ಶನಿವಾರಸಂತೆ, ಸೆ. ೯: ಪಟ್ಟಣದ ಮುಖ್ಯರಸ್ತೆಯಿಂದ ಸುಳುಗಳಲೆ ಕಾಲೋನಿಯ ಹಿಂದೂ ರುದ್ರ ಭೂಮಿಗಾಗಿ ಮೂದರವಳ್ಳಿ ಗ್ರಾಮಕ್ಕೆ ಸೇರುವ ರಸ್ತೆ ಗುಂಡಿ - ಹೊಂಡಗಳಿAದ ಕೂಡಿದ್ದು, ಸಂಚಾರ ತ್ರಾಸದಾಯಕವಾಗಿದೆ. ದುರಸ್ತಿ ಕಾಣದ ಈ ರಸ್ತೆಯಲ್ಲೇ ಸುಪ್ರಜ ಗುರುಕುಲ ವಿದ್ಯಾ ಸಂಸ್ಥೆಯೂ ಇದ್ದು, ನಿತ್ಯ ನೂರಾರು ವಿದ್ಯಾರ್ಥಿಗಳು, ಉದ್ಯೋಗಸ್ಥರು, ಸಾರ್ವಜನಿಕರು ಹಾಗೂ ಪಟ್ಟಣದ ಇತರ ಶಾಲೆಗಳ ವಿದ್ಯಾರ್ಥಿಗಳು, ವಾಹನಗಳು ಪರದಾಡುತ್ತಲೇ ಸಾಗಬೇಕಾಗಿದೆ.

ದುಂಡಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಗೆ ಒಳಪಡುವ ಈ ರಸ್ತೆಯ ದುರಸ್ತಿಗಾಗಿ ಪಂಚಾಯಿತಿ ಆಡಳಿತ ಮಂಡಳಿ, ಪಿಡಿಓ ಹಾಗೂ ಶಾಸಕರಿಗೂ ಮನವಿ ಸಲ್ಲಿಸಲಾಗಿದೆ. ಸಂಬAಧಪಟ್ಟ ಅಧಿಕಾರಿಗಳಾದರೂ ಇತ್ತ ಗಮನ ಹರಿಸಿ ರಸ್ತೆಯ ಹೊಂಡ - ಗುಂಡಿ ಮುಚ್ಚಿಸಿ, ಡಾಂಬರೀಕರಣಗೊಳಿಸಿ, ವಿದ್ಯಾರ್ಥಿಗಳ, ಸಾರ್ವಜನಿಕರ ಓಡಾಟಕ್ಕೆ ಅನುಕೂಲ ಮಾಡಿಸಿಕೊಡಲಿ ಎಂದು ಸುಪ್ರಜ ಗುರುಕುಲ ವಿದ್ಯಾಸಂಸ್ಥೆಯ ಪ್ರಾಂಶುಪಾಲೆ ಡಿ. ಸುಜಲಾದೇವಿ ಆಗ್ರಹಿಸಿದ್ದಾರೆ.