ಸೇರಿದಂತೆ ಕ್ರೋಢೀಕೃತ ವಿಚಾರಧಾರೆಗಳನ್ನು ಒಳಗೊಂಡ ‘ಸಂದೂಕ’ ಎಂಬ ವರ್ಚುವಲ್ ಮ್ಯೂಸಿಯಂ (ವಸ್ತು ಸಂಗ್ರಹಾಲಯ) ಯೋಜನೆಯೊಂದು ಕಾರ್ಯರೂಪಕ್ಕೆ ಬರುತ್ತಿದೆ. ಇದೊಂದು ಹೊಸ ಪರಿಕಲ್ಪನೆಯಾಗಿದ್ದು, ಈ ನಿಟ್ಟಿನಲ್ಲಿ ಅಗತ್ಯ ಪ್ರಯತ್ನಗಳು ಆರಂಭಗೊAಡಿದ್ದು, ೨೦೨೩ರಲ್ಲಿ ಇದು ಕಾರ್ಯಾರಂಭಗೊಳ್ಳಲಿರುವ ನಿರೀಕ್ಷೆಯಿದೆ.
ಈ ವರ್ಚುವಲ್ ವಸ್ತು ಸಂಗ್ರಹಾಲಯವನ್ನು ಸೃಷ್ಟಿಸುವ ಯೋಜನೆಯನ್ನು ಇಂಡಿಯಾ ಫೌಂಡೇಷನ್ ಫಾರ್ ಆರ್ಟ್ಸ್ (ಐ.ಎಫ್.ಎ) ಸಂಸ್ಥೆ ಕೈಗೆತ್ತಿಕೊಂಡಿದೆ. ಕರ್ನಾಟಕ ರಾಜ್ಯದ, ಕೊಡಗಿನಲ್ಲಿರುವ ಕೊಡವರ ಶ್ರೀಮಂತ ಹಾಗೂ ಪ್ರವರ್ಧಮಾನದ ಪರಂಪರೆಗಳ ಕುರಿತಾದ ಅಂಶಗಳನ್ನು ಒಳಗೊಂಡ ಆನ್‌ಲೈನ್ ವೇದಿಕೆ ಇದಾಗಿದೆ. ಕೊಡವರ ಇತಿಹಾಸ, ಭೂಮಿ, ಜೀವನಕಲೆ, ಸಂಪ್ರದಾಯಗಳು, ಸಾಂಸ್ಕೃತಿಕತೆಯ ನೋಟಗಳನ್ನು ಇದು ಕಟ್ಟಿಕೊಡಲಿದೆ. ಇವೆಲ್ಲದರ ಕ್ರೋಢೀಕರಣದೊಂದಿಗೆ ಈ ವರ್ಚುವಲ್ ಮ್ಯೂಸಿಯಂ ಕಾರ್ಯನಿರ್ವಹಿಸಲಿದೆ.
ಈ ಪ್ರಾರಂಭಿಕ ಯೋಜನೆಯನ್ನು ಐ.ಎಫ್.ಎ. ಸಂಸ್ಥೆಯು ನಿರ್ವಹಿಸಲಿದ್ದು, ಇದಕ್ಕೆ ರೆಕೆರೋ ಇಂಡಿಯಾ ಪ್ರೆöÊವೇಟ್ ಲಿಮಿಟೆಡ್ ಸಂಸ್ಥೆ ಬೆಂಬಲ ನೀಡುತ್ತಿದೆ. ಈ ಯೋಜನೆಯ ತಂಡದಲ್ಲಿ ಅಜ್ಜೆಕ್ಟ್ ಸ್ಪೀಕ್‌ನ ಮೇಲ್ವಿಚಾರಕರು ಹಾಗೂ ಕಲಾ ಇತಿಹಾಸಕಾರರಾದ ಲೀನಾ ವಿನ್ಸೆಂಟ್, ಸಂಶೋಧಕರಾದ ಮೂಕೋಂಡ ನಿತಿನ್ ಕುಶಾಲಪ್ಪ, ‘ಸ್ವಿಚ್’ ಸಂಸ್ಥೆಯ ಸಂಸ್ಥಾಪಕರಾದ ಸೌರವ್ ರಾಯ್ ಹಾಗೂ ಉಪಾಸನಾರಾಯ್ ಅವರುಗಳಿದ್ದಾರೆ. ಈ ತಂಡಕ್ಕೆ ಗೌರವಾನ್ವಿತ ಸಲಹೆಗಾರರಾಗಿ ನಿವೃತ್ತ ಐ.ಎ.ಎಸ್. ಅಧಿಕಾರಿ ಕೊಡಗಿನವರೇ ಆದ ರತಿ ವಿನಯ್‌ಯೂ, ಸಿ.ಪಿ. ಬೆಳ್ಳಿಯಪ್ಪ ಹಾಗೂ ಹೇಮಂತ್ ಸತ್ಯನಾರಾಯಣ ಅವರುಗಳಿದ್ದಾರೆ.
ಸಮುದಾಯದ ಸದಸ್ಯರಿಂದ ಕೊಡುಗೆಗಳಿಗಾಗಿ ಕರೆ
೨೦೨೩ರಲ್ಲಿ ವಸ್ತು ಸಂಗ್ರಹಾಲಯವು ಪ್ರಾರಂಭಗೊಳ್ಳುವ ನಿರೀಕ್ಷೆ ಇದ್ದು, ವಸ್ತು ಸಂಗ್ರಹಾಲಯಕ್ಕೆ ಅಗತ್ಯವಾದ ಕಥೆಗಳು, ಚಿತ್ರಗಳು, ಹಾಡುಗಳು, ವಸ್ತುಗಳು, ನೆನಪುಗಳು ಮುಂತಾದವುಗಳನ್ನು ಸಾರ್ವಜನಿಕರಿಂದ ಸಂಗ್ರಹಿಸುವ ಸಲುವಾಗಿ ಮುಕ್ತ ಆಹ್ವಾನವನ್ನು ನೀಡಲಾಗಿದೆ.
‘ಸಂದೂಕ-ವಸ್ತು ಸಂಗ್ರಹಾಲಯ’ ಯೋಜನೆಯಲ್ಲಿ ಕೊಡವ ಸಂಸ್ಕೃತಿಯ ಭಾಗವಾದ ದಾಖಲೆಗಳನ್ನು ಹಾಗೂ ಸಂರಕ್ಷಿತ ಕಥೆಗಳನ್ನು ಸಮುದಾಯದಿಂದ ಹಾಗೂ ವೈಯಕ್ತಿಕ ನೆಲೆಗಳಿಂದ ಸಂಗ್ರಹಿಸಲಾಗುವುದು. ಈ ಪ್ರಕ್ರಿಯೆಯನ್ನು ಸಂಶೋಧನೆ ಹಾಗೂ ಸಾರ್ವಜನಿಕ ಕೊಡುಗೆಗಳ ಮುಖಾಂತರ ನಡೆಸಲಾಗುವುದು.
ವೆಬ್‌ಸೈಟಿನ ಬಳಕೆದಾರ-ಸ್ನೇಹಿಯಾಗಿರುವ ಸಲ್ಲಿಕೆ ಪುಟದಲ್ಲಿ ಯಾರು, ಎಲ್ಲಿಂದ ಬೇಕಾದರೂ ಕೊಡವ ಸಂಸ್ಕೃತಿಗೆ ಸಂಬAಧಿಸಿದ ಚಿತ್ರಗಳನ್ನು, ವೀಡಿಯೋಗಳನ್ನು ಅಥವಾ ಆಡಿಯೋ ಕ್ಲಿಪ್‌ಗಳನ್ನು ಅಪ್‌ಲೋಡ್ ಮಾಡಬಹುದು. ಇವುಗಳನ್ನು ನಿರ್ದಿಷ್ಟ ಆಯ್ಕೆ ಪ್ರಕ್ರಿಯೆ ವಿಧಾನದ ಮುಖಾಂತರ ವೆಬ್‌ಸೈಟ್‌ನಲ್ಲಿ ಸೇರಿಸಲಾಗುವುದು. ಓದುಗರು ತಮ್ಮ ಸಲ್ಲಿಕೆಗಳನ್ನು ಇಲ್ಲಿ ಸಲ್ಲಿಸಬಹುದು.
(ಮೊದಲ ಪುಟದಿಂದ) ಭಾರತವು ಪ್ರಾಯಶಃ ಪ್ರಪಂಚದಲ್ಲೇ ಅತ್ಯಂತ ಶ್ರೀಮಂತ ಅಮೂರ್ತ ಪರಂಪರೆಯ ಮತ್ತು ಅಗಾಧ ಸಾಂಸ್ಕೃತಿಕ ವೈವಿಧ್ಯತೆಯ ದೇಶವಾಗಿದೆ. ಆದರೆ ಮುಂದಿನ ಪೀಳಿಗೆಗಾಗಿ ಈ ಪರಂಪರೆಯ ಹೆಚ್ಚಿನದ್ದನ್ನು ದಾಖಲಿಸಲು ಸಾಧ್ಯವಾಗಿಲ್ಲ. ಹೊರ ಜಗತ್ತಿಗೆ ಹೆಚ್ಚು ಗೊತ್ತಿಲ್ಲದ ಸಮುದಾಯಗಳ ಇತಿಹಾಸ, ಅವುಗಳ ಮೂಲ ಮತ್ತು ಅನನ್ಯ ಸಾಂಸ್ಕೃತಿಕ ಆಚರಣೆಗಳ ಬಗ್ಗೆ ಆ ಸಮುದಾಯಗಳು ಕಣ್ಮರೆಯಾಗುವ ಮೊದಲೇ ಮುಂದಿನ ಪೀಳಿಗೆಗಾಗಿ ದಾಖಲಿಸಬೇಕಾಗಿದೆ.
‘ಸಂದೂಕ’ ಕೊಡವ ಪರಂಪರೆಯನ್ನು ದಾಖಲಿಸುವ ಅಂತಹದ್ದೊAದು ವರ್ಚುವಲ್ ವಸ್ತು ಸಂಗ್ರಹಾಲಯವಾಗಿದೆ. ಇದು ವಿಶ್ವದಾದ್ಯಂತ ಕೇವಲ ಎರಡು ಲಕ್ಷಕ್ಕೂ ಕಡಿಮೆ ಜನಸಂಖ್ಯೆ ಇರುವ ಕೊಡವ ಸಮುದಾಯದ ಸಂಸ್ಕೃತಿಯನ್ನು ದಾಖಲಿಸುತ್ತದೆ ಮತ್ತು ಸಂರಕ್ಷಿಸುತ್ತದೆ. ಇಂತಹ ವಸ್ತು ಸಂಗ್ರಹಾಲಯಗಳ ಉದ್ದೇಶ ಕೇವಲ ಸಂಸ್ಕೃತಿಗಳನ್ನು ಪ್ರಚಾರ ಮಾಡುವುದಷ್ಟೇ ಅಲ್ಲ. ಇದಕ್ಕೂ ಮಿಗಿಲಾಗಿ ಕೊಡವ ಯುವ ಪೀಳಿಗೆ ಹೊಸ ಉದ್ಯೋಗಗಳನ್ನು ಅರಸುತ್ತಾ ತಮ್ಮ ಮೂಲ ಪರಂಪರೆಯ ಕೊಂಡಿಗಳಿAದ ಬೇರ್ಪಟ್ಟಿದ್ದಾರೆ. ಈ ಪ್ರಯತ್ನದ ಮುಖಾಂತರ ಆ ಕೊಂಡಿಗಳನ್ನು ಬೆಸೆಯುವುದನ್ನು ಸಾಧ್ಯವಾಗಿಸುವುದು ಕೂಡ ಒಂದು ಉದ್ದೇಶವಾಗಿದೆ.
‘ಸಂದೂಕ’ ಯೋಜನೆಯು ಈ ಎರಡೂ ಉದ್ದೇಶಗಳನ್ನು ಈಡೇರಿಸುವುದು ಎಂಬುದು ಗಟ್ಟಿ ನಂಬಿಕೆಯಾಗಿದೆ. ವೈಯಕ್ತಿಕವಾಗಿ ನಾನು ಒಬ್ಬ ಕೊಡವನಾಗಿ ಇಂತಹ ವಸ್ತು ಸಂಗ್ರಹಾಲಯವೊAದನ್ನು ಸ್ಥಾಪಿಸುವ ನನ್ನ ಹಳೆಯ ಕನಸಿನ ಸಾಕಾರವಾಗಿದೆ ಎಂಬದಾಗಿ ರತಿ ವಿನಯ್ ಝಾ| ಸಲಹಾ ಸಮಿತಿ ಸದಸ್ಯರು, ಸಂದೂಕ ವಸ್ತು ಸಂಗ್ರಹಾಲಯ ಇವರು ಅಭಿಪ್ರಾಯಪಟ್ಟಿದ್ದಾರೆ.
ಈ ವಸ್ತು ಸಂಗ್ರಹಾಲಯವು ಇನ್ನೂ ಅಪರಿಚಿತವಾಗಿರುವ ಮತ್ತು ಪೂರ್ಣ ಪ್ರಮಾಣದಲ್ಲಿ ದಾಖಲಾಗಿಲ್ಲದ ಕೊಡವರ ಶ್ರೀಮಂತ ಪರಂಪರೆಯ ಸಂಪತ್ತನ್ನು ಹಂಚಿಕೊಳ್ಳಲು ಉಪಯೋಗವಾಗಲಿದೆ. ಕೋವಿಡ್ ಸಂಕಷ್ಟದ ಸಮಯದಲ್ಲಿ ಇಂತಹ ವರ್ಚುವಲ್ ವೇದಿಕೆಗಳ ಸಾಧ್ಯತೆಗಳನ್ನು ಹಾಗೂ ಸಾಮರ್ಥ್ಯಗಳನ್ನು ಅರಿತಿದ್ದೇವೆ. ಈ ವರ್ಚುವಲ್ ವೇದಿಕೆಗಳ ಮೂಲಕ ಸರಳವಾಗಿ ಜಗತ್ತನ್ನು ಮುಟ್ಟುವ ಅವಕಾಶವನ್ನು ಕೂಡ ಅರಿತಿದ್ದೇವೆ. ಈ ಆನ್‌ಲೈನ್ ವಸ್ತು ಸಂಗ್ರಹಾಲಯವು ಆ ಎಲ್ಲಾ ಕಲಿಕೆಗಳನ್ನು ಸ್ಫೂರ್ತಿಗಳನ್ನು ಬಳಸಿಕೊಂಡು ವೈವಿಧ್ಯಮಯ, ಶ್ರೀಮಂತ ಹಾಗೂ ಸೃಜನಶೀಲ ಸಾರ್ವಜನಿಕ ಅನುಭವಗಳನ್ನು ಕಟ್ಟಿಕೊಡುವ ಭರವಸೆ ನಮ್ಮದಾಗಿದೆ ಎಂದು ಅರುಂಧತಿ ಘೋಷ್, ಕಾರ್ಯನಿರ್ವಹಣಾ ನಿರ್ದೇಶಕರು, ಇಂಡಿಯಾ ಫೌಂಡೇಷನ್ ಫಾರ್ ದಿ ಆರ್ಟ್ಸ್ ಇವರು ಹೇಳುತ್ತಾರೆ. ಈಗಾಗಲೇ ಈ ನಿಟ್ಟಿನಲ್ಲಿ ಹಲವು ಪ್ರಯತ್ನಗಳು ನಡೆದಿದ್ದು, ಹಬ್ಬ ಹರಿದಿನಗಳು ಮತ್ತಿತರ ವಿಚಾರಧಾರೆಗಳ ದಾಖಲೀಕರಣವಾಗುತ್ತಿದೆ.