ಮಡಿಕೇರಿ, ಜೂ. 10: ಪ್ರಸಕ್ತ (2020-21) ಸಾಲಿಗೆ ಎಲ್ಲಾ ಖಾಸಗಿ ಶಾಲೆಗಳಲ್ಲಿ (ಅಲ್ಪಸಂಖ್ಯಾತ ಶಾಲೆಗಳನ್ನು ಹೊರತುಪಡಿಸಿ) ಮಕ್ಕಳ ಶಿಕ್ಷಣ ಹಕ್ಕು ಅಧಿನಿಯಮದನ್ವಯ ಶೇ. 25 ರಷ್ಟು ಸೀಟುಗಳಿಗೆ ಆನ್‍ಲೈನ್‍ನಲ್ಲಿ ಅರ್ಜಿ ಸಲ್ಲಿಕೆ ಪ್ರಕ್ರಿಯೆ ಆರಂಭವಾಗಿದ್ದು, ಜಿಲ್ಲೆಯ 7 ಶಾಲೆಗಳಲ್ಲಿ 67 ಸೀಟುಗಳು ಮೀಸಲಿಡಲಾಗಿದೆ ಎಂದು ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪ ನಿರ್ದೇಶಕರಾದ ಪಿ.ಎಸ್. ಮಚ್ಚಾಡೋ ಅವರು ತಿಳಿಸಿದ್ದಾರೆ.

ಅರ್ಜಿ ಸಲ್ಲಿಸಲು ತಾ. 10 ರಿಂದ ತಾ. 24 ರವರೆಗೆ ಅವಕಾಶವಿದೆ. 2020-21 ನೇ ಶೈಕ್ಷಣಿಕ ಸಾಲಿಗೆ ಪ್ರಾರಂಭಿಕ ತರಗತಿಗಳಾದ ಎಲ್‍ಕೆಜಿ ಮತ್ತು 1 ನೇ ತರಗತಿ ಪ್ರವೇಶಾತಿಗೆ ಅರ್ಜಿ ಸಲ್ಲಿಸಬಹುದು. ಆರ್‍ಟಿಇ ತಿದ್ದುಪಡಿ ನಿಯಮದ ಪ್ರಕಾರ ತಮ್ಮ ನೆರೆ-ಹೊರೆಯಲ್ಲಿ ಸರ್ಕಾರಿ ಅಥವಾ ಅನುದಾನಿತ ಶಾಲೆಗಳು ಇದ್ದಲ್ಲಿ ಅಂತಹ ನೆರೆ-ಹೊರೆಯಲ್ಲಿ ಖಾಸಗಿ ಅನುದಾನ ರಹಿತ ಶಾಲೆಗಳಿಗೆ ಅರ್ಜಿ ಸಲ್ಲಿಸಲು ಅವಕಾಶ ಇರುವುದಿಲ್ಲ. ಆದರೆ ಅನುದಾನಿತ ಶಾಲೆಗಳಿಗೆ ಅರ್ಜಿ ಸಲ್ಲಿಸಲು ಅವಕಾಶ ನೀಡಲಾಗಿದೆ ಎಂದು ಅವರು ತಿಳಿಸಿದ್ದಾರೆ.

ಇತರ ವರ್ಗದವರಿಗೆ ರೂ.3.5 ಲಕ್ಷ ಆದಾಯ ಮಿತಿ ನಿಗದಿಪಡಿಸಿದೆ. ಪ್ರವರ್ಗ-1, ಎಸ್‍ಸಿ, ಎಸ್‍ಟಿ ಸಮುದಾಯದವರಿಗೆ ಆದಾಯ ಮಿತಿ ಇರುವುದಿಲ್ಲ. ಅರ್ಜಿ ಸಲ್ಲಿಸಲು ವಯೋಮಿತಿಯು ಮಗುವಿನ ಜನ್ಮ ದಿನಾಂಕದಿಂದ ದಿನಾಂಕ 1-06-2020ರಲ್ಲಿ ಇದ್ದಂತೆ 1 ನೇ ತರಗತಿಗೆ 5ವರ್ಷ 5 ತಿಂಗಳು ಕನಿಷ್ಟ ಹಾಗೂ 7 ವರ್ಷಗಳ ಗರಿಷ್ಠ ವಯೋಮಾನ, ಎಲ್‍ಕೆಜಿ 3 ವರ್ಷ 5 ತಿಂಗಳು ಕನಿಷ್ಟ ಹಾಗೂ 5 ವರ್ಷಗಳ ಗರಿಷ್ಠ ವಯೋಮಾನವಿರಬೇಕು. ಸಾರ್ವಜನಿಕ ಶಿಕ್ಷಣ ಇಲಾಖೆಯ hಣಣಠಿ://sಛಿhooಟeಜuಛಿಚಿಣioಟಿ. ಞಚಿಡಿ.ಟಿiಛಿ.iಟಿ ವೆಬ್‍ಪೋರ್ಟಲ್‍ನಲ್ಲಿ ಆರ್‍ಟಿಇ-2020 ಲಿಂಕ್ ಕ್ಲಿಕ್ ಮಾಡಿ ನೆರೆಹೊರೆಯಲ್ಲಿ ಶಾಲೆಗಳ ಲಭ್ಯತೆಯನ್ನು ಖಾತರಿಪಡಿಸಿ ಕೊಳ್ಳುವಂತೆ ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪ ನಿರ್ದೇಶಕರು ತಿಳಿಸಿದ್ದಾರೆ.

ಜಿಲ್ಲೆಯ ಶೈಕ್ಷಣಿಕ ವಲಯಗಳ ಶಾಲಾವಾರು, ವರ್ಗವಾರು ಆರ್‍ಟಿಇ ಸೀಟು, ಲಭ್ಯತೆ ವಿವರ ಇಂತಿದೆ. ಸೋಮವಾರಪೇಟೆ ವಲಯ ಜ್ಞಾನಗಂಗಾ ವಸತಿ ಶಾಲೆ ಆತ್ತೂರು ಹಾರಂಗಿ ರಸ್ತೆ ಕುಶಾಲನಗರ ಎಸ್.ಸಿ 7, ಎಸ್.ಟಿ 1 ಇತರ 13 ಒಟ್ಟು 21, ಭಾರತಿ ವಿದ್ಯಾಭವನ ಗರ್ವಾಲೆ ಎಸ್.ಸಿ 1, ಇತರ 2 ಒಟ್ಟು 3, ಜ್ಞಾನ ಭಾರತಿ ಹಿ.ಪ್ರಾ.ಶಾಲೆ ಕುಶಾಲನಗರ ಎಸ್.ಸಿ 5, ಎಸ್.ಟಿ 1, ಇತರೆ 11 ಒಟ್ಟು 17, ಎಸ್.ಜೆ.ಎಂ ಸೋಮವಾರಪೇಟೆ ಎಸ್.ಸಿ 1, ಇತರ 1 ಒಟ್ಟು 2 ಆಗಿದೆ. ಸೋಮವಾರ ಪೇಟೆ ತಾಲೂಕಿನಲ್ಲಿ ಎಸ್.ಸಿ 14, ಎಸ್.ಟಿ 2, ಇತರ 27 ಸೇರಿದಂತೆ ಒಟ್ಟು 43 ಸೀಟುಗಳು ಲಭ್ಯವಿದೆ. ಸಹಾಯವಾಣಿ ಸಂಖ್ಯೆ 08276-282162.

ವೀರಾಜಪೇಟೆ ವಲಯ ವಿಜಯ ಹಿ.ಪ್ರಾ.ಶಾಲೆ ಕಡಂಗ ಎಸ್.ಸಿ 2, ಇತರ 4 ಒಟ್ಟು 6, ಕಾವೇರಿ ಹಿ.ಪ್ರಾ.ಶಾಲೆ ಕುಕ್ಲೂರು ಎಸ್.ಸಿ 3, ಎಸ್.ಟಿ 1, ಇತರ 6 ಒಟ್ಟು 10, ತ್ರಿವೇಣಿ ಹಿ.ಪ್ರಾ.ಶಾಲೆ ಕುಕ್ಲೂರು ಎಸ್.ಸಿ 2, ಎಸ್.ಟಿ 1 ಇತರ 5 ಒಟ್ಟು 8 ಆಗಿದೆ. ವೀರಾಜಪೇಟೆ ತಾಲೂಕಿನಲ್ಲಿ ಎಸ್.ಸಿ 7, ಎಸ್.ಟಿ 2 ಇತರ 15 ಒಟ್ಟು 24 ಸೀಟುಗಳು ಲಭ್ಯವಿದೆ.

ಸಹಾಯವಾಣಿ ಸಂಖ್ಯೆ 08274-257249. ಜಿಲ್ಲೆಯಲ್ಲಿ ಒಟ್ಟು ಎಸ್.ಸಿ 21, ಎಸ್.ಟಿ 4, ಇತರ 42 ಸೇರಿದಂತೆ ಒಟು 67 ಸೀಟುಗಳು ಲಭ್ಯವಿದೆ ಎಂದು ಸಾರ್ವಜನಿಕ ಶಿಕ್ಷಣ ಇಲಾಖೆಯ ಉಪ ನಿರ್ದೇಶಕ ಪಿ.ಎಸ್. ಮಚ್ಚಾಡೋ ತಿಳಿಸಿದ್ದಾರೆ.