ಮುಳ್ಳೂರು, ಏ. ೧೦: ಆರೋಗ್ಯ ಇಲಾಖೆ ವತಿಯಿಂದ ಸಮೀಪದ ಶನಿವಾರಸಂತೆ ವಿಘ್ನೇಶ್ವರ ಗೋಲ್ಡನ್ ಸ್ಕೂಲ್‌ನಲ್ಲಿ ರಾಷ್ಟಿçÃಯ ಕಿಶೋರ್ ಸ್ವಾಸ್ಥö್ಯ ಕಾರ್ಯಕ್ರಮ ನಡೆಯಿತು.

ದಿನದ ಮಹತ್ವದ ಕುರಿತು ಆರೋಗ್ಯ ಇಲಾಖೆಯ ಆಪ್ತ ಸಮಾಲೋಚಕಿ ಶೈಲಜಾ ಮಾತನಾಡಿ, ಹದಿಹರೆಯದ ಮಕ್ಕಳ ದೈಹಿಕ ಬೆಳವಣಿಗೆ ಆಗುವ ಸಂದರ್ಭದಲ್ಲಿ ಮಾನಸಿಕವಾಗಿ ಗೊಂದಲವಾಗುತ್ತದೆ. ಹದಿಹರೆಯದವರು ತಮ್ಮ ದೇಹದಲ್ಲಿ ಆಗುತ್ತಿರುವ ಬದಲಾವಣೆ, ಮಾನಸಿಕ ಗೊಂದಲದ ಬಗ್ಗೆ ಮುನ್ನೆಚ್ಚರಿಕೆ ವಹಿಸಬೇಕು, ದೈಹಿಕ ಆರೋಗ್ಯದ ಬಗ್ಗೆಯೂ ಎಚ್ಚರವಹಿಸಬೇಕು ಈ ಸಮಸ್ಯೆ ಬಗ್ಗೆ ಪೋಷಕರಿಗೆ ತಿಳಿಸಬೇಕು. ಪೋಷಕರು ಸಹ ತಮ್ಮ ಹದಿಹರೆಯದ ಮಕ್ಕಳಲ್ಲಿ ಆಗುತ್ತಿರುವ ಮಾನಸಿಕ ಗೊಂದಲಗಳತ್ತ ಗಮನಹರಿಸುವಂತೆ ಸಲಹೆ ನೀಡಿದರು.

ಪ್ರೌಢಶಾಲಾ ವಿಭಾಗದ ಶಿಕ್ಷಕ ಕೆ.ಪಿ.ಜಯಕುಮಾರ್ ಹದಿಹರೆಯದವರ ಸಮಸ್ಯೆ ಮತ್ತು ಪರಿಹಾರದ ಕುರಿತು ಮಾತನಾಡಿದರು. ಕಾರ್ಯಕ್ರಮದಲ್ಲಿ ಆರೋಗ್ಯ ಅಧಿಕಾರಿ ಅನಿತಾ, ಇಲಾಖೆ ಸಿಬ್ಬಂದಿ ವಿದ್ಯಾ, ಗೋಲ್ಡನ್ ಸ್ಕೂಲ್ ಮುಖ್ಯ ಶಿಕ್ಷಕ ಷಣ್ಮುಖ, ದೈಹಿಕ ಶಿಕ್ಷಕಿ ಶಶಿಕಲಾ, ಕುಶಾಲ್ ಮುಂತಾದವರು ಹಾಜರಿದ್ದರು.