ಮಡಿಕೇರಿ, ಸೆ. ೧೦: ಕೊಡವ ಕ್ರಿಯೇಷನ್ಸ್ ಸಂಗಡಿಗರ ಮೂಲಕ ತಾ. ೧೧ ರಂದು (ಇಂದು) ನೂತನ ಕೊಡವ ಆಲ್ಬಂ ಸಾಂಗ್ ಯೂಟ್ಯೂಬ್ ಚಾನೆಲ್‌ನಲ್ಲಿ ಬಿಡುಗಡೆಯಾಗಲಿದೆ.

‘ಕೊಡವ ನಾಡ್ ಮಣ್ಣ್ ಮನೆ ಮಾರತಿ... ಗುರುಕಾರೋಣನ ಮರ್‌ಕತಿ’ ಎಂಬ ಶೀರ್ಷಿಕೆಯಡಿ ನೂತನ ಆಲ್ಬಂ ಸಾಂಗ್ ಸಿದ್ಧಗೊಂಡಿದೆ. ಸಂಜೆ ೫ಕ್ಕೆ ಇದು ಬಿಡುಗಡೆಯಾಗಲಿದೆ.

ಬಹುತೇಕ ಹೊಸ ಕಲಾವಿದರು ಸೇರಿ ಈ ಪ್ರಯತ್ನ ನಡೆಸಿದ್ದಾರೆ. ಸಾಹಿತ್ಯ ಮತ್ರಂಡ ಹರ್ಷಿತ್ ಪೂವಯ್ಯ ಅವರದ್ದಾಗಿದ್ದು, ಕಡೇಮಾಡ ಗಣೇಶ್ (ಪುಟ್ಟ) ಹಾಗೂ ಬಟ್ಟಿಯಂಡ ಲಿಖಿತ ಸ್ವರ ನೀಡಿದ್ದಾರೆ. ಪುಟ್ಟಂಗಡ ದೀಕ್ಷಿತ್ ಅಯ್ಯಪ್ಪ ನಿರ್ದೇಶನದಲ್ಲಿ ಮದನ್ ಬೋಪಯ್ಯ ನಾಯಕಂಡ, ಸಚಿನ್ ಅಪ್ಪಯ್ಯ ಪೆಮ್ಮಂಡ, ಮತ್ರಂಡ ಹರ್ಷಿತ್ ಪೂವಯ್ಯ ಕೈಜೋಡಿಸಿದ್ದಾರೆ.

ಮಾಚಂಗಡ ಸಚಿನ್ ತಮ್ಮಯ್ಯ, ಸುಜಾ ಪೂಣಚ್ಚ, ಮಿಥೇಕ್ ಪೂಣಚ್ಚ ಕಲಾವಿದರಾಗಿದ್ದಾರೆ. ಶಾಯೆರಿ ಮುಕ್ಕಾಟಿರ ಮೂನಿ ನಾಣಯ್ಯ ಅವರದ್ದಾಗಿದ್ದು, ಮಾಚಿಮಾಡ ದೀಪ್ತಿ ದೇವಮ್ಮ ಕೂಡ ಸ್ವರ ನೀಡಿದ್ದಾರೆ. ವೀರಾಜಪೇಟೆಯ ಮೋಹನ್ ರಾಗ ಸ್ಟುಡಿಯೋದಲ್ಲಿ ರೆಕಾರ್ಡಿಂಗ್ ನಡೆಸಲಾಗಿದ್ದು, ಎರಿಯಲ್ ವೀಡಿಯೋ ಗ್ರಫಿ ಅರುಣ್ ರಾಜ್, ಎಡಿಟಿಂಗ್ ಸಂಕೇತ್ ಶಿವಪ್ಪ, ಕ್ಯಾಮರ ಜೀವನ್ ಕೊಂಬನ ಅವರದ್ದಾಗಿದೆ. ಕೊಟ್ಟಗೇರಿಯ ಮಾಚಂಗಡ ಐನ್‌ಮನೆಯಲ್ಲಿ ಶೂಟಿಂಗ್ ನಡೆಸಲಾಗಿದೆ.