ಮಡಿಕೇರಿ, ಜು. 24: ಜಿಲ್ಲೆಯಲ್ಲಿ ತಾ. 24 ರಂದು 9 ಕೊರೊನಾ ಪ್ರಕರಣಗಳು ಪತ್ತೆಯಾಗಿವೆ. ಇದುವರೆಗೆ ವರದಿಯಾದ 323 ಪ್ರಕರಣಗಳ ಪೈಕಿ, 246 ಮಂದಿ ಗುಣಮುಖರಾಗಿದ್ದಾರೆ. ಜಿಲ್ಲೆಯಲ್ಲಿ ಪ್ರಸ್ತುತ 72 ಪ್ರಕರಣಗಳು ಸಕ್ರಿಯವಾಗಿವೆ ಹಾಗೂ 5 ಮಂದಿ ಸಾವನ್ನಪ್ಪಿದ್ದಾರೆ. ಜಿಲ್ಲೆಯಾದ್ಯಂತ 105 ನಿಯಂತ್ರಿತ ಪ್ರದೇಶಗಳಿವೆ. ಹೊಸ ಪ್ರಕರಣಗಳ ವಿವರ ನಾಪೋಕ್ಲು ಎಮ್ಮೆಮಾಡುವಿನ ನಿವಾಸಿಗಳು ಮಂಗಳೂರು ಪ್ರಯಾಣದ ಇತಿಹಾಸ ಹೊಂದಿರುವ 68 ಮತ್ತು 39 ವರ್ಷದ ಪುರುಷರಲ್ಲಿ ಸೋಂಕು ಪತ್ತೆಯಾಗಿದೆ. ಮಡಿಕೇರಿಯ ಪೋಸ್ಟಲ್ ವಸತಿಗೃಹದಲ್ಲಿ ಈ ಹಿಂದೆ ಸೋಂಕು ದೃಢಪಟ್ಟಿದ ವ್ಯಕ್ತಿಯ ಪ್ರಾಥಮಿಕ ಸಂಪರ್ಕವಾದ 46 ವರ್ಷದ ಮಹಿಳೆ ಮತ್ತು 18 ವರ್ಷದ ಮಹಿಳೆಯರಲ್ಲಿ ಸೋಂಕು ದೃಢಪಟ್ಟಿದೆ.

ಸೋಮವಾರಪೇಟೆಯ ಸುಂಟಿಕೊಪ್ಪದ ಬಿಎಂ ರಸ್ತೆಯ ಮಯೂರ

(ಮೊದಲ ಪುಟದಿಂದ) ಕಾಂಪ್ಲೆಕ್ಸ್‍ನ 36 ವರ್ಷದ ಪುರುಷನಲ್ಲಿ ಸೋಂಕು ದೃಢಪಟ್ಟಿದೆ. ಕುಶಾಲನಗರ ಹುಲುಸೆಯಲ್ಲಿ ಈ ಹಿಂದೆ ಸೋಂಕು ದೃಢಪಟ್ಟಿದ್ದ ವ್ಯಕ್ತಿಯ ಪ್ರಾಥಮಿಕ ಸಂಪರ್ಕವಾದ 65 ವರ್ಷದ ಪುರುಷನಿಗೆ ಸೋಂಕು ದೃಢಪಟ್ಟಿದೆ. ಸಿದ್ದಾಪುರ ಮಾರುಕಟ್ಟೆಯ 42 ವರ್ಷದ ಪುರುಷನಿಗೆ ಸೋಂಕು ದೃಢಪಟ್ಟಿದೆ. ಈ ಹಿಂದೆ ಸೋಂಕು ದೃಢಪಟ್ಟ ಪೋಸ್ಟಲ್ ವಸತಿಗೃಹ ವ್ಯಕ್ತಿಯ ಪ್ರಾಥಮಿಕ ಸಂಪರ್ಕವಾದ ಮಡಿಕೇರಿಯ ಓಂಕಾರೇಶ್ವರ ರಸ್ತೆಯ 36 ವರ್ಷದ ಪುರುಷನಿಗೆ ಸೋಂಕು ದೃಢಪಟ್ಟಿದೆ.

ಹೊಸ ನಿಯಂತ್ರಿತ ಪ್ರದೇಶಗಳು

ಜಿಲ್ಲೆಯಲ್ಲಿ 5 ಕಂಟೈನ್‍ಮೆಂಟ್ ವಲಯಗಳನ್ನು ಹೊಸದಾಗಿ ತೆರೆಯಲಾಗಿದೆ. ಮಯೂರ ಕಾಂಪ್ಲೆಕ್ಸ್ ಬಿ.ಎಂ.ರಸ್ತೆ, ಸುಂಟಿಕೊಪ್ಪ, ಎಮ್ಮೆಮಾಡು, ಸಿದ್ದಾಪುರ, ಜಿ.ಟಿ ಶಾಲೆ ಹಿಂಭಾಗ, ಓಂಕಾರೇಶ್ವರ ದೇವಾಲಯ ರಸ್ತೆ, ಮತ್ತು ಭರತ್ ಬ್ಯಾಂಗಲ್ಸ್ ಸಮೀಪ, ಮಹದೇವಪೇಟೆ ಹೊಸ ಕಂಟೈನ್‍ಮೆಂಟ್ ವಲಯಗಳನ್ನು ತೆರೆಯಲಾಗಿದೆ.