ಸುಂಟಿಕೊಪ್ಪ, ಮಾ. 31: ತಲ್ಮಾಸೀಯ (ರಕ್ತಹೀನತೆ) ಕಾಯಿಲೆಯಿಂದ ಬಳಲುತ್ತಿದ್ದ ಈರ್ವರು ಮಕ್ಕಳನ್ನು ಕೊಡಗು ಜಿಲ್ಲಾ ಸುನ್ನಿ ವೆಲ್‍ಫೇರ್ ಅಸೋಸಿಯೇಷನ್ ಬೆಂಗಳೂರು ಆಸ್ಪತ್ರೆಗೆ ಜಿ.ಪಂ. ಸದಸ್ಯ ಪಿ.ಎಂ. ಲತೀಫ್ ಅವರ ಕೋರಿಕೆಯಂತೆ ಕರೆದೊಯ್ದು ಉಚಿತವಾಗಿ ರಕ್ತವನ್ನು ಕೊಡಿಸಿದ್ದಾರೆ. 7ನೇ ಹೊಸಕೋಟೆ ತೊಂಡೂರು ಗ್ರಾಮದ ರವಿ ಪುತ್ರ ವಂಶಿಕ್ ಹಾಗೂ ಪಿರಿಯಾಪಟ್ಟಣದ ತಿಲಕ್ ಕುಮಾರ್ ಪುತ್ರ ನಮನ್ ಅವರುಗಳು ತಲ್ಮಾಸೀಯ ಖಾಯಿಲೆಯಿಂದ ಬಳಲುತ್ತಿದ್ದು; ಪ್ರತಿ 15 ದಿನಗಳಿಗೊಮ್ಮೆ ಬೆಂಗಳೂರು ಬ್ಲಡ್ ಬ್ಯಾಂಕಿನಲ್ಲಿ ರಕ್ತವನ್ನು ನೀಡಬೇಕಾಗಿತ್ತು. ಕೊರೊನಾದಿಂದ ಬಸ್ ಖಾಸಗಿ ವಾಹನಗಳ ಓಡಾಟವಿಲ್ಲದೆ ಪರದಾಡುತ್ತಿರುವುದನ್ನು ಗಮನಿಸಿದ ಪಿ.ಎಂ. ಲತೀಫ್ ಬಡಮಕ್ಕಳ ನೆರವಿಗೆ ಬಂದರು. ಬಡ ಕುಟುಂಬ ಹಾಗೂ ಗ್ರಾಮಸ್ಥರು ಊರಿನವರು ಇವರ ಸೇವೆಯನ್ನು ಶ್ಲಾಘಿಸಿದ್ದಾರೆ.