ಸುಂಟಿಕೊಪ್ಪ, ಮಾ. 31: ಕೊರೊನಾ ಲಾಕ್‍ಡೌನ್‍ನಿಂದ ಮನೆಯಲ್ಲಿಯೇ ಬಂಧಿಯಾಗಿದ್ದ ಬಡವರು, ವಯೋವೃದ್ಧರು, ವಿಶೇಷಚೇತನರಿಗೆ ಕುಶಾಲನಗರದ ಬಿಎಸ್‍ಆರ್ ಸ್ಟೀಲ್ ಸಂಸ್ಥೆ ಮಾಲೀಕ ಬಾಬು ಆಹಾರ ಕಿಟ್ ವಿತರಿಸುವ ಮೂಲಕ ನೆರವು ನೀಡಿದ್ದಾರೆ.

ಬಿಎಸ್‍ಆರ್ ಮಾಲೀಕ ಬಾಬು ಹಾಗೂ ಬಸವೇಗೌಡ ಆನೆಕಾಡು ಹೊಂಸ್ಟೇ ಮಾಲೀಕರು ಭಾನುವಾರ ಸುಂಟಿಕೊಪ್ಪದ ಅಂಬೇಡ್ಕರ್ ಬಡಾವಣೆ, ಮಧುರಮ್ಮ ಬಡಾವಣೆ, ಗಿರಿಯಪ್ಪಮನೆ, ಶ್ರೀದೇವಿ, ಗದ್ದೆಹಳ್ಳ ರಾಮ ಬಡಾವಣೆ ಮೊದಲಾದೆಡೆ ತೆರಳಿ ಅಕ್ಕಿ ದಿನಸಿ, ಕಿಟ್ಟನ್ನು ಉಚಿತವಾಗಿ ವಿತರಿಸಿದರು. ಈ ಸಂದರ್ಭ ಪಂಚಾಯಿತಿ ಅಭಿವೃದ್ಧಿ ಅಧಿಕಾರಿ ವೇಣುಗೋಪಾಲ್, ಪುನೀತ್, ಶ್ರೀನಿವಾಸ್, ಡಿ.ಎಂ. ಮಂಜುನಾಥ್ ಮತ್ತಿತರರು ಇದ್ದರು.