ಪೊನ್ನಂಪೇಟೆ, ಏ. ೧೪: ಕೊಡಗು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಮಲಚಿರ ಅಯ್ಯಪ್ಪ, ಕಿತ್ತೂರು ರಾಣಿ ಚೆನ್ನಮ್ಮ ಪ್ರಶಸ್ತಿ ಪುರಸ್ಕೃತ ಮಲಚಿರ ಯಶೋಧ, ನಿವೃತ್ತ ಕ್ಯಾಪ್ಟನ್ ಮಲಚಿರ ತಮ್ಮಯ್ಯ ಹಾಗೂ ನಿವೃತ್ತ ಶಿಕ್ಷಕ ಮಲಚಿರ ಕರುಂಬಯ್ಯ ಅವರುಗಳನ್ನು ಮಲಚಿರ ಕುಟುಂಬದ ವತಿಯಿಂದ ಸನ್ಮಾನಿಸಲಾಯಿತು. ಮುಗುಟಗೇರಿಯ ಕುಟುಂಬದ ಗುರು ಕಾರೊಣ ಕೊಡುವ ಸಮಾರಂಭದಲ್ಲಿ ಸನ್ಮಾನ ಕಾರ್ಯಕ್ರಮ ಕೂಡ ಏರ್ಪಡಿಸಲಾಗಿದ್ದು, ಕಾರ್ಯಕ್ರಮದ ಮೊದಲಿಗೆ ಮನಿಲ್ ಅಪ್ಪಣ್ಣ ಪ್ರಾರ್ಥನೆ ನೆರವೇರಿಸಿದರು. ಕುಟುಂಬದ ಅಧ್ಯಕ್ಷ ಮಿಟ್ಟು ಬಿದ್ದಪ್ಪ ಸ್ವಾಗತಿಸಿದರು. ವಾರ್ಷಿಕ ವರದಿಯನ್ನು ಕಾರ್ಯದರ್ಶಿ ಅಶೋಕ ವಿವರಿಸಿದರು. ೧೦ನೇ ತರಗತಿಯಲ್ಲಿ ಅತ್ಯುತ್ತಮ ಅಂಕಗಳಿಸಿದ ಇಬ್ಬರು ವಿದ್ಯಾರ್ಥಿಗಳಿಗೆ ಬಹುಮಾನ ವಿತರಿಸಲಾಯಿತು.

ಕುಟುಂಬದ ಅಧ್ಯಕ್ಷ ಮಲಚಿರ ಮಿಟ್ಟು ಬಿದ್ದಪ್ಪ, ಕುಟುಂಬ ಸಮಿತಿ ನಿರ್ದೇಶಕರುಗಳಾದ ಅಶೋಕ, ಅಪ್ಪಣ್ಣ, ಜೀವನ್, ರಘು, ಲೋಕೇಶ್, ಸುಗು, ಗಣೇಶ್ ಸೇರಿದಂತೆ ಇತರರು ಈ ಸಂದರ್ಭ ಹಾಜರಿದ್ದರು. - ಶಿವಣ್ಣ