ಬ್ರಾಹ್ಮಣ ಸಮಾಜದ ವಾರ್ಷಿಕ ಮಹಾಸಭೆ ಸಾಧಕರಿಗೆ ಸನ್ಮಾನ

ಸೋಮವಾರಪೇಟೆ, ಸೆ. ೩೦: ಇಲ್ಲಿನ ಬ್ರಾಹ್ಮಣ ಸಮಾಜದ ೧೦೨ನೇ ವಾರ್ಷಿಕ ಮಹಾಸಭೆ ಡಾ. ನಂಜಮ್ಮ ಕಲ್ಯಾಣ ಮಂಟಪದಲ್ಲಿ ನಡೆಯಿತು.

ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದ ಪೊಲೀಸ್ ಇಲಾಖೆಯ ಇನ್ಸ್ಪೆಕ್ಟರ್ ಮಹೇಶ್ ಮಾತನಾಡಿ ಯಾವುದೇ ತುರ್ತು ಸಂದರ್ಭದಲ್ಲಿ ಸಾರ್ವಜನಿಕರು ೧೧೨ ಕರೆ ಮಾಡಿದರೆ ಜನರ ರಕ್ಷಣೆಗೆ ಪೊಲೀಸ್ ಇಲಾಖೆ ಸದಾ ಸನ್ನದ್ಧವಾಗಿರುತ್ತದೆ. ಈ ಕರೆ ಉಚಿತವಾಗಿರುತ್ತದೆ ಎಂದರು.

ಸಭೆಯಲ್ಲಿ ಕೋವಿಡ್ ೧೯ರ ಸಮಯದಲ್ಲಿ ಕೊರೊನಾ ವಾರಿಯರ್ಸ್ ಆಗಿ ಸೇವೆ ಸಲ್ಲಿಸಿದ ಶ್ರೀಕಾಂತ್ ಮುತ್ತಣ್ಣ, ಎಸ್.ಆರ್. ಸೋಮೇಶ್, ಆನಂದ್, ಚಿತ್ರ ಕುಮಾರ್ ಭಟ್, ಎಲ್.ಎಮ್. ಪ್ರೇಮ, ಅರ್ಚನಾ ಶ್ರೀಕಾಂತ್, ಲಕ್ಷಿö್ಮ, ಎಸ್.ಡಿ. ಪ್ರಶಾಂತ್, ಎ.ಪಿ. ಲೋಕೇಶ್, ವಿದ್ಯಾ ವಿಶ್ವನಾಥ್, ಎಸ್.ಎ. ಮಧುಸೂದನ್ ಅವರನ್ನು ಸನ್ಮಾನಿಸಿ ಗೌರವಿಸ ಲಾಯಿತು. ದೇವಾಲಯದ ಅಧ್ಯಕ್ಷ ಎಸ್.ಆರ್. ಶ್ರೀನಿವಾಸ್ ಅಧ್ಯಕ್ಷತೆ ವಹಿಸಿದ್ದರು. ಕಾರ್ಯದರ್ಶಿ ಎಸ್. ಡಿ. ವಿಜೇತ್, ಖಜಾಂಚಿ ಶಾಮ್ ಸುಂದರ್, ದೇವಿ ಬಳಗದ ಉಪಾಧ್ಯಕ್ಷೆ ಕಲ್ಪನಾ ಕೌಶಿಕ್, ಎಸ್. ಡಿ. ದಿನೇಶ್, ಎಸ್. ಎನ್. ಸೋಮಶೇಖರ್ ಮತ್ತಿತರರು ಹಾಜರಿದ್ದರು.