ಗೋಣಿಕೊಪ್ಪಲು, ಏ. ೧೨ : ಬೇಸಿಗೆಯ ಸಮಯದಲ್ಲಿ ಸಹಜವಾಗಿ ಕೋಳಿ ಜ್ವರ ಹಾಗೂ ಕೊಕ್ಕರೆ ಕಾಯಿಲೆ ಕಾಣಿಸಿಕೊಳ್ಳುತ್ತವೆ ಎಂದು ಪಶು ವೈದ್ಯಾಧಿಕಾರಿಗಳಾದ ಡಾ.ಶಾಂತೇಶ್ ತಿಳಿಸಿದ್ದಾರೆ.

ಗೋಣಿಕೊಪ್ಪಲುವಿನ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಕೆಲವು ಕೋಳಿಗಳು ಅಸಹಜವಾಗಿ ಮೃತಪಟ್ಟ ಹಿನ್ನೆಲೆಯಲ್ಲಿ ಈ ಬಗ್ಗೆ ಮಾಹಿತಿ ಒದಗಿಸಿದ ಡಾ.ಶಾಂತೇಶ್, ಬಿಸಿಲಿನ ಒತ್ತಡವನ್ನು ತಡೆಯಲು ಶಕ್ತಿ ಇಲ್ಲದ ಕೋಳಿಗಳು ಮೃತಪಡುತ್ತವೆ.

ಇದರಿಂದಾಗಿ ಮಾನವನಿಗೆ ಯಾವುದೇ ರೋಗ ತಗುಲುವ ಅಪಾಯವಿಲ್ಲ, ರೋಗ ನಿರೋಧಕ ಶಕ್ತಿಯನ್ನು ಕಳೆದುಕೊಂಡ ಕೋಳಿ ಗಳು ಸಾವನ್ನಪ್ಪುತ್ತವೆ ಹೊರತುಪಡಿಸಿ ಗೂಡಿನಲ್ಲಿ ಸಾಕಿರುವ ಎಲ್ಲಾ ಕೋಳಿಗಳಿಗೆ ಈ ಖಾಯಿಲೆ ತಗುಲುವುದಿಲ್ಲ. ಹಾಗಾಗಿ ಭಯ ಪಡುವ ಅವಶ್ಯಕತೆ ಇಲ್ಲ ಎಂದು ಸ್ಪಷ್ಟ ಪಡಿಸಿದ ಇವರು, ಕೋಳಿ ಸಾಕಾಣಿಕೆ ಮಾಡುವವರು ಸಮಯಕ್ಕೆ ಸರಿಯಾಗಿ ಕೋಳಿಗಳಿಗೆ ಚುಚ್ಚುಮದ್ದು ಹಾಕಿಸಬೇಕು ಎಂದು ತಿಳಿಸಿದ್ದಾರೆ.