ವೀರಾಜಪೇಟೆ, ಸೆ. ೯: ವೀರಾಜಪೇಟೆ ತಾಲೂಕು ಜೆಡಿಎಸ್ ಘಟಕ ಸಭೆ ಪ್ರವಾಸಿ ಮಂದಿರದಲ್ಲಿ ವೀರಾಜಪೇಟೆ ತಾಲೂಕು ಜೆಡಿಎಸ್ ಅಧ್ಯಕ್ಷ ಪಿ.ಎ. ಮಂಜುನಾಥ್ ಅವರ ಅಧ್ಯಕ್ಷತೆಯಲ್ಲಿ ಇತ್ತೀಚೆಗೆ ನಡೆಯಿತು.

ಸಭೆಯಲ್ಲಿ ತಾಲೂಕು ಪಂಚಾಯಿತಿ, ಜಿಲ್ಲಾ ಪಂಚಾಯಿತಿ ಹಾಗೂ ವಿಧಾನಸಭಾ ಚುನಾವಣೆಯ ವಿಚಾರವಾಗಿ ಚರ್ಚಿಸಲಾಯಿತು. ಮಾಜಿ ಮುಖ್ಯಮಂತ್ರಿ ಹೆಚ್.ಡಿ. ಕುಮಾರಸ್ವಾಮಿ ಅವರು ಮಾಡಿದ ಜನಪರ ಕಾರ್ಯಕ್ರಮಗಳನ್ನು ಕೊಡಗಿನ ಜನಸಾಮಾನ್ಯರಿಗೆ ತಿಳಿಸಲು ಸಭೆಯಲ್ಲಿ ತೀರ್ಮಾನಿಸಲಾಯಿತು.

ಜೆಡಿಎಸ್‌ನಿಂದ ಹಲವಾರು ಕಾರಣಗಳಿಂದ ಪಕ್ಷ ಬಿಟ್ಟು ಹೋದ ಹಾಗೂ ತಟಸ್ಥವಾಗಿರುವ ಹಿರಿಯರನ್ನು ಹಳೆಯ ಕಾರ್ಯಕರ್ತರನ್ನು ‘ಮರಳಿ ಗೂಡಿಗೆ’ ಎಂಬ ವಾಕ್ಯದೊಂದಿಗೆ ಪಕ್ಷಕ್ಕೆ ಬರ ಮಾಡಿಕೊಳ್ಳುವುದು, ಎರಡು ರಾಷ್ಟಿçÃಯ ಪಕ್ಷಗಳ ಆಮಿಷಕ್ಕೆ ಬಲಿಯಾಗದೆ ಜೆಡಿಎಸ್ ಪಕ್ಷ ಬಿಟ್ಟು ಹೋಗದಂತೆ ಕಾರ್ಯಕರ್ತರು ಹಾಗೂ ಮುಖಂಡರನ್ನು ಮನವೋಲಿಸುವುದರ ಬಗೆ ಚರ್ಚಿಸಲಾಯಿತು.

ಸಭೆಯಲ್ಲಿ ಜಿಲ್ಲಾ ಕಾರ್ಯಾಧ್ಯಕ್ಷ ಎಸ್.ಹೆಚ್. ಮತಿನ್, ವಿ.ಸಿ. ದೇವರಾಜ್, ಜಿಲ್ಲಾ ಪಂಚಾಯಿತಿ ಮಾಜಿ ಸದಸ್ಯ ಹೆಚ್.ಬಿ. ಗಣೇಶ್, ಜಿಲ್ಲಾ ಪರಿಶಿಷ್ಟ ಜಾತಿ ಪರಿಶಿಷ್ಟ ಪಂಗಡದ ಜಿಲ್ಲಾಧ್ಯಕ್ಷೆ ಹೆಚ್.ವಿ. ಜಯಮ್ಮ, ಹೆಚ್.ಎಸ್. ರಾಜೇಶ್, ಬಾಳೆಕುಟ್ಟಿರ ದಿನು, ಅಪ್ಪಡೇರವಂಡ ಸನ್ನು, ತಾಲೂಕು ಉಪಾಧ್ಯಕ್ಷ ಪಂದ್ಯAಡ ರವಿ ಮಾದಪ್ಪ, ತಾಲೂಕು ಖಜಾಂಚಿ ಸತ್ಯ ಪಾಣತ್ತಲೆ, ಅಲ್ಪಸಂಖ್ಯಾತ ಘಟಕದ ತಾಲೂಕು ಅಧ್ಯಕ್ಷ ಮಜೀದ್, ಯುವ ಘಟಕದ ಅಧ್ಯಕ್ಷ ಸೈಫುದ್ದೀನ್, ನೌಫಲ್ ನಗರ ಯುವ ಘಟಕದ ಅಧ್ಯಕ್ಷ ಹೆಚ್.ಆರ್. ಕಿಶೋರ್, ಕೆ.ಎಂ. ಆಶಿಕ್, ವೀರಾಜಪೇಟೆ ನಗರಾಧ್ಯಕ್ಷ ಯೋಗೀಶ್ ನಾಯ್ಡು ಸಾಮಾಜಿಕ ಜಾಲತಾಣದ ತಾಲೂಕು ಅಧ್ಯಕ್ಷ ಕುಯ್ಮಂಡ ರಾಕೇಶ್, ಬಿದ್ದಪ್ಪ, ಯುವ ಮುಖಂಡ ಚಿಲ್ಲವಂಡ ಗಣಪತಿ ಪಿ.ವೈ. ಸಂಶೋದ್ದೀನ್, ತಾಲೂಕು ಕಾರ್ಯದರ್ಶಿ ಹರ್ಷ ಟಿ.ಆರ್, ಅಶ್ರಫ್ ಅಲಿ ಹಾಜರಿದ್ದರು.