ಗೋಣಿಕೊಪ್ಪಲು, ಸೆ. ೯: ನಗರದ ೩ನೇ ವಿಭಾಗದ ಸರ್ವರ ದಸರಾ ಸಮಿತಿಯ ನೂತನ ಅಧ್ಯಕ್ಷರಾಗಿ ಟಿ.ಎನ್. ಗೋವಿಂದಪ್ಪ ಹಾಗೂ ಕಾರ್ಯಾಧ್ಯಕ್ಷರಾಗಿ ಹೆಚ್.ಆರ್. ಪರಶುರಾಮ್ ಅವಿರೋಧವಾಗಿ ಆಯ್ಕೆಯಾದರು. ಸಮಿತಿಯ ಆವರಣದಲ್ಲಿ ನಡೆದ ಸಭೆಯಲ್ಲಿ ಸರ್ವರ ದಸರಾ ಸಮಿತಿಯ ಕಳೆದ ಸಾಲಿನಲ್ಲಿ ಲೆಕ್ಕ ಪತ್ರ ಮಂಡನೆ ಮಾಡಲಾಯಿತು.

ಸಮಿತಿಯು ವರ್ಷಂಪ್ರತಿ ದಸರಾ ಉತ್ಸವದಲ್ಲಿ ಪಾಲ್ಗೊಂಡು ಸ್ಥಳೀಯ ಕಾರ್ಯಕ್ರಮದೊಂದಿಗೆ ದಶಮಂಟಪಗಳೊAದಿಗೆ ಪಾಲ್ಗೊಂಡು ಗಮನ ಸೆಳೆಯುತ್ತಿದ್ದ ಸರ್ವರ ದಸರಾ ಸಮಿತಿಯು ಈ ಬಾರಿ ಸ್ಥಳೀಯ ಕಾರ್ಯಕ್ರಮವನ್ನು ಆಯೋಜಿಸಲು ಸಭೆಯಲ್ಲಿ ತೀರ್ಮಾನಿಸಲಾಯಿತು.

ಸಮಿತಿಯ ಪ್ರ.ಕಾರ್ಯದರ್ಶಿಯಾಗಿ ಎಂ.ಬಿ. ಅನೀಶ್, ಖಜಾಂಚಿಯಾಗಿ ಎಂ. ಮಂಜುಳ, ಉಪಾಧ್ಯಕ್ಷರಾಗಿ ಮುರುಗ, ಸಹಕಾರ್ಯದರ್ಶಿಯಾಗಿ ಸಾಜೀರ್, ಸಲಹೆಗಾರರಾಗಿ ಮಂಜು, ಮಣಿ, ಖಾಲಿದ್ ಸೇರಿದಂತೆ ೧೦ ಮಂದಿಯನ್ನು ನಿರ್ದೇಶಕರನ್ನಾಗಿ ಆಯ್ಕೆ ಮಾಡಲಾಯಿತು.