*ಗೋಣಿಕೊಪ್ಪ, ಏ. ೧೦: ಪೊನ್ನಲತಂಡ ಕುಟುಂಬಸ್ಥರ ಆಯೋಜನೆಯಲ್ಲಿ ನಡೆಯಲಿರುವ ಕೊಡವ ಕೌಟುಂಬಿಕ ಹಗ್ಗಜಗ್ಗಾಟ ತಾ. ೨೩ ಹಾಗೂ ೨೪ ರಂದು ಕಕ್ಕಬ್ಬೆ ಪ್ರೌಢಶಾಲಾ ಮೈದಾನದಲ್ಲಿ ನಡೆಯಲಿದೆ ಎಂದು ಕ್ರೀಡಾ ಉತ್ಸವದ ಅಧ್ಯಕ್ಷ ಪೊನ್ನಲತಂಡ ಕಿರಣ್ ಪೊನ್ನಪ್ಪ ತಿಳಿಸಿದ್ದಾರೆ.

ಗೋಣಿಕೊಪ್ಪದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಅವರು, ಇದೇ ಪ್ರಥಮ ಬಾರಿ ಕೊಡವ ಕುಟುಂಬಗಳ ನಡುವೆ ಹಗ್ಗಜಗ್ಗಾಟದ ಪೈಪೋಟಿ ಕ್ರೀಡೆಯನ್ನು ನಡೆಸಲಾಗುತ್ತಿದ್ದು, ಆತಿಥ್ಯವನ್ನು ಪೊನ್ನಲತಂಡ ಕುಟುಂಬಸ್ಥರು ನಿಭಾಯಿಸುತ್ತಿದ್ದಾರೆ.

ಮುಂದಿನ ವರ್ಷಗಳಲ್ಲಿ ಹಾಕಿ, ಕ್ರಿಕೆಟ್ ಕ್ರೀಡೆಯಂತೆಯೇ ಕೊಡವ ಕುಟುಂಬಗಳ ನಡುವೆ ಹಗ್ಗಜಗ್ಗಾಟದ ಕ್ರೀಡಾ ಉತ್ಸವವನ್ನು ನಿರಂತರವಾಗಿ ನಡೆಸಲು ಚಿಂತನೆ ಹರಿಸಲಾಗಿದೆ.

೨೦೨೨ನೇ ಸಾಲಿನಲ್ಲಿ ಹಗ್ಗಜಗ್ಗಾಟ ಕ್ರೀಡಾಕೂಟವನ್ನು ೨೦೨೩ರಲ್ಲಿ ಮತ್ತೊಂದು ಕುಟುಂಬ ನಡೆಸಲಿದೆ. ಆ ಕುಟುಂಬಕ್ಕೆ ಪೊನ್ನಲತಂಡ ಕುಟುಂಬಸ್ಥರು ಧ್ವಜ ಹಸ್ತಾಂತರಿಸಿ ಕ್ರೀಡಾ ಉತ್ಸವ ನಡೆಸಲು ಎಲ್ಲಾ ರೀತಿಯ ಸಹಕಾರವನ್ನು ನೀಡುವುದಾಗಿ ತಿಳಿಸಿದರು.

ಹಗ್ಗಜಗ್ಗಾಟ ಕ್ರೀಡೋತ್ಸವದಲ್ಲಿ ಬಹಳಷ್ಟು ತಂಡಗಳು ಭಾಗವಹಿಸುವ ನಿರೀಕ್ಷೆ ಹೊಂದಲಾಗಿದ್ದು, ಆಸಕ್ತ ತಂಡಗಳು ತಂಡದ ಹೆಸರನ್ನು ತಾ. ೧೫ ರೊಳಗೆ ನೋಂದಾಯಿಸಿಕೊಳ್ಳುವAತೆ ಮನವಿ ಮಾಡಿದರು.

ಗೋಷ್ಠಿಯಲ್ಲಿ ಪೊನ್ನಲತಂಡ ಶಿವಾಜಿ, ಪ್ರತಿನ್ ಮುತ್ತಣ್ಣ, ಕಾವೇರಪ್ಪ ಉಪಸ್ಥಿತರಿದ್ದರು.