ಸೋಮವಾರಪೇಟೆ, ಜೂ. ೨೨: ಹಿರಿಯ ಕವಿ ಸಿದ್ಧಲಿಂಗಯ್ಯ ಅವರ ನಿಧನಕ್ಕೆ ಭಾರತೀಯ ಜನತಾ ಪಾರ್ಟಿಯ ಅಸಂಘಟಿತ ವಲಯ ಪ್ರಕೋಷ್ಟದ ವತಿಯಿಂದ ಸಂತಾಪ ಸೂಚನಾ ಸಭೆ ನಡೆಯಿತು.
ಇಲ್ಲಿನ ಪಕ್ಷದ ಕಚೇರಿಯಲ್ಲಿ ಆಯೋಜಿಸಿದ್ದ ಸಭೆಯಲ್ಲಿ ಮಾತನಾಡಿದ ಪ್ರಕೋಷ್ಠದ ಜಿಲ್ಲಾ ಸಂಚಾಲಕ ವಿ.ಎಂ. ವಿಜಯ ಅವರು, ಕವಿ ಸಿದ್ದಲಿಂಗಯ್ಯ ಅವರ ನಿಧನ ಕನ್ನಡ ಸಾರಸ್ವತ ಲೋಕಕ್ಕೆ ಆದ ನಷ್ಟ ಎಂದರು.
ಸಿದ್ಧಲಿAಗಯ್ಯ ಅವರ ಭಾವಚಿತ್ರಕ್ಕೆ ಪುಷ್ಪನಮನ ಸಲ್ಲಿಸಿ ಶ್ರದ್ಧಾಂಜಲಿ ಕೋರಲಾಯಿತು. ಈ ಸಂದರ್ಭ ಎಸ್ಸಿ ಮೋರ್ಚಾ ಮಂಡಲ ಅಧ್ಯಕ್ಷ ಹೆಚ್.ಸಿ. ರಾಮಕೃಷ್ಣ, ಪ್ರಧಾನ ಕಾರ್ಯದರ್ಶಿ ದುಷ್ಯಂತ್ಕುಮಾರ್, ಎಂಸಿಎಸ್ ಅಧ್ಯಕ್ಷ ರಾಮ್ಪ್ರಸಾದ್, ಪ್ರಮುಖರಾದ ಗಣೇಶ್, ದಯಾನಂದ, ರಾಘವ ಸೇರಿದಂತೆ ಇತರರು ಉಪಸ್ಥಿತರಿದ್ದರು.