ವೀರಾಜಪೇಟೆ, ಏ. ೧೦: ಕೋವಿಡ್ ಕಾರಣದಿಂದಾಗಿ ನೆನೆಗುದ್ದಿಗೆ ಬಿದ್ದ ಹಲವು ಕಾಮಗಾರಿ ಗಳು ಮರು ಚಾಲನೆಗೊಂಡು ಇದೀಗ ಪೂರ್ಣಗೊಂಡು ಶಾಸಕರು ಸಾರ್ವಜನಿಕರ ಬಳಕೆಗೆ ಲೋಕಾರ್ಪಣೆ ಮಾಡಿದರು.

ವೀರಾಜಪೇಟೆ ಕೆದಮುಳ್ಳೂರು ಗಾಮ ಪಂಚಾಯಿತಿ ವ್ಯಾಪ್ತಿಯ ಕೊಣೇರಿರ ಕುಟುಂಬಸ್ಥರ ಐನ್‌ಮನೆಗೆ ಮತ್ತು ಶ್ರೀ ಭದ್ರಕಾಳಿ ದೇಗುಲಕ್ಕೆ ತೆರಳುವ ಡಾಂಬರೀಕರಣ ಗೊಂಡ ರಸ್ತೆ ಮತ್ತು ಬಿಟ್ಟಂಗಾಲ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಮುತ್ತಪ್ಪ ದೇಗುಲದ ಬಳಿಯ ಕಾಂಕ್ರೀಟ್ ರಸ್ತೆ ಮತ್ತು ಕಬ್ಬೇಬಾಣೆ ಭಗವತಿ ದೇಗುಲದ ತೆರಳುವ ಕಾಂಕ್ರೀಟ್ ರಸ್ತೆ ಲಿಂಕ್ ರಸ್ತೆಗೆ ಚಾಲನೆ ನೀಡಲಾಯಿತು.

ಮಾಧ್ಯಮ ಪ್ರತಿನಿಧಿಗಳೊಂದಿಗೆ ಮಾತನಾಡಿದ ಶಾಸಕರು ಕೊರೊನಾ ಸೊಂಕು ಹರಡುವ ಭೀತಿಯಿಂದಾಗಿ ಕಳೆದ ಎರಡು ವರ್ಷಗಳಲ್ಲಿ ಗ್ರಾಮಗಳ ಅಭಿವೃದ್ಧಿ ಕಾರ್ಯಕ್ರಮಗಳು ಕುಂಠಿತಗೊAಡಿತ್ತು. ಸರ್ಕಾರವು ಈ ಹಿಂದೆ ಬಿಡುಗಡೆಗೊಳಿಸಿದ ಅನುದಾನಗಳಲ್ಲಿ ಕೆದಮುಳ್ಳೂರು ಗ್ರಾಮದಲ್ಲಿ ಕೊಣೇರಿರ ಕುಟುಂಬದ ಐನ್‌ಮನೆ ಮತ್ತು ಭದ್ರಕಾಳಿ ದೇಗುಲಕ್ಕೆ ತೆರಳುವ ರಸ್ತೆಗಾಗಿ ಸುಮಾರು ರೂ. ೫ ಲಕ್ಷ ವೆಚ್ಚದಲ್ಲಿ ಡಾಂಬರೀಕರಣಗೊಳಿಸಲಾಗಿದೆ.

ಅಲ್ಲದೆ ಬಿಟ್ಟಂಗಾಲ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಹರಿಜನ ಕಾಲೋನಿ ಕಬ್ಬೇಬಾಣೆ ಗ್ರಾಮ ಮತ್ತು ಭಗವತಿ ದೇಗುಲದ ಲಿಂಕ್ ರಸ್ತೆಯು ದುಸ್ಥಿತಿಯಲ್ಲಿತ್ತು ಈ ರಸ್ತೆಯ ಅಭಿವೃದ್ಧಿಗಾಗಿ ಸುಮಾರು ೧೭ ಲಕ್ಷ ರೂಗಳ ವೆಚ್ಚದಲ್ಲಿ ಕಾಂಕ್ರೀಟ್ ರಸ್ತೆ ನಿರ್ಮಾಣ ಮತ್ತು ಮುತ್ತಪ್ಪ ದೇವಾ ಲಯದ ಬಳಿಯ ಮುಖ್ಯ ರಸ್ತೆಯನ್ನು ೫ ಲಕ್ಷ ವೆಚ್ಚದಲ್ಲಿ ಕಾಂಕ್ರೀಟ್ ರಸ್ತೆ ನಿರ್ಮಾಣವಾಗಿದ್ದು, ಲೋಕಾರ್ಪಣೆ ಮಾಡಲಾಗಿದೆ. ಗ್ರಾಮದಲ್ಲಿ ಅಭಿವೃದ್ದಿ ಕಾರ್ಯಗಳಿಗೆ ಸಾರ್ವಜನಿಕರು ಮತ್ತು ಜನಪತ್ರಿನಿಧಿಗಳು ಮುಂದಾಗಬೇಕು.

ಕಾರ್ಯಕ್ರಮದಲ್ಲಿ ಮಾಜಿ ಜಿಲ್ಲಾ ಪಂಚಾಯಿತಿ ಸದಸ್ಯರುಗಳಾದ ಶಶಿ ಸುಬ್ರಮಣಿ, ಅಚ್ಚಪಂಡ ಮಹೇಶ್ ಗಣಪತಿ, ಪ್ರಮುಖರಾದ ಪಟ್ರಪಂಡ ರಘು ನಾಣಯ್ಯ, ಮಧು ದೇವಯ್ಯ, ಕೆದಮುಳ್ಳೂರು ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಎನ್.ಎಂ. ಶೀಲಾ, ಸದಸ್ಯರಾದ ಪರಮೇಶ್ವರ ಎಂ.ಎA. ಇಸ್ಮಾಯಿಲ್, ಕೊಣೇರಿರ ಕುಟುಂಬದ ಕಾರ್ಯದರ್ಶಿ ಸಂಪಿ ಅಚ್ಚಯ್ಯ, ಬಿಟ್ಟಂಗಾಲ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಟಿ.ಅರ್. ರಶ್ಮಿ, ಪಿ.ಡಿ.ಓ. ಸುರೇಶ್ ಸದಸ್ಯರಾದ ಬಿ.ಎಂ. ರಮೇಶ್ (ರತನ್) ಟಿ.ಆರ್. ಶಾರದ, ಭಾ.ಜ.ಪ ಶಕ್ತಿ ಕೇಂದ್ರದ ಅಧ್ಯಕ್ಷ ಕಂಜಿತAಡ ಮಂದಣ್ಣ, ಕೊಣೇರಿರ ಕುಟುಂಬದ ಸದಸ್ಯರು ಗ್ರಾಮಸ್ಥರು ಭಾ.ಜ.ಪ. ಕಾರ್ಯಕರ್ತರು ಹಾಜರಿದ್ದರು.