ಕಣಿವೆ, ಏ. ೧೪: ಕುಶಾಲನಗರ ತಾಲೂಕಿನ ನಂಜರಾಯಪಟ್ಟಣದಲ್ಲಿ ಗ್ರಾಮ ದೈವ ಶ್ರೀ ನಂಜುAಡೇಶ್ವರ ದೇವರ ವಾರ್ಷಿಕ ಪೂಜೋತ್ಸವ ಮಂಗಳವಾರ ಶ್ರದ್ಧಾಭಕ್ತಿಯಿಂದ ಜರುಗಿತು. ಸೋಮವಾರ ಸಂಜೆಯಿAದ ದೇವಾಲಯದಲ್ಲಿ ಇರುವ ವಿವಿಧ ದೇವತಾ ಮೂರ್ತಿಗಳಿಗೆ ಅಲಂಕಾರ ಸೇವೆಯು ದಿಂಡಗಾಡು ಬಸವಜ್ಯೋತಿ ಮಠದ ಅಪ್ಪಾಜಿ ಸ್ವಾಮಿಗಳ ನೇತೃತ್ವದಲ್ಲಿ ನಡೆಯಿತು.

ಮಂಗಳವಾರ ಮುಂಜಾನೆಯಿAದಲೇ ದೇವಾಲಯದಲ್ಲಿ ಪೂಜಾವಿಧಿಗಳು ಜರುಗಿದವು. ನಂತರ ಕಾವೇರಿ ನದಿಗೆ ದೇವತಾ ಮೂರ್ತಿಗಳನ್ನು ಕೊಂಡೊಯ್ದು ಗಂಗಾ ಸ್ನಾನ ಹಾಗೂ ಪೂಜೆಯೊಂದಿಗೆ ಮೆರವಣಿಗೆಯಲ್ಲಿ ಉತ್ಸವ ಮೂರ್ತಿಗಳನ್ನು ವೀರಭದ್ರ ನೃತ್ಯ ಹಾಗೂ ಮಂಗಳ ವಾದ್ಯಗಳೊಂದಿಗೆ ದೇವಾಲಯದ ಆವರಣಕ್ಕೆ ತರಲಾಯಿತು. ನಂತರ ದೇವಾಲಯದ ಆವರಣದಲ್ಲಿ ಕೋಡಿಮಠದ ಗಂಗಾಧರ ಶಾಸ್ತಿçಗಳ ನೇತೃತ್ವದಲ್ಲಿ ಕೆಂಡಕೊAಡದ ಪೂಜೆ ನಡೆದರೆ ದೇಗುಲದ ಒಳಗೆ ದೇಗುಲದ ಪ್ರಧಾನ ಅರ್ಚಕ ಅಣ್ಣಪ್ಪ ಅವರ ನೇತೃತ್ವದಲ್ಲಿ ಮಹಾರುದ್ರಾಭಿಷೇಕ ಹಾಗೂ ವಿವಿಧ ಪುಷ್ಪಗಳಿಂದ ದೇವತಾ ಮೂರ್ತಿಗಳನ್ನು ಅಲಂಕರಿಸಿ ತರಲಾಯಿತು. ನಂತರ ದೇವಾಲಯದ ಆವರಣದಲ್ಲಿ ಕೋಡಿಮಠದ ಗಂಗಾಧರ ಶಾಸ್ತಿçಗಳ ನೇತೃತ್ವದಲ್ಲಿ ಕೆಂಡಕೊAಡದ ಪೂಜೆ ನಡೆದರೆ ದೇಗುಲದ ಒಳಗೆ ದೇಗುಲದ ಪ್ರಧಾನ ಅರ್ಚಕ ಅಣ್ಣಪ್ಪ ಅವರ ನೇತೃತ್ವದಲ್ಲಿ ಮಹಾರುದ್ರಾಭಿಷೇಕ ಹಾಗೂ ವಿವಿಧ ಪುಷ್ಪಗಳಿಂದ ದೇವತಾ ಮೂರ್ತಿಗಳನ್ನು ಅಲಂಕರಿಸಿ ಮಹಾಪೂಜೆ ನಡೆಸಲಾಯಿತು. ಬಳಿಕ ಹರಕೆ ಹೊತ್ತ ಭಕ್ತರು ಬರಿಗಾಲಲ್ಲಿ ಕೆಂಡ ತುಳಿದು ದೇವರಿಗೆ ಹರಕೆ ಒಪ್ಪಿಸಿದರು. ಈ ಸಂದರ್ಭ ದೇವಾಲಯ ಸಮಿತಿ ಅಧ್ಯಕ್ಷ ಎನ್.ಕೆ. ಮೋಹನಕುಮಾರ್, ಉಪಾಧ್ಯಕ್ಷ ಕೆ.ಜಿ. ಲೋಕನಾಥ್, ಖಜಾಂಚಿ ಮುರುಳಿ ಮಾದಯ್ಯ, ಕಾರ್ಯದರ್ಶಿ ಕೆ.ವಿ. ಪ್ರೇಮಾನಂದ, ಸಹ ಕಾರ್ಯದರ್ಶಿ ಕೆ.ಎಸ್. ರತೀಶ್,ಪ್ರಮುಖರಾದ ಕೆ.ಸಿ. ಕಾರ್ಯಪ್ಪ, ಟಿ.ಕೆ. ರಘು, ಕೆ.ಪಿ. ಲೀಲಾವತಿ, ಬಿ.ಸಿ. ಕಾಳಯ್ಯ, ಆಶೀಶ್ ಅಪ್ಪಣ್ಣ ಮೊದಲಾದವರಿದ್ದರು. ಇದೇ ಸಂದರ್ಭ ಪೂಜೋತ್ಸವದಲ್ಲಿ ಊರಿನಿಂದ ಬೇರೆಡೆಗಳಿಗೆ ವಿವಾಹವಾಗಿ ತೆರಳಿದ್ದಂತಹ ಹೆಣ್ಣು ಮಕ್ಕಳು ಮಕ್ಕಳೊಂದಿಗೆ ಈ ಉತ್ಸವದಲ್ಲಿ ಭಾಗಿಯಾಗಿದ್ದು ವಿಶೇಷವಾಗಿತ್ತು.

ಪೂಜೋತ್ಸವದ ಅಂಗವಾಗಿ ದೇವಾಲಯವನ್ನು ಪುಷ್ಪಗಳಿಂದ ಅಲಂಕರಿಸಲಾಗಿತ್ತು. ನಂಜರಾಯ ಪಟ್ಟಣ ಸುತ್ತಲಿನ ಗಿರಿಜನ ಹಾಡಿಗಳಲ್ಲಿ ನೆಲೆಸಿರುವ ಗಿರಿಜನ ನಿವಾಸಿಗಳು ಮಹಿಳೆಯರು ಮಕ್ಕಳಾದಿಯಾಗಿ ಪೂಜೋತ್ಸವದಲ್ಲಿ ಪಾಲ್ಗೊಂಡು ದೇವತಾ ಉತ್ಸವದಲ್ಲಿ ಕುಣಿದು ಕುಪ್ಪಳಿಸಿದ್ದು ಕಂಡು ಬಂತು.

ನೆರೆದ ಭಕ್ತಗಣಕ್ಕೆ ದೇವಾಲಯ ಸಮಿತಿಯಿಂದ ಅನ್ನಸಂತರ್ಪಣೆ ಪ್ರಸಾದ ವ್ಯವಸ್ಥೆ ಕಲ್ಪಿಸಲಾಗಿತ್ತು.